محمد عثمان بلل الكونفدرالية .. وطيش الممتاز مع الكونفدرالية والمشاركة الخارجية أصبحنا ما متابعين اخبار الوصيف. الدوري الممتاز زاتو وصل لحدي وين نسيناه. لكن فجأة كدا مع عودة سيدالبلد للخرطوم إتذكرنا الممتاز دا. قلنا يمكن الوصيف شال الكأس ولا حتي حافظ على الوصافة. أو حقق نتائج باهرة وجماهيره منتشية بالعروض القوية. رحلات الهلال الخارجية الكتيرة الفترة الماضية دي كلها وبرضو رحلاتو الجاية الكتيرة في الكونفدرالية ح تخلينا ننسي اي حاجة. المهم. أول حاجة لقينا الدوري الممتاز أصبح مجموعتين. ليه لكن .. تقول شنو دي قرارات البروفسير. البروفسير منو ..؟؟ عليك الله في الرياضة عندنا كم بروفسير. كتاااااااار. قول منهم اتنين. مش قصدك البروفسيرات بتاعين التنظير ديل. لالالا دي بروفسير حقيقي. ايواااا قصدك شداد. بس ياهو زاتو. طيب ما تطلع لينا من الشارع أقصد من الموضوع الرئيسي. يا زول لقينا ليك الوصيف طيش مجموعتو. إنت جادي. عارف الدوري الممتاز لو كان زي زمان. كيف يعني زي زمان. زمان مش كان الاندية دي كلها بتلعب مع بعض. أي كان كدا. بس دا كلامي القاصدو أنا. طيب واصل كلامك. لو كان الدوري الممتاز زي زمان. كان الوصيف يصارع من اجل البقاء. للدرجة دي. يا زول لقينا ليك الوصيف في المباريات الطرف الأضعف. الاندية التانية هي البتهاجم والوصيف بدافع. وما بعيد يهبط كمان. يا زول ما تبالغ كمان. دي الحقيقة. وطيب الناس ديل الله يصبرهم على الحالة دي. وكمان من لسان ناس الهلال. ناس الهلال هم فاضيين ليهم. الهلال بقاتل وحيدا في البطولات الخارجية. طيب الجديد شنو. دا الهلال من زماااااااان. (صمت اخير) .. يا قلبي الله يصبرك.
تطبيق كورة سودانية لتصفح أسرع وأسهل لزوارنا حمل من السودان متجر موبايل1 http://www.1mobile.com/net.koorasudan.app-2451076.html 2,456حملو التطبيق لزوارنا من جميع انحاء العالم من متجر قوقل https://play.google.com/store/apps/details?id=net.koorasudan.app 17756 حملو التطبيق على متجر apkpure https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app على متجر facequizz http://www.facequizz.com/android/apk/1995361/ على متجر mobogenie https://www.mobogenie.com/download-net.koorasudan.app-3573651.html على متجر apk-dl http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9 على متجر apkname https://apkname.com/ar/net.koorasudan.app