المريخ في لقاء الثأر أمام إنتر نواكشوط    قباني يقود المقدمة الحمراء    المريخ يفتقد خدمات الثنائي أمام الانتر    ضربات جوية ليلية مباغتة على مطار نيالا وأهداف أخرى داخل المدينة    مليشيا الدعم السريع هي مليشيا إرهابية من أعلى قيادتها حتى آخر جندي    الأقمار الصناعية تكشف مواقع جديدة بمطار نيالا للتحكم بالمسيرات ومخابئ لمشغلي المُسيّرات    عزمي عبد الرازق يكتب: هل نحنُ بحاجة إلى سيادة بحرية؟    فاز بهدفين .. أهلي جدة يصنع التاريخ ويتوج بطلًا لنخبة آسيا    بتعادل جنوني.. لايبزيج يؤجل إعلان تتويج بايرن ميونخ    منظمة حقوقية: الدعم السريع تقتل 300 مدني في النهود بينهم نساء وأطفال وتمنع المواطنين من النزوح وتنهب الأسواق ومخازن الأدوية والمستشفى    السودان يقدم مرافعته الشفوية امام محكمة العدل الدولية    وزير الثقافة والإعلام يُبشر بفرح الشعب وانتصار إرادة الأمة    عقب ظهور نتيجة الشهادة السودانية: والي ولاية الجزيرة يؤكد التزام الحكومة بدعم التعليم    هل هدّد أنشيلوتي البرازيل رفضاً لتسريبات "محرجة" لريال مدريد؟    "من الجنسيتين البنجلاديشية والسودانية" .. القبض على (5) مقيمين في خميس مشيط لارتكابهم عمليات نصب واحتيال – صورة    إسحق أحمد فضل الله يكتب: (ألف ليلة و....)    الرئاسة السورية: القصف الإسرائيلي قرب القصر الرئاسي تصعيد خطير    عثمان ميرغني يكتب: هل رئيس الوزراء "كوز"؟    شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها    كم تبلغ ثروة لامين جمال؟    حين يُجيد العازف التطبيل... ينكسر اللحن    أبوعركي البخيت الفَنان الذي يَحتفظ بشبابه في (حنجرته)    شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات    شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة    تتسلل إلى الكبد.. "الملاريا الحبشية" ترعب السودانيين    والد لامين يامال: لم تشاهدوا 10% من قدراته    استئناف العمل بمحطة مياه سوبا وتحسين إمدادات المياه في الخرطوم    هيئة مياه الخرطوم تعلن عن خطوة مهمة    باكستان تعلن إسقاط مسيَّرة هنديَّة خلال ليلة خامسة من المناوشات    تجدد شكاوى المواطنين من سحب مبالغ مالية من تطبيق (بنكك)    ما حكم الدعاء بعد القراءة وقبل الركوع في الصلاة؟    عركي وفرفور وطه سليمان.. فنانون سودانيون أمام محكمة السوشيال ميديا    تعاون بين الجزيرة والفاو لإصلاح القطاع الزراعي وإعادة الإعمار    قُلْ: ليتني شمعةٌ في الظلامْ؟!    الكشف عن بشريات بشأن التيار الكهربائي للولاية للشمالية    ترامب: يجب السماح للسفن الأمريكية بالمرور مجاناً عبر قناتي السويس وبنما    كهرباء السودان توضح بشأن قطوعات التيار في ولايتين    تبادل جديد لإطلاق النار بين الهند وباكستان    علي طريقة محمد رمضان طه سليمان يثير الجدل في اغنيته الجديده "سوداني كياني"    دراسة: البروتين النباتي سر الحياة الطويلة    في حضرة الجراح: إستعادة التوازن الممكن    التحقيقات تكشف تفاصيل صادمة في قضية الإعلامية سارة خليفة    الجيش يشن غارات جوية على «بارا» وسقوط عشرات الضحايا    حملة لمكافحة الجريمة وإزالة الظواهر السالبة في مدينة بورتسودان    وزير المالية يرأس وفد السودان المشارك في إجتماعات الربيع بواشنطن    شندي تحتاج لعمل كبير… بطلوا ثرثرة فوق النيل!!!!!    ارتفاع التضخم في السودان    انتشار مرض "الغدة الدرقية" في دارفور يثير المخاوف    مستشفى الكدرو بالخرطوم بحري يستعد لاستقبال المرضى قريبًا    "مثلث الموت".. عادة يومية بريئة قد تنتهي بك في المستشفى    وفاة اللاعب أرون بوبيندزا في حادثة مأساوية    5 وفيات و19 مصابا في حريق "برج النهدة" بالشارقة    عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر    ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين    الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة    حسين خوجلي يكتب: نتنياهو وترامب يفعلان هذا اتعرفون لماذا؟    من حكمته تعالي أن جعل اختلاف ألسنتهم وألوانهم آيةً من آياته الباهرة    بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



لا شافوها .. لا لعبوها .. لا شاتوها ... ولو جابوها قدر لساتك شاحنات جياد .. لجلوها ...!!
شريان رياضي نشر في كورة سودانية يوم 14 - 11 - 2018


الرشيد علي عمر
لا شافوها .. لا لعبوها .. لا شاتوها ... ولو جابوها قدر لساتك شاحنات جياد .. لجلوها ...!!
خطاب رابع وخامس وعقوبات متلتلة على الطريق وبداية عهد الحريق ...كما تدين تدان يا دلقان ..مرات كثيرة تستلمون خطابات قبل ان يعرف عنها اتحاد الكرة شيئا ومن هنا يبدا التحقيق يا شداد ..صدى مزمز تحديدا لديها جاسوس اسموه حووصه منذ زمن الصلوي اليمني وظل مستمرا مع تغيير عهود الاتحاد لاكثر من اربعة مرات ..اعرفوا من هو الشخص المقيم باتحاد الكرة منذ عهد عمر ابوبكر ابو حراز والى عهد شداد الحالي ستجدونه الجاسوس الذي يمد الصدى بكل الخطابات السرية وقبل ان يعلم عنها اهل الاتحاد شيئا ..عرفتوه .. ايوا .. ياهو ذااااتو .. بشحمه ولحمه ولونه الشرق الاسيوي ... ياهو ياهو ياهو اقبض يا .,.. شداد ..داك بقبضه البوليس .. وده باذن الله يقبضه شداد ..رابع ولا خامس المريخ الى الدرجة الاولى هابطا عاجلا او اجلا ..بس البداية ستة نقاط وما احلاها ...يغلب كورتين ويقولوا ليه في الاسبوع التالت يا خبيبي انت الطيش هههههههه ياخي احب الفيفا .. وفيفي عبده .. ولوسي .. وكل شيطانات رقصني يا جدع على واحده ونص ..كتبناها خبيبي بالخاء لانو النشأة كانت من اهل النجمة السداسية الداؤودية ولي في المسالمة غزال .. فيكتوريا يا حلم الصبا ..كمان احب عدار ..حد يشك في حبي لعدار ..؟عدار ده نعمه قال القدر انه اتى به خصيصا لسيادة عدالة خاصة عقب الظلم المرير الذي يوقعه الدلقان على الغير ..طيب خلوكم من عدار هل تشكون في محبتي ومحبة كل هلالابي وكل مظلوم من الدلاقين في ولدنا النعسان ...؟ ههههههه ياخي ده تحفه فنيه كروية اكثر من رائعة ..يجيب هاتريك .. ولا يبقى الدون .. كل هذا لن يساوي تلك اللحظة الفريدة التي توقفت فيها نواميس الكون وفقعتها ضحكة تهتز لها الجبال الراسيات ..بشه صغيرة يصوب ناحية جيوفاني ..جيوفاني يتذكر باكورد رونالدو في اليوفي وهو بشعار الريال ..جيو يحلف يقول عاد الليله اوريكم رونالدو البلد منو ..؟جيو يتمطى ... جيو يرخي اسفل جسده تمهيدا للطيران .. جيو يديها نظره لمنجد فيراه مذعورا فيقول له سرا عاد الليلة النشوف البنجدك مني منو .. جيو يتاهب .. والكرة تجي طايرة هدية من بشه صغيره ملفوفه في ورق سولفان ..مامون ابوشيبه دقيقه .. قلنا ورق سولفان .. مش غطاء سايفون .. عشان ما تتنمر علينا بعد السويتو في ال نهيان ..جيو يسرح بخياله مع دولارات العراب .. بعد الكورة دي اكيد بديني اتم فيلتي الخاصة على شواطىء ريو دي جانيرو .. واقعد تحت اشعة شمس نوفمبر.. اتفرج في الغاشي والماشي .. والبعوم والبحوم .. وارتشف من عصير الليموناده الصااااقط البورم اللهات ..مع انو ما فيش عصير ليموناده بورم اللهات .. بس ما بنقدر نقول غير كده يقوم حبيبنا بروف الاردب يعلن فينا الجهاد ..اهاااااا جيو في تلك الهنيهات يسرح ويعود الى مسرح المعركة والكرة تتهادى نحوه ..فجاتن ,.,. وفجاتن .. هنا مقصوده يا مدقق يا لغوي عشان ما تعمل لي فيها سيبويه زمانه ..يظهر النعسان في منتصف الطريق هههههههههه ..النعسان قام جا من الكنبه يتثاءب ساااااااااي ..النعسان وجد نفسه مطالبا بالنزول بدون تسخين وكما المعتاد لان زلفلف لم يكن يعي ما يجري .. واعتقد ان نظريته لا تحتاج الى تسخينه .. ولم يقل له سوى يا نعسان قوم خش طرف يمين محل رمضان ..النعسان رباط جزمته ما ربطه فما صدق لانه اصلا لم يتوقع ان يلعب .. وتوووووووشك انقشط محل رمضان ولقى الكرة جايه عاااااااليه ..طبعا كثيرون عنفوا وغلطوا وشتموا نعسعس هنا .. ولكنهم .. ان تريثوا قليلا .. وعاشوا معه في جو مخيلته .. لعذروه ..نعسعس خش في سرحه على طريقة جيوفاني ..الامارات .. ابوظبي .. العين .. دبي .. اسواق .. وحاجات .. ومحتاجات .. ولو الواحد جاب قون هنا .. وفي هذه المناسبة .. والدرع الجوي .. اكيد اكيد بلم لي زي اربعة مليار... اكتر من نص المليار الذلوني بيه ناس قريش القالوا عدمانين التعريفه وغشوني ساي ..نعسعس دخل حقبة زمنيه تخصه .. وتوسدها مرقدا .. وقال اشيل الاربعة مليار واشتري لاهلي الما عندهم في السودان .. والباقي اتم بيه نصفي الحلو .. ومنها افتح مكتبي الخاص للاعمال .. وتاني الكورة دي في الحلة ما بتفرج عليها ..كورة شنو ذاتو انحنا بنلعبها وعندنا زي شيبه ومزمز وفاضلابي .. لا شافوها .. لا لعبوها .. ولا شاتوها .. ولو جابوها ليهم قدر لساتك شاحنات جياد .. لجلوها ..؟ويعملوا ليك فيها حسن المستكاوي وجنس تنظير ياخي مش يطمم البطن دا يهلك البدن ..المووووهم .. نعسعس ينقشط في نص الدفاع ..المكان ما غريب عليه ..الحته دي عمره كله بلعب فيها ..الاحساس بالمكان بالمناسبة كان عظيما وجدا ..اهم شي في الكورة يا ناس اللاعب يحس بمكانه المفضل وكما نقل عن الراحل سليمان فارس ..نقل عن .. لانني لم اسمعه .. بالتالي لا املك حقا بالقول انه قال .. يا بتاعين الشتل والفتل والمنقالية .. هسي حسن عبد الرحيم يقول قاصده .. من يومه بحب الشبك ..نعسعس ده من ولد عمره تسعة سنوات وبلعب بشكل منتظم ما بمشي حتى دفاعهم الا يسلم على صاحبه ..نعسعس ده علاقته بالدفاع زي علاقة الدفاع بالنظر بتاع المسؤول دااااااك ههههههه .. ملعوبة دي بمهارة مع توقيت التلاتة مليار ومانشيت امبارح الميزان اهتز يا دكتور معتز .. كمان هنا هسي المهندس الحاج ود المصطفى ينط لينا في حلقنا .. متعووووده .... وكلما جبنا سيرة دكتور معتز موسى ... ودي الحالة من يوم دعوة سد الستيت وايامه بالكهرباء ..ولدنا لقى مكانه ..
شعر بالارتياح ..ونسى ليك كل شي وركز في سعادته واحلامه وكيفية تحقيقها ..وكمان بت اللذينه جات تتمخطر .. تتمخطر زي عروسة في ليلة الزفاف ... عروسه تقدل تحت نواظر الجميع صغار وكبار عزابه ومعرسين ..الكورة قالت عايزه عريس ..الكورة قالت عايزه عريس ينفض الكيس ..هيييييع يقصر الملح .. عاد كيفن الفرصه تطير ويا نعسان انت العريس ... نعسان يا نعسعس الليلة يوم سعدك جاك مهرول .. ليلة قدرك قالت ليك شبيك لبيك الشبكة هديييك قدام عينيك ..نعسعس ولا اتلفت .. واقف منو شغلته بيه شنو .. المهم ينفذ لقطة احلامه جالبة الثراء والحظ السعيد ..النطه عاد نطة صبي التقول قدامه مرتبة جمباز ..الشبال اريتو شبال كل العرسان ..وتوووووووف يا الشبكه جاكي الشبال ..راسية النعسان لولبيه ومشت فوووووق وجات نازله لتحتضنها الشباك حضن الحضن البكب الحنان ..النعسان كب الحنان ..الحنان الفاقده كباه كب الكب ..والمدرجات دي قامت تولول بالفرحه ..النعسان اول مره عاين لقى ليك القيامه قامت في المدرجات وقلبه فرحاااااااان ..عاين يمينه لقى امير كمال وشه يلعن قفاه .. احتااار واحتااااار يا ربي امير مالو .. يا ربي اتذكر ناس قريش ملحوهو قروش اعادة التسجيل ما ادوهو ... ؟ يا مرمر مبوذ مالك يا اخوي .. والله بدوك .. ولو ما ادوك اقسم معاك النص مليار ياخي انت اخوي وفردتي ما تبوذ ياخي ..النعسان عاين لقى ليك الغربال عنده تكشيره تقطع نياط القلوب ... ضحك في سره .. اصلو من يومه غيران مني .. من يومه مزاحمني وما عايزني اصلا العب مكانه ..الزجاجي واجرك على الله .. اتزجزجي زي ما بكتب فلان داك ..طيب مرمر والغربال عرفناهم منجد ده ببكي بحرقه كده ليييييه ..؟والله ناس حاسده جنس حساده تبصيره دي دي الشعله ما عملها واتو شغالين تبكو بس ..؟يا نعسان ..يا نعسعس .. يا نعسان .. قدر الله وما شاء الله فعل .. قول بسم الله ... واستغفر ... بتحصل عااادي زي الزبادي ..ابببببدا .. ابدا ... عادي كيف .. ؟ قون زي ده والله قبل كده ما جا ..انت جنيت .. ؟ زيو ما جا ..؟ انت قايلو النقر جا ..؟امممك نعسعس حلج ولا شنو ..؟وفجأتن ... هههههه .. تفرض نفسها هنا يا مدقق يا لغوي سيبك من الفلسفه العمياء .. خلاص اللغة العربية بقت فوقنا انتو ما سمعتو البعطشو الجيم والبنشفوا ريق الشين ..؟احس نعسعس بان الامر فيه حاجه تانيه ما فاهمها ..اول مرة ما يكون راكب طوطحانيه ويشعر انو لافي من فوق لي تحت ..جزمتي دي فيها عجلات يا ناس ..دقيقه .. دقيقه ... قوني ده خش هنا ..؟ لا لا خش في الشبكة دي يعني ..؟ لا دقيقة اقيفوا خش في الحتة الواقف فيها منجد ..؟ لا لا اقيفوا ياخي دقيقه .. لا والله الا تقيفوا دقيقه .. ممكن اسالكم سؤال ..؟بالجد انا ما بهظر انتو الهلال ده سجل جمال سالم ولا منجد النيل ..؟اعووووهههههررررررككككككضضضض شستنتنتت تنبترعشلاتلان ...! ابقوا معي .. !و ... للشريان ختام .. !السطر الاخير للناعسين بالنهار ويمكن ان يترجمه صلاح نمر ..انتو منتظرين تاني شنو احسن اتنعسو ساي لقيت العمود كمل ..شطبنا .. !

انقر هنا لقراءة الخبر من مصدره.