سودارس : عزيزي (ابوالقفند) نحن غلطانين في حقك لي هنا

ارتفاع طفيف لأرباح زين السعودية إلى 604 ملايين في 2025 هدى الإتربي تكشف كواليس مسلسل "مناعة": تجربة مختلفة بتفاصيل إنسانية علامات فى العينين تساعد على اكتشاف الإصابة ب 3 أمراض مختلفة مدينة على القمر خلال 10 سنوات.. هل يتراجع حلم المريخ؟ رئيس الوزراء يتوجه إلى ألمانيا مترأساً وفد السودان المشارك في أعمال الدورة 62 لمؤتمر ميونيخ للأمن مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الحكومة تؤكد عودتها الكاملة إلى الخرطوم.. ولقاء حاشد للإعيسر مع الجالية السودانية بالكويت يعكس التفافاً وطنياً واسعاً الفنانة شيماء سيف: من ساعة ما حجيت ونفسي اتنقب واختفي علاجك من أحلامك.. دراسة تتوصل لإمكانية استخدام أحلام الشخص فى العلاج النفسى 7 أطعمة للإفطار لا ترفع مستوى السكر في الدم الموسياب يبدع ويقسو على الأمل بثلاثية نظيفة الرابطة والتوفيقية يتعادلان في مباراة الأحداث المثيرة الهلال ينفرد بصدارة الدوري الرواندي وزير التعليم العالي السوداني: العودة إلى الدراسة خطوة استراتيجية ضياء الدين بلال يكتب: قوش وآخرون... جرد حساب! رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا عاطف حسن يكتب: بنك الخرطوم.. اعتذارك ماااااا بفيدك .. !! شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام) شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!! شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا) ارتفاع وارد الذرة واستقرار أسعار السمسم في بورصة محاصيل القضارف اللواء الركن (م) أسامة محمد أحمد عبد السلام يكتب: البغلة في إبريق (شيخ اللمين) الدولار يواصل التراجع أمام الجنيه فى منتصف تعاملات اليوم آبل تستعد لأكبر تغيير فى تصميم آيفون منذ سنوات مع iPhone 18 Pro دعوى ضد ميتا ويوتيوب بشأن إدمان الأطفال للتطبيقات درة تكشف عن دورها فى مسلسل "على كلاى".. شخصية مركبة ومعقدة مسؤول سوداني يغادر إلى تركيا السودان.. وزير الشباب والرياضة يصدر قرارًا وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات ارتفاع في وارد المحاصيل الزراعية بسوق القضارف عثمان ميرغني يكتب: كبري الحلفايا... شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عزيزي (ابوالقفند) نحن غلطانين في حقك لي هنا

كورة سودانية نشر في كورة سودانية يوم 22 - 11 - 2015

دق الدلجة
محمد عبد الماجد
عزيزي (ابوالقفند) نحن غلطانين في حقك لي هنا
لو بنلعب (شليل) – وجابوا لينا ناس مجدي شمس الدين ..اقنعوا من (العضم).
ح يقدم طلب فحص.
وح يروح فيها (العضم) في ستين داهية.
تاني ما بتشوفوا فيه اي شيء.
لو بنلعب (جر الحبل) – وظهر ليكم اسامة عطا المنان …اقنعوا من (حبلكم).
ومن (الجر) ذاتو.
لو بتلعبوا (شاديد)..وشفتوا سمير فضل – اتوقعو منو اي حاجة.
يقول ليكم ما بتذكر – بتذكر – المهم ما بتفهموا منو شيء.
الله يستر على (ام حفيرة).
والدسوسية.
وام اربعة.
وحرامي وعسكر.
والبلي استيشن ذاتها.
ديل لو دخلوا ليكم في ألعاب الكمبيوتر ح يلخبطوها ليكم.
يعني ممكن المباراة تكون بين شيلسي وروما ..يمنحوا ليك نقاط المباراة
اتلتيكومدريد.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الليلة يوم اسود في تاريخ كورة القدم السوداني – فيه تحدث (كارثة)
حقيقية يتوج فيه الفريق الذي خسر خمس مرات.
والفريق الذي لم يخسر قاعد.
خسروا بدون خجل.
1 / صفر من الاهلي شندي – 2 / صفر من الامل عطبرة – 3 / 1 من الاهلي مدني.
في استادهم 1 / صفر امام مريخ الفاشر – 2 / 1 امام هلال الابيض.
خسائر لو في عدل تنزل الفريق درجة تانية طوالي.
الليلة هذا الوصيف بكل هذه الهزائم سوف يتم تتويجه (مكتبيا).
عليكم الله ما تقولوا لي الليلة ما في (تتويج).
ما يغشوكم بالحاجة دي.
وما تنتظروا لي الجمعية العمومية للاتحاد العام.
الجمعية العمومية فيها منو؟.
ناس مجدي ذاتهم – بلعبوا بالبيضة والحجر.
ناس اسامة ومعتصم.
ومازدا.
ومحمد سيد احمد.
ديل ح تنتظروا منهم شنو؟.
ديل من قوة عينهم يمكن (خالد النعسان) يقلبوه للمريخاب (ولاءالدين).
ويقولوا ليك حصل غلط في ارنيك التسجيل.
الناس البقلبوا الخسارة – انتصار اتوقعوا منهم اي شيء.
الناس البعيدوا المباراة – ما في حاجة بعيدة عليهم.
اللجنة قالت المريخ لن يتوج اليوم – (فالحين).
ما تبقوا بالطيبة دي ..يعني انتوا منتظرين ليكم (تتويج)…بعد خمس خسائر.
ما في (خجل).
البلد دي فيها ازمة (حياء) عام – وإلّا الحاصل شنو؟.
الخجل دا فيه حاجة.
حتى (التتويج) سوف يتم في (المكتب).
بالدس.
بطولة (مكتبية) جدا.
خليتوا لي روحكم شنو؟ – وانتوا في (الملعب) ما قادرين تشيلوا ليكم (كاس).
عشان كدا.
وعشان ما عندنا كورة الليلة عاوز اتحدث عن (ابوالقفند).
عاوز اعتذر ليه.
على كيفي.
احسن من نتكلم عن الكورة.
هي وينها الكورة عشان نتكلم فيها …الكورة واقفة اكثر من شهر ..مع ذلك
تتخيلوا المباريات شغالة.
تتخيلوا (المريخ) هو الفريق الوحيد الذي يحقق في (الانتصارات) ويمنح في
(النقاط) مع هذا (التوقف).
كورنر ما رفعها.
وبحققوا في الانتصارات.
ولا عجب ..فقد خسر المريخ في الملعب ..عادوا ليه المباراة.
اتعادل اعتبروه فائز.
خلوني.
خلوني عشان الحركات دي اتكلم عن ابوالقفند.
عاوز اعتذر ليه.
الاعتذار لي ابوالقفند فيه حاجة.
عاوز اقول ليه نحن غلطنا في حقك كتير.
خلينا (الدهب) ومشروع الجزيرة وقعدنا نسك فيك.
قالوا لينا ابوالقفند بي ربع مليار.
يعني ابوالقفند واحد بجيب عربية برادو.
اربعة ابوالقفند بتعمل ليك (بيت).
اتغشينا.
اتخدعنا.
عشان كدا في السقط دا طالع في الحوش عاوز اعتذر ليه.
اعتذار رسمي.
ويمكن اطلع لي بيان.
وكون لي لجنة.
نحن ارتكبنا في حقو جريمة – طلعنا فيه دعاية بايخة شديد.
قرضناه ..وقدمنا اكبر خدمة للعقارب والثعابين.
ما عاوز اجيب سيرة الليلة للكورة.
الليلة الفريق (الوصيف) بقوه (بطل).
كارثة.
والبطل قاعد في البيت.
فريق خسر في شندي من الاهلي.
وخسر في عطبرة من الامل.
نقطة من نهر النيل ما جابها.
وفاز بالدوري.
فريق اتعادل في كادوقلي.
وخسر في المناقل.
وعاوز يشيل الكاس.
قلت ليكم احسن اتكلم ليكم عن (ابوالقفند) – والله احسن ليكم.
احسن من اجيب ليكم سيرة ما بتعجبكم.
فريق خسر في استاده امام هلال الابيض.
قدام جمهوره.
في حضور الفاتح خضر وسمير فضل.
وح يشيل الكاس.
فريق خسر في ملعبه وفي حضور جمهوره وطلعوا ليه (الشرطة) امام مريخ الفاشر.
والليلة جايبنو بدون (جمهور) عشان يمنحوه البطولة.
بالسر.
يعني الواحد على كدا ممكن يمشي الدكان يشتري ليه (بطولة).
نحن كنا قايلين الحاجات البشتروها في البلد دي (الخبرات).
الشهادات الجامعية.
لقينا ليك (البطولات) ذاتها يمكن يشتروها.
البطولة بقت زي (الطحنية).
ممكن عادي تقيف في مكاتب الاتحاد العام وتقول ليهم ادوني بطولة الممتاز.
يعني بالمختصر كدا يا بشه ما تتعبوا روحكم ساكت.
يا كاريكا ما في داعي.
البطولات الزمن دا بحققوها بي اسامة ومجدي.
وسمير فضل.
حكاية اعكس لي واعكس ليك.
وانا بجري اقيف ليك قدام.
وطلع طويل.
انتهت.
بقت ما كدا.
الخطة ما 4 – 4 – 2.
ولا 3 – 3 – 3 – 1.
الخطة بقت مجدي – اسامة – سمير فضل.
ولو اتعصرتوا شديد – بجيبوا ليكم ازهري وداعة الله.
البطولات بقوا يحققوها والمراوح شغالة ..والميكفات تهبهب.
وعصير الليمون مدور.
والزلابية بتقول يا غربتي.
المرواح الشغالة دي فيها حاجة.
قلت ليكم – عشان ما اغلط عليكم.
قلت ليكم خلوني اتكلم عن ابوالقفند.
ابوالقفند دي رضي وهادي.
ابوالقفند ما بقول حاجة.
لا بزعل.
ولا بعترض.
ولا بغضب.
وبريحني في الكلام عنو.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الجماعة خلوا الحقيقة وقعدوا يسكوا في (ابوالقفند).
عدم موضوع.
عدم شغلة.
عدم الشغلة دي فيها حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الليلة يوم حزين بحق في تاريخ الكورة السودانية.
يوم مشقلب.
قلبوا فيه القوانين.
وزوروا فيه التقارير.
ومنحوا فريق خسر خمس مرات البطولة.
ريال مدريد قدام عيونا خسر امس امام برشلونة صفر / 4.
ما قالوا طلعوا (الشرطة).
ولا شفنا لينا (لجنة) واحدة اثناء المباراة.
لكن تتخيلوا بعد كدا ..ناس ريال مدريد ديل لو شالوا النتيجة دي وجابوها
لي ناس سمير فضل بعيدوا ليهم المباراة.
يمين ولا بتلفتوا.
اعادة – اعادة.
قلت ليكم ..خلوني الليلة بالذات اتكلم عن ابوالقفند.
اعتذر ليه.
اقول ليه حقك علينا.
نحن غلطنا فيك.
نحن اتعاملنا معاك بي وحشية شديدة.
طلعنا فوقك اشاعات ما عندها حد.
خلوني ..عشان اليوم دا الليلة مفروض تمسحوه من تاريخ الكورة السودانية.
مفروض تنكروه.
ومفروض تذكروا.
معتصم ومجدي واسامة …ثلاثي اضواء المريخ.
اتذكروا سمير فضل ومجموعته.
وازهري وداعة الله.
اي زول شارك في (الفضيحة) دي – نحن ما عفينا ليه.
اي زول ساهم في هذا الكارثة …سجل اسمه في قائمة الاسف.
اي زول مقتنع بهذه النتائج يراجع موقفو.
ويشوف ضميرو مات من متين؟.
خلوني لي (ابوالقفند).
ان شاءالله اقطعو.
اهرسو.
ما في زول عندو معاي حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
…………..
و
الليلة ما في خجل.
ما اظن.
الليلة ما حياء.
تعالوا نحتفل الليلة بي موقف الهلال.
كملنا المشوار.
وما اتراجعنا خطوة.
واقفين.
تعالوا نحتفل بي هلالنا.
نفرح بيه.
ونخجل للمريخاب.
بس اوعكم زول ينتظر فيكم الجمعية العمومية.
ما عاوزين منها حاجة.
وما عاوزين لينا كورة.
اعلنوا انسحابكم من الآن من الموسم القادم.
قفلوا الاستاد.
لو لعبناها خماسيات ..احسن من نلعب في الممتاز.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
……..
السيدة (ل) – الليلة الموية دي جابت ليها طعم.
وقرّط على كدا.

انقر هنا لقراءة الخبر من مصدره.