محمد عثمان بلل حتي من المكتب فاشلين ..!! أثبت الوصيف الخفيف فشله داخل وخارج الملعب. ظل يفشل في الحصول على اللقب داخل الملعب. وأصبح يبحث عليه داخل المكتب. وفي الثانية ايضا اثبت فشله. معقولة ما قادرين تكسبوا شكوى مضمونة للدرجة دي. معلومات (تك). يا شماتة أبله ظاظا فيكم. هسي عليكم الله في فريق في (الليق) بكتب ليهو شكوى بالطريقة دي. خليتو شنو لي ناس (الدافوري). يعني تاني كان حصلت اي حاجة في (الليق) يقول الوصيف هو زاتو ما عمل كدا. يا شماتة أبله ظاظا فيكم. من هسي يا ناس الهلال شوفو ليكم نادي يكون ليكم (ند حقيقي). نحن زاتو خجلانين من التصرف دا. فشل شديد. أقول ليكم حاجة. استادكم دا استفيدوا منو في حاجة تانية. اعملوه (مول) .. أو مطاعم (صاج السمك) .. يمكن تنجحوا شويه. غضب عارم واستنكار داخل جماهير الوصيف. هي زاتها خجلانه من تصرف الادارة. يا شماتة أبله ظاظا فيكم. ليكم حق تنسحبوا. نفذوا طوالي. اتحاد العاصمة الجزائري في انتظاركم. برضوا انسحبوا من البطولة العربية. نحمدالله نحن هلالاب. الهلال عالم جميل. (صمت اخير) .. يا شماتة أبله ظاظا فيكم.