كامل ادريس يلتقي نائب الأمين العام للأمم المتحدة بنيويورك    شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين    محرز يسجل أسرع هدف في كأس أفريقيا    شاهد بالفيديو.. جنود بالدعم السريع قاموا بقتل زوجة قائد ميداني يتبع لهم و"شفشفوا" أثاث منزله الذي قام بسرقته قبل أن يهلك    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي)    السودان يردّ على جامعة الدول العربية    وزير الداخلية التركي يكشف تفاصيل اختفاء طائرة رئيس أركان الجيش الليبي    البرهان يزور تركيا بدعوة من أردوغان    المريخ يحقق الرمونتادا أمام موسانزي ويتقدم في الترتيب    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    تقارير: الميليشيا تحشد مقاتلين في تخوم بلدتين    جنوب إفريقيا ومصر يحققان الفوز    مجلس التسيير يجتمع أمس ويصدر عددا من القرارات    شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة    شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية)    سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا)    شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية)    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    في افتتاح منافسات كأس الأمم الإفريقية.. المغرب يدشّن مشواره بهدفي جزر القمر    استقالة مدير بنك شهير في السودان بعد أيام من تعيينه    مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    ريال مدريد يزيد الضغط على برشلونة.. ومبابي يعادل رقم رونالدو    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    انخفاض أسعار السلع الغذائية بسوق أبو حمامة للبيع المخفض    تونس.. سعيد يصدر عفوا رئاسيا عن 2014 سجينا    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



كل مرة يقولوا لينا محترف ( خرافي ) قادم و نحن نشيل و نصدق .!!
و ان طال السفر نشر في كورة سودانية يوم 22 - 10 - 2018


محمد عبد الماجد
كل مرة يقولوا لينا محترف ( خرافي ) قادم و نحن نشيل و نصدق .!!
تقليص كشوفات الاندية ل ( 25 ) لاعباً يعني ان تكون كل القوة الموجودة في كشوفات الهلال جاهزة و قادرة على العطاء و الابداع و التألق .
أي لاعب في الهلال مفروض يكون بي اتنين .
أمس غادر كشف الهلال متوكل كولا و حسين أفول بعد موسم واحد في الهلال صغر سنهما و عدم اتاحة الفرصة الكافية لهما تجعلنا نتحسر عليهما .
نتمنى التوفيق لكولا و أفول في مشوارهما القادم .
الذي يهمنا الآن ان يدخل لكشوفات الهلال اسماء قادرة على ان تعوض هذه الفروقات بعد تقليص الكشف
ل ( 25 ) لاعباً فقط .
ننشد اسماء افضل
من تلك الاسماء التي خرجت من كشف الهلال .
لا بد من تسجيلات قوية و اختيارات دقيقة بعد ان تقلص الكشف ل ( 25 ) لاعباً فقط .
مضت 7 ايام من انطلاقة التسجيلات .
في مثل هذا التوقيت في امتحانات الشهادة السودانية يمر مراقب الامتحانات ليقول للطلاب مضى نصف الزمن .
الطلبة عيونهم تبقى في نص رأسهم .
و اظننا نحن في حاجة الى ان نقول نفس العبارة لمجلس ادارة نادي الهلال و لرئيس الهلال اشرف الكاردينال .
مضى نصف الزمن .
عملناها كلها احتفالات .
و مهرجانات .
و التسجيلات انتهت .
و مباراة القمة يوم 2 نوفمبر .
الى الآن الهلال لم يسجل غير حارس مرمى المريخ جمال سالم .
و حتى جمال سالم تسجيله لم يكتمل بعد .
الله يجيب
العواقب سليمة .
بالمناسبة – انتوا تعالوا هنا … ( اسد ) بتاع المريخ قاعد يعمل في شنو ؟ .
الزول دا الدوري فات من تحت ايده بعد خصم 6 نقاط من رصيد الهلال .
و الشكوى فاتت من تحت ايده و هو رئيس بعثة المريخ في الفاشر .
و جمال سالم فات و هو قاعد يصرح في الفضائيات .
انت ( اسد )
على شنو ؟ .
و ( اسد ) في شنو ؟ .
أول مرة أشوف
لي ( اسد ) كدا .
نرجع ونعود للتسجيلات .
الكلام الجد .
الكلام الما
بتبلع ليكم
تبقت 7 ايام من
قفل باب التسجيلات .
و نحن من مهرجان لي مهرجان .
اكتفينا بي صورة جمال سالم .
و ما زلنا نحن في محطة الوعود التي يطلقها رئيس نادي الهلال في الاحتفالات و المهرجانات و الفضائيات .
و الحاجة البتطلبوها بنجيبها ليكم .
و جمهور الهلال لو قال عاوز ( الثريا ) نحن بنجيبها ليه .
كم مرة خرج فيها رئيس نادي الهلال في فضائية الشروق او قناة النيل الازرق او سودانية 24 او قناة الهلال او طلع او في مهرجان في الجوهرة الزرقاء ليوعد جمهور الهلال بساماتا و الاخطر من ساماتا .
كم مرة خرج فيها الكاردينال و أعلن عن تحمله مسؤولية تسجيل المحترفين
في الهلال على وجه شخص .
المرة دي الحكاية
دي مسؤوليتي أنا .
كم مرة وعد الكاردينال جمهور الهلال بمحترف ( خرافي ) .
ح نجيب ليكم
محترف ( خرافي ) .
مهاجم خطير .
و مدافع معروف .
في الطريق .
و المرة دي .
و نحن .
و عملنا .
حسمنا الموضوع .
و الشغل عند
الجهاز الفني .
و القروش العندنا الحكومة ما عندها .
الحكومة
عيشتها تطير .
الكاردينال وعد جمهور الهلال بساماتا و الاخطر من ساماتا و جاب ليهم ( تيتيه ) .
تيتيه في هلال الابيض ما لعب .
الكاردينال قال ان تسجيلات المحترفين هذه المرة على مسؤوليته و جاب للهلال هارونا و سيرجيو .
هارونا و سيرجيو
ما قعدوا في البلد
اكتر من 40 يوما .
الكاردينال قال لجمهور الهلال في قناة سودانية 24 لو عاوزين ميسي بنجيبو و جاب للهلال اوتارا .
الكاردينال في قناة النيل الازرق قال اسألوني من التسجيلات المرة دي .
و جاب لينا سيسيه .
الكاردينال قال و قال .
و خرج في قناة الهلال و في احتفال الهلال بلقب الممتاز و أكد ان هناك مهاجم ( خرافي ) في الطريق للهلال .
و ان هناك مدافع أيضا ( خرافي ) أمره اتحسم .
و التسجيلات
تبقى لها 7 ايام فقط .
و الموضوع عاوز حجوزات .
و سفر .
و مفاوضات .
و كشف طبي .
هل كل ذلك يمكن
ان يتم في اسبوع ؟ .
و كل يوم الجرايد تتكلم عن مدافع مازيمبي الذي حسم الهلال أمره .
ثم تقول نفس الجرايد ان مازيمبي اعاد تسجيل مدافعه .
المدافع طار .
و بتكلموا عن
مهاجم فيتا كلوب .
و بقولوا ان تأهل فيتا كلوب و بلوغه للنهائي سوف يحرم الهلال من المهاجم المقصود .
و بتكلموا و بقولوا اوربا تخطف مهاجم فيتا كلوب من الهلال .
المهاجم طار .
هو نحن شفنا حاجة .
ما شفنا غير
( تصريحات ) .
و احتفالات .
و وعود .
و مهاجم ( خرافي ) في الطريق .
الهلال سوف يبدأ اعداده بعد غدٍ الاربعاء .
الاربعاء بعد بكرة .
و الهلال الى الآن لم يدخل التسجيلات بصورة رسمية .
و الهلال سوف يغادر الى الامارات يوم السبت القادم .
و لغاية الآن ما شفنا لينا أي محترف في البلاد .
لا خرافي .
و لا ما خرافي .
برزايليين المريخ المحروم من تسجيلهما وصلوا البلاد .
و الهلال لسه .
و الهلال سوف يلعب يوم 2 نوفمبر أمام المريخ .
و حتى وقتنا هذا كل الاحتمالات مفتوحة .
و ما في شيء
غير ( خرافي ) قادم .
و لغاية وقتنا هذا ما معروف الحاصل شنو؟ .
ما في أي حاجة .
وعود .
و تصريحات .
و مهرجانات .
و احتفالات .
المشكلة ان كل
هذه الاشياء جربناها قبل كدا .
و ما في حاجة .
ما قاعدين نشوف شيء .
غير سيسيه .
و هارونا .
و سيرجيو .
انطلاقة اعداد الهلال للموسم الجديد تبقى لها 48 ساعة .
و الهلال ما
حسم أموره .
الخرطوم
الوطني سجل .
أهلي مروي سجل .
و الهلال الذي سوف يلعب في البطولة الافريقية في نوفمبر القادم لغاية الآن ما عمل حاجة .
الكاردينال قال ح تشوفوا المحترفين أمام المريخ يوم 2 نوفمير في أبوظبي .
و هذا التاريخ باقى ليه 10 ايام فقط .
كان من المفترض ان يحسم الهلال تسجيلاته مبكرا عشان التركيز كله يكون في مباراة قمة الشيخ زايد .
كان مفروض نكون انتهينا من موضوع التسجيلات دي .
و نحن لغاية الآن ما فاهمين شيء .
حتى في جانب التسجيلات ( الوطنية ) الكاردينال لغاية وقتنا هذا ما حسم ليه أمر لاعب .
الساحة فيها مواهب معروفة و مشهود لها .
و ما في أي
منافسة للهلال .
المريخ محروم
من التسجيلات .
و الهلال
برضو ما سجل .
الهلال برضو محروم .
خطاب فيصل ارتكاز ممتاز اعاد تسجيله لأهلي شندي .
و عبد الرؤوف في قبضة هلال الابيض .
و سليم ما معروف الحاصل معاه شنو ؟ .
و منتصر السلاطين ما في زول جايب خبره .
و نحن لغاية الآن في موضوع جمال سالم .
طبعا ما عاوزين نجهل و لا نهمل اعادة قيد الخماسي الممتاز في كشوفات الهلال مرة ثانية .
لكن برضو عاوزين نقول ما في لاعب جديد دخل لكشوفات الهلال .
و أخشى ما أخشى ان يحدث لنا نفس ما حدث في التسجيلات السابقة .
اخشى ان يطلع المحترفين أي كلام .
ما نشوف منهم أي شيء .
و نخشى ان نفقد قمة زايد في ظل هذا التمهل و عدم الحسم .
انتبهوا لقمة زايد .
كفاية افراح .
كفاية مهرجانات .
لا بد من تسجيلات قوية عشان ندخل لقمة الشيخ زايد و نحن نقف على ارض صلبة .
خاصة ان المريخ محروم من التسجيلات بسبب الفيفا .
الهلال الحارمو شنو ؟ .
مالكم انتوا ؟ .
الحاصل عليكم شنو؟ .
الهلال عاوز
اضافات قوية .
ما يغركم حكاية الفوز بالدوري الممتاز .
الاحتفال باللقب و الفرحة به بعد خصم 6 نقاط لا تعني ان الهلال لا يحتاج لاضافات .
القياس قلنا
قياس خارجي .
الهلال في البطولات الافريقية عجز عن تحقيق أي انتصار .
و اذا لم يسجل الهلال في هذه الفترة تسجيلات صاح سوف نكرر ( خيبة ) الموسم الاخير في البطولات الافريقية .
نطلع من الابطال .
و نعجز عن تحقيق أي انتصار في الكونفدرالية في مرحلة المجموعات .
سجلوا لينا وطنيين .
الهلال وسطه فيه مشاكل .
و دفاعه فيه مشاكل .
و حتى الهجوم
عنده فيه مشاكل .
المشكلة الوحيدة التي حلت في الهلال هي مشكلة حراسة المرمى بعد تسجيل جمال سالم الذي نتمنى ان يكتمل قيده على خير .
غير كدا – مشاكل الهلال باقية في كل الخطوط .
كل الخطوط
الهلال يعاني فيها .
و المعاناة سوف تكون أكبر بعد تقليص عدد اللاعبين في كشوفات الأندية .
لو ما سجلتوا صاح سوف يتعرض الهلال لمتاعب كثيرة .
الهلال في الموسم الجديد سوف يلعب في 4 بطولات في فترة لن تتجاوز 6 اشهر .
عجلوا بالحسم .
حتى يتفرغ الهلال لقمة الشيخ الزايد .
…………….
ملحوظة :
ح نقعد كدا كتير .
هوامش :
جمال سالم بيرجع متين عشان يكمل خطوات تسجيله في الهلال .
الكاردينال يعود للبلاد يقولوا ليك عشان يحسم ملف التسجيلات .
يسافر برة البلاد يقولوا ليك عشان يحسم ملف التسجيلات .
و في الحالتين
ما في أي حسم .
المواضيع
لسه معلقة .
الله يستر .
متوكل كولا وحسين افول كان يجب تسجيلهما في اندية صديقة ليمكن عودتهما للهلال في الفترات القادمة .
أتمنى كولا و
أفول في الموردة .
لعبهما يشبه الموردة .
فيهما روح الموردة .
الأهلي شندي شطب الصادق الجريف و سجله في الأهلي مروي باتفاق بين الطرفين .
لسه في التسجيلات ناس الهلال عاوزين شغل .
رابطة أهل الهلال في الامارات يبدو نشاطها و حراكها الكبير استعداداً لمباراة القمة في 2 نوفمبر .
اجتماعات الرابطة و تجهيزاتها مستمرة لقمة الشيخ الزايد .
في ناس نزلوا اجازة عديل استعداداً لقمة الممتاز .
و في مجموعة منهم وصلوا الخرطوم للترتيب للقمة من هنا .
الرابطة النشيطة اقامت تأبيناً لديم الكبير فقيد الهلال في الامارات .
و الرابطة نفسها احتفلت بالممتاز في الامارات .
و نسأل الله ان يحتفل الهلال معهم بكأس الشيخ زايد .
التحايا لرابطة أهل الهلال في الامارات .
و نحن ننتظر منهم الكثير في قمة الشيخ زايد .
و ان شاء الله سوف نتابع من هنا الخرطوم تحركاتهم و سوف نعكس نشاطهم ونرى وجودهم وكلمتهم في قمة 2 نوفمبر في ابو ظبي .
توفى مدرب الهلال السابق بلاتشي .
أحزننا رحيل المدرب الروماني السابق للهلال .
صائد البطولات .
بالمناسبة بلاتشي هو الوحيد الذي قال الكاردينال انه اقاله بنفسه من الجهاز الفني للهلال .
الروماني في فترة قصيرة ترك ذكرى طبية عنه في الهلال .
الدليل على ذلك حزن جمهور الهلال لرحيله .
و ابقوا على سفر .
……….
عاجل :
في انتظار الخرافي .!

انقر هنا لقراءة الخبر من مصدره.