امير عبد الماجد بين ود الضى الهجام وشتلات اللمين نداي بصراحة صهيب زول ماجادى بعد مباراة هلال مريخ التي حسمها الشعلة بالهدف السمح الذي استمتعنا به يومها يومها زارنا في ( الاسياد ) مساء نجم الهلال محمد موسي الضي دردشنا حول المباراة ودخوله المتأخر ...وعن استبدال شلش وماطلبه المدرب اللمين منهوعن الدوري الممتاز وقمة ابوظبيقال لى بالحرف الواحد أنه تحدث مع المدرب عن مباراة ابوظبي علي كاس زايد وطلب ان تتاح له فرصة المشاركة ...قال لو وجدت الفرصة وشاركت ساحسمها ...كان واضحاً بالنسبة لى أن الولد ده لو وجد فرصة ودخل التشكيلة مابمرقولد بتاع هجايم ...وعنده دوافع كبيرة ...يوم المباراة وجدته اساسياً في التشكيلةوعشان أكون صادق خفت من الموضوع دهمحمد موسي طوّل من المشاركة ...ومشاركته اساسي في مباراة زي دي سلاح مزربيطةعادى الطلقة ممكن تجى في كراعكالمهم لعب وسجل وتالق ولم يخذلناولم يتكبكب ويتجرس ويتراجفببراعة وضع قدمه اليسري في الكورة وختاها لي الجماعة في حنانهمتلك لحظة مرق فيها حنانهم علي السهلةامس حرصت علي متابعته بعد دخولهواضح ان روقة الهدف الذي سجله في المريخ منحته الثقةاحياناً المهاجم عندما يبتعد عن الاجواء وعن التهديف والتسجيل بتروح ليهوخطّه في الكتابة ببقى شين ...ده في العادى ...مع ود الضى الكّي الكّي ...خط ماشاء الله سميك وشبعان وواثقالكتابة بالمناسبة علي الورق بتظهر دواخلك غالباًيعني لو خايف بظهر في خطك ...لو زعلان او مفلّس او طولّت واقف في صف العيش بتظهرنجح محمد موسي في المرور والتسجيل في المباراتين امام المريخ وامام عجمان امسوقدم مردود جيد ...وفتح شباكه علي قلوب الهلالاب ...ودي قلوب لو حبتّك الله أداك ...بقتاله واصراره دخل الولد ده قلوب الهلالاب ...مرة بهدف يساري في المريخ ...ومرة بهدف يميني في عجمان ...وفي الحالتين الولد خطه سمح ...نجي لمباراة امس ...امس طبعاً أخونا المين ما قاعد في الكنبةعشان كده شفتو شلش ...طولنا ماشفناهو ...المباراة كانت جيدة والهلال استحوذ علي الكرة تماماًهيمن عليها ...التشكيلة غلب عليها طابع البدلاء او من لم يشاركوا في مباراة المريخجمال سالم ومحمود امبدة والمدافع النيجيري الاسم أبوهو صعب ده واطهر الذي شارك بديلا للسمؤال وعمار الدمازين بديل للنيجيري الي جانب حسين الجريففي الوسط شارك بابا نويل الكرة السودانية العاتي البعاتي نزار حامد الي جوار ابوعاقلة وديارا ودخل في الشوط التاني الاخوة الشغيل وصهيبفي الهجوم شارك جوفياني الي جانب امبومبو وبشة الصغير ودخل في الشوط التاني كل من محمد موسي الضى وشلشالاداء جيد علي مستوي السيطرة والتحكم في ريتم المباراة وتقريباً الهلال استحوذ علي الكرة بنسبة تصل الي تمانية وتسعين في الميةامتحان لغة عربية مادة الانشاءالعشرين ديل شلناها لانو مافى زول بقفّل المادةالخصم لم يصل ويسدد الا مرة واحدة وتسديدة زول قنعانباقي المباراة كانت في يد الهلال ...بعيداً عن ضعف مستوي الخصم او وقته كان استحواذ الهلال علي الكرة جيد جداًفي النهاية الخصم ده افضل من معظم فرق الدوري الممتاز السودانيفريق بيعرف يمرر ويبني كورة ...الهلال وجد ضالته في بوبكر ديارا ...لاعب مهول بصراحة ...وهو مايحتاجه الهلال حتي يمسك كورة ويبني هجمات ويدافع بصورة صحيحةمشكلة ديارا حالياً ان لياقته غير مكتملةوده واضح من إنخفاض اداءه في الشوط التانيالريتم العالي الذي يلعب به ديارا يحتاج الي لياقة مكتملةمتي اكتملت لياقة ديارا ستشاهدون لاعب خرافيحتي الان نفوذ ديارا في الوسط واضححوام وحريف وبيعرف ينقل الفريق من الحالة الدفاعية للهجوم بصورة جيدةوبيعرف يعمل ساتر امام دفاعه ...ومانقوله هنا من خلال مباراتين ستشاهدونه خلال البطولات مع الزول اب كرعين طوال دهده لوقعد معانا ...امس الاماراتيين دفعوا فيهو تمنمية الف دولارشفت اللاعب لامن يكون نجيضناس عجمان بعد نهاية المباراة دفعوا في ديارا تمنمية الف دولاردولار ينطح اخوهو الدولار ...كردنة حتي الان ماقال شيءلكن العرض الجاد الذي وصل الهلال امس يكشف عن قيمة ثابتة للاعبفي الدفاع الولد النيجيري ده واضح انه لعاب ...مقارنة بالموجود عندنا لاعب جيدهادىء ورزين وبيعرف يبني الهجمات من الخلفلسه عايز اللياقة تظبط ....حتي نعرف السرعة كويسة والا امير كمالمسكين امير كمال ...بقي من الزواحف ...المهم ...خط الوسط بوجود ديارا الي جانب ايا من الشغيل او ابوعاقلة والي جوارهم نزار او شيبوب او صهيب بكون ممتازامس مالم نفهمه من اياد الزعفوري لعبه بارتكازينالمباراة مامحتاجه ارتكازين ...كان ممكن يكتفي بي ديارا ويلعب بي نزار وصهيباو حتي نزار وشيبوب ...في ظل سيطرة الهلال المطلقة كان ممكن يسحب لاعب ارتكازعلي الاقل يخلي الهواء يضربنا ...وننتعش شوية ...شفت لامن نزل صهيب ...هبوبك يا الله ...غايتو الثعلب ده ماجادي اصلاً ...اول مانزل مزرعة الدواجن بتدت تشتغلبيض تقيل ...خلي بالك كلام اللمين صاح ...صهيب ماجادي ..بعمل في المدافعين حاجات كده ماسمحةغايتو اللمين بالغ شديد ...نشطب صهيب ...ده كلام يا اللمين ...امس بمجرد مانزل شيبوب شال باب السينما وجاهوصهيب شال باب المزرعة ولاقي سينما شيبوبهبوب شتوية ...في الهجوم واضح ان امبوبو كهربتو زايدةعايز يسجل باي طريقة ...وده بعمل توتر ...علي امبوبو ان يروق المنقة ...الشفقة تطير ...بتجيب اقوان وتسجل وتستمتع وتمتّع الهلالابمع الوقت سيثبت امبوبو انه صفقة رابحةولد سريع ومشاكس ولاعب صندوقلاتحكموا علي امبوبو واقفين علي حيلكم ...سيشكل الولد اضافة كبيرة للهلال مع الوقتومع امبوبو لعب جوفياني ويشة الصغيركل زول بي زولوبشة ماشاء الله اداء ثابت وواثققدم مباراة حلوة ...جوفياني كان متوتر ..مع ذلك سجل الهدف الاول من ضربة الجزاء التي ارتكبت مع امبوبووسجل هدف سينما لم يحتسبه بداعي التسللمع انو ماشفنا تسلل ولا حاجةكورة ماشة زي الترتيب وقون علي الطاير سمح شديدحكم حاقد ليس الا ...حسدنا في القون السمح دهقون جوفياني ده لو لقي حكم متصالح مع نفسه بحسبه قونينالمهم ...الاداء امس جميل ...مايعيب الاداء الجميل ده البطءلو قدرنا نلعب بالاداء ده كورة سريعة الخطورة بتظهروالهلال بكون مخيف جداً ...بس الايقاع يكون سريع ...ايا كانت النجاعة ...ده بالاضافة الي الانسجام ..واضح امس ان بعض اللاعبين بيكونوا في وضع مريح الباص مابصلهم في الوقت المناسبالزميل اما تاخر في التمرير او ماشاف زميله في وضع مريح وممتازبعض الامور الصغيرة تحتاج لمراجعاتوالكور الثابتة عايزة علاجوتدريب ....وتحديد للمسؤولياتعموماً ...لازالت قصة اللمين نداي شغالة في السوشال ميدياولازال بعضهم بينجر في حوارات علي لسان السنغاليبعضها مضحك ومعظمها نواياه قاعدة في السهلةاللمين ذهب الان والنجر والشتل لن يعيدهولن يجعل الهلالاب يشككون في مجلسهمالهلالاب اختبروا كردنة ويعرفونه جيداًمابجامل في الهلال ...ذهب اللمين والهلال لن يقف عند لاعب او مدرببغض النظر عن الاخطاء التي وقع فيهاوالحاجات الكويسة العملهبغض النظر عن الملف كله ...اللت والعجن في الموضوع لامعني لهالادارة السياسية والتنفيذية في الهلال قالت قرارها والرجل الان خارج الحساباتالمسؤول عن الملف الفني الان هو الزعفوري ...ومن ادار مباراة الامس الزعفوريوالقاعد في الهلال الان الزعفوريوهو قريب جداً من اللاعبين وعارف خبايا الفريقوالهلال حتي يستجلب مدرب كبير سيستمر مع الزعفوريلذا يجب ان ندعمه ...حتي تتمكن الادارة من التعاقد مع مدرب بقامة الهلال يجب ان نوفر له المناخ المناسب حتي يقوم بدورهوالهلال سيتعاقد مع مدرب كبيرده مؤكد ...لذا ولاشياء كثيرة روقوا المنقةوماتسلموا الاضنين لبتوع الاجندةديل مشكلتهم ليست اقالة الزعفوريديل عندهم مشكلة اسمها الكاردينالمرض نفسي بعيد عنكبفتشوا عن اي حاجة يمسكوا بيها زمنفاضين بعيد عنكلذا ماتخليهم يمسكوا بيك زمنثق في هلالك وادارتهالامور باهية والهلال يتقدم وسنخرج علي البطولة الافريقية بحالة جيدة وفريق متماسكومن شاهد مباراة الامس اعتقد انه أطمأن علي الهلالطالما بنلعب كورة حديثة وخاتنها واطة وبنسجل من كورة ملعوبة مش كرات عشوائية الامور جيدةبغض النظر عن مستوي الخصم ...وبغض النظر عن المناسبة ايا كانتالطريق نحو البطولات ان نلعب كرة حديثة ونبتعد عن العشوائياتنعرف نلعب زي ما الناس بيلعبوانمرق من الكورة البائسة التي نمارسها في السودانكورة العك والضرب والشلاليتعموماً ... الله فىّ ...