سودارس : لجنتكم زي هدف بلة جابر هدف عكسي في المؤتمر الوطني

رئيس لجنة المنتخبات عطا المنان يتفقد البعثة ويتحدث للجهازين الإداري والفني الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة لاعبو الدوريات الخارجية يتوافدون لجدة ويكتمل عقدهم فجراً ارتفاع أسعار الذهب في السودان لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب لأول مرة.. حكم يحمل إنستغرام ويوتيوب المسؤولية عن إدمان وسائل التواصل النفط يصعد والذهب يستقر مع تقييم احتمالات وقف الحرب "ChatGPT" تتيح مقارنة المنتجات بدل الشراء المباشر ترتيبات بالشمالية لتنفيذ مشروع المبادرات المجتمعية المشتركة ترتيبات لقيام مجمع تشخيصي متكامل لتوطين الخدمات الصحية بشرق الجزيرة تقرير أمريكي يكشف استهداف مباشر لمستشفى الضعين في عيد الفطر مقربون من محمد صلاح يرجحون وجهته القادمة.. إيطاليا أو أميركا؟ الزمالك يؤجل ملف تجديد عقد حسام عبد المجيد موقف زيزو من الرحيل عن الأهلى فى الصيف المقبل أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام طارق الدسوقي: اشترطت الإطلاع على السيناريو للموافقة على دوري في علي كلاي دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) نصائح لوقاية مرضى حساسية الصدر من التقلبات الجوية والرياح شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب 4 وجهات محتملة لصلاح بعد قرار رحيله عن ليفربول ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

لجنتكم زي هدف بلة جابر هدف عكسي في المؤتمر الوطني

قوون نشر في قوون يوم 07 - 05 - 2013

مرة كنا قاعدين (مالكم عاوزين تنطوا لي في رقبتي)..ما نقعد كان قعدنا...القعاد دا ...حاسدننا فيه.

مرة كنا قاعدين زي (كراسي الحفلة) فاضيين وما عندنا اي شغلة.

قاعدين نفكر ساي ...كمان عندكم اعتراض على (تفكيرنا) دا بنفكر ..البفكر يطلع من البلد دي والبفكر يعمل ليه (مزرعة دواجن).

انت شنو الايامات دي (مزارع الدواجن) الفاكيها فينا كدا (زي الركشات).

زي (الدوهات)..بتفكو وما بتخاف منو....( ما بعمل شيء).

الحاصل شنو؟.

عشمانة بنت جاد الرب.

دي الليلة طلعتها لينا من وين؟.

الله يستر ان شاءالله ما تطلع عندها علاقة بي (شاكيرا).

يا زول شاكيرا هسع الدخلها هنا شنو؟.

عشمانة بنت جاد الرب ...عندها (ديك) رايح.

اربعة يوم الديك مفقود.

عارفين اليوم الخامس ...الحاجة عشمانة بنت جاد الرب ..لقت (ديكها) وين؟.

لقيتو في (حلة) العزابة الفوق ...زي (لجنة التسيير) حقت ناس المريخ.

القروش كلها كبوها في (الحلة) دي ...اقصد في اللجنة دي.

وقعدوا يتلفتوا.

اها خموا وصروا.

هسع انت من الصباح تلف وتدور عشان تجي لي (اللجنة) بتاعة المريخ.

زي حكاية (شوفتر ود الكرتبلي).

دا مالو كمان ..(اسبير) وإلا سواق قندران.

والله سواق القندران ما عندو اي دخل بالموضوع دا.

شوفتر ود الكربتلي دا ...كان زعلان من ود عمو (في موضوع ما في داعي اذكرو ليكم).

وإلا احسن اذكروا ..يقوم تفسيركم يمشي بعيد.

احسن يقولها ليكم عديل من انكم تقعدوا تشرعوا فينا.

تشريعاتكم انا عارفها.

شوفتر ود الكربتلي دا ...كان (رامي عينو) على بنت الجيران (ثريا)..في نفس الوقت ..ود عمو (رامي عينو) برضو.. على منو؟.

على (ثريا)..يا جماعة تابعوا.

انتوا ما شفتوا (المسلسلات التركية)...الواحد يغيب منها (10) حلقات يرجع يلقاهم في نفس الحتة.

معقولة العشر حلقات دي كلها كانت (اعلانات).

شوفتر ود الكربتلي زعلان في موضوع (ثريا) ..والزعل خلى ليك (شوفتر ود الكربتلي) منفوخ من زي سيد الضرس.

وشو كلو بقى (جضوم).

وقت يزعل ببقى فيه (21) جضم.

في ناس وقت يزعلوا ..بتقوم ليهم (جلحات) كمان .

غايتو من الله خلقني من قمت ما سمعت بي (جلحات)..بتقوم ...الجلحات بتنزرع..ما بتقوم.

بتقوم وين؟...في مشروع الجزيرة.

والله مشروع الجزيرة بعد كدا (بطاطساية) ما تقوم فيه.

حليل مشروع الجزيرة بالمناسبة هو برضو عملوا ليه (لجنة) عشان تقوم الوضع.

الموضوع من يعملوا ليه (لجنة) اقنع منو.

المعنى اقنعوا من (المريخ).

انت مالك عاوز تلخبطني...ما تسرح لينا في مواضيع جانبية.

مشروع الجزيرة هسع الدخلو هنا شنو؟.

ما في اي علاقة بين مشروع الجزيرة ...والجلحات.

المهم (شوفتر ود الكربتلي) زعلان زعل شديد من ود عمو في موضوع (ثريا) دي ..وما قادر يقول ليه حاجة.

ما قادر يفاتحو ما قادر يصارحو.

ود عمو ..يدخل الغرفة ..شوفتر ود الكربتلي ..يمشي يتعارض ليه في الباب.

ود عمو يمشي (التلاجة) يلقى شوفتر ود الكربتلي قدامو.

زعل شديد...زي ياسر رحمة.

ياسر رحمة هسع الدخلو شنو؟.

مالك انت.

وشوفتر ود الكربتلي ..ما لاقى ليه (مدخل)..زي مداخل (عاطف خيري) عشان يفش غبينتو في ود عمو في موضوع (ثريا) دي.

قدر ما شوفتر ود الكربتلي دا (اتحرفن)..ما لقى ليه طريقة.

قعد في الواطة ما لقى ليه مدخل.

في النهاية كدا وقت (الواطة) قربت تمغرب ...شوفتر ود الكربتلي عرف ليك الوطة مغربت (احساس كدا) ..ورمضان قرب ..احسن (يحلحل) ليك زعلتو دي من هسع.

يا زول رمضان هسع الدخلو شنو؟.

مالك عاوز تطفش الناس من عمودك دا رمضان لسع.

ناس بقولوا فاضل ليه شهرين ..وناس بقولوا (6) شهور ...اما نحن القدامكم ديل بنقول رمضان باقى ليه (9) شهور.

شنو السنة كلها رمضان.

رمضان دا هسع ما فات.

كورية السحور لسع في حتتها ما دخلوها قاعدة في حوشها.

المهم عشان ما اطلع ليكم من الموضوع ...(شوفتر ود الكربتلي) دا مسك ليك ود عمو في السلم ..قبقبو ليك من قميصو...وقال ليه : (اسمع حركاتك دي ما تعملها لي).

اوعك نحن شفوت...(الحيّة) قبل ما تبيض بنحننها...(اوعك تعمل لي الحركات دي).

الديوك عندنا (رسالات)...كل رسالة نغمتها براها (اوعك تعمل لي حركاتك دي).

عندنا (ديك) نغمتو عاشقة.

الديك دا وقت يعوعو تحلف تقول (نجوي كرم) شغالة في تلفزيون الجيران.

اوعك تعمل لي حركاتك دي.

عامل كدا زي (مفتاح) الدولاب الرايح.

البوتجازات نحن بنشغلها بالنهره ..لا كبريت لا غاز ...(هرشة) ساي بتشتغل...(اوعك تعمل لي حركاتك دي).

عامل كدا زي القون (التسلل).

الشهر بنصرف فيه (7) مرتبات ..والجمعة عندنا بتبدأ من يوم الثلاثاء العصر (اوعك تعمل لي حركاتك دي).

ومرات وقت تصلح معانا الاسبوع بنجمع فيه (4) جمع.

ود عمو ما فاهم اي حاجة قال ليه قول باسم الله يا شفوتر ود الكربتلي ...في شنو؟....حركات شنو البعمل فيها دي.

شوفتر ود الكربتلي اتحرج ..ما قدر يقول ليه الحركات القاصدها ليهو.

ود عمو وقت زرزروا شديد ...قام شوفتر ود الكربتلي قال ليه شايفك امس العصر حايم عن ناس عمك (نفيتر).

نفيتر دا ابو (ثريا).

انت الاسماء دي بتجيبها لينا من وين؟..زي اسماء فصائل (الكمونية) في بنغلاديش.

ود عمو قال ليه : ايوا مشيت ليهم العصر وشربت معاهم شاي المغرب كمان المشكلة شنو؟.

شوفيتر ود الكربتلي قال ليه ما في مشكلة ..لكن شايف زياراتك ليهم (كترت) الايام دي...رجلك اتعودت كل ما تعصر ..تمشي تشرب شاي المغرب عن ناس عمك (نفيتر).

شايفك انا بي فانلتك (الكبدية) الما بتلبسها إلا في الشديد القوي.

ايوا ..برضو ما فاهم ...المشكلة شنو؟.

المشكلة ناس عمك ديل عندهم (كلب)...والله وقت (الواطة) تمغرب لو بقيت (خليفة عمر) ما بتمرق منو.

انا هسع ...الف وادور ليكم ...عاوز لي سبب في (لجنة) المريخ (ام 17 عضو) دي.

الايامات دي طبعا اي (ام) فيها مشكلة ...ام روابة وام دوم ..وقبل كدا ام درمان ..وقبل كدا بي كتير ام دبيكرات.

عشان كدا (ام) 17 عضو دي ...ما بتمرق مننا.

قالوا ليك الايامات دي ..(الايامات دي بالذات) ام فتفت بتعمل مشاكل.

يا مجدي شمس الدين شايفنك في (اليوتيوب)...زي (الطلقة) طلعت خطير والله.

لكن اعمل حسابك على (البدلة).

الكرفتة لو شالوها اليشلوها.

هسع عليكم يا سيادة الوزير ...لو جبت ليك واحد من ناس الجبهة الثورية ...ودخلتو في (اللجنة) دي ما كان حليت المشكلة.

شنو جايب لي (شركات البلد) كلها وعاملها لي (لجنة تسيير) للمريخ.

هي يعني المشكلة في البلد دي (المريخ).

مسيرنو ماشي وين؟ - ما كل سنة بطلع من التمهيدي.

لجنتكم دي لو عملتوها في كردفان او في دارفور ..ما كان البلد حالها اتصلح!! ...بدل ما تكبوها لي كلها هنا في (السنتر) في فريق المريخ.

الزول ان عمل ليه (تلاجة ايسكريم) ساكت ...يلقى نفسو في اللجنة.

لجنة زي (المزيرة) كلها (كيزان).

كمان نحن ما بنعرف.

والله انا ما في حاجة غايظني إلا بتاع (مزرعة الدواجن) ...ما خايف على شيء في الدنيا دي إلا (جداد) الزول دا.

شايل لي هم عديل كدا لي (جدادو).

ناس بلة جابر ..وضفر وموسى الزومة لو شافوا (الجداد) دا تاني ما بياكلوا ليكم (فول).

يقعدوا يسلسلوا ليكم (الجداد) دا جدادة جدادة ...لمن مزرعتكم حقت الدواجن دي يبقى (سوسيو) ما فيها.

في داعي بس.

في داعي ..الوزير دا يكب الناس ديل كلهم في (لجنة) واحدة.

طيب يا سيادة الوزير خليت شنو لي لجنة السيول والفيضانات والخريف؟.

اوعك يا هاشم ملاح ..نشوفك بعدين في لجنة سيول وامطار ..خليها تغرق.

بس فالحين ..تجيبوا لي ناس هاشم ملاح ديل وحطبة في (لجنة) السيول والامطار.

حطبة جابوه لينا (من الاحتياطي المركزي)...تقول عندنا (ندوة).

والناس العندها قروش تمشي بي هناك.

كابيين لي قروش البلد كلها في (حفرة) المريخ ديك.

دا زي عمكم (سما ختشلي)...

اقيف عليكم الله انت الاسماء بتاعين (الافلام الاجنية) دي بتجيبهم لينا من وين؟.

خليت لينا العمود زي (شركة البترول) كلو صينيين.

الواحد ما فاضل ليه إلا يتلب من العمود دا.

سما ختشلي مشى مع صاحبو ..يتعشوا.

دي فيها حاجة.

صاحبو قام يصلح الفول ( زي الاستوبر عندما يتقدم وقت يكون عندهم كورنر والفريق محتاج لي هدف).

صاحبو مشى يصلح الفول ....قال للفوال ...اعمل لي عليك الله واحد فول ..وكب لي فيه (4) طلبات كبدة.

سما ختشلي سمعوا ليك من هناك ...قال ليه : اسمع عليك الله ما (تجربن) لينا الكبدة بالفول ساكت ..جيب لينا الكبدة براها...معقولة بس (4) طلبات كبدة عاوز تخربها لينا بي طلب فول.

هسع الوزير عمل نفس الحكاية.

اشرحها ليكم.

والله انتوا لو بتصبروا ما بتجيكم عوجة.

لكن عيبكم بتستعجلوا ..انا لو سألتكم لاحقين شنو؟.

اصبروا.

زي (ست الشاي)..تغيظ ...تمشي تشرب شاي تلقاها مافي ...تلقاها في ..وقت تجي تحاسب تلقاها قامت.

هسع (ست الشاي) الدخلها هنا شنو؟.

عليكم الله ...وبي كل صراحة كدا ...الوزير بي حركتو دي ..اقصد بي (لجنتو) دي ما كب ليه (4) طلبات كبدة في واحد فول.

هسع ال (17) عضو ديل ما (4) طلبات كبدة ..والمريخ بي حالتو الشايفنها دي ما واحد فول سادة.

واحد فول سادة شنو؟.

دا (بوش) عديل كدا.

الوزير (جربن) لينا الكبدة بالفول.

ويا ريت لو بقت على (الكبدة).

الموضوع كمان فيه (فراخ).

موضوع (الفرخة) دا ذكرني ليكم قصة ..(قاطعها من رأسي).

مالكم انتوا ما تقعدوا تنظروا لي.

بس يا جماعة لو سمحتوا (الكلام دا ما يطلع من العمود دا).

قالوا ليك واحد اسمو (الشفرونجي)...النوع الصعب داك النوع الما بتفاهم.

يوم ينسى ليه (باقى) عند الكمساري ما بنوم.

زول صعب شديد.

الشفرونجي دا مشى مع صاحبو عرس.

في العرس جابوا ليهم (كوكتيل) العشا.

صاحب الشفرونجي فتح صحن الكوكتيل ما لقى فيه (فرخة) لقاه ناقص (فرخة) ..وعينو في فرخات الناس مسنترة في صحون الكوكتيل.

بقى زي الزول العاوز ليه (شاحن) غلبتو القعدة.

يفتح صحن الكوكتيل ويقفلوا زي الزول الوصلتو (رسالة).

شيء عجيب ...غضب شديد.

صاحب الشفرونجي زعل ..ما رضى عديل كدا عاوز يطرشق ...قام (وسوس) الشفرونجي قال ليه : (صحني ما فيه فرخة).

صحني يا شفرونجي اتعرض لمحاولة (تخريبية) حقيرة.

الشفرونجي ..قال ليه الغريبة انا صحني ما فيه (بيضة).

يعني لا فرخة ..ولا بيضة ...(لا تبقى الحكاية مقصودة).

يبقى فيها شبهة جنائية.

كمان نحن ما بنعرف القانون.

الموضوع دا استفزاهم ..استفزاز شديد..غضبهم ليك غضب مبالغ فيه اعتبروه (حقارة).

بمس كرامتهم عديل كدا ...(لا فرخة ولا بيضة كمان).

اصلو ما تقولوا لي الموضوع دا (صدفة).

الشفرونجي طوالي رفع (اصبعو) في الحفلة..وقال نادوا لي (العريس) نحن الموضوع دا لازم نحسمو وقتي.

الشفرونجي كان عاوز يضرب (3) تسعات.

ومن الغضب كان عاوز يعملهن (7) تسعات.

الجماعة قالوا ليه يا زول في شنو؟...العريس في (الكوافير) مشي يجيب العروس.

الشفرونجي حلف بي دينو وايمانو لو ما جابوا ليه العريس ...ما بطلع.

الناس عارفة (الشفرونجي) صعب ..قالوا عشان نحل المشكلة دي جيبوا ليه (العريس).

العريس جاء مخلوع زي الزول الكاسر ليه (جك).

في شنو يا الشفرونجي؟.

الشفرونجي عاين ليه كدا وقال ليه : وانت وقت ما بتقدروا على العرس ..بتعرسوا مالكم؟.

في شنو يا الشفرونجي؟...ان شاءالله خير.

بتعرسوا ساكت انتوا؟.

في شنو يا زول؟.

الشفرونجي انفصل ليك في العريس قال ليه : صحني دا ما فيه (بيضة) قلنا مشي ...كمان حصلت صحن صاحبي دا يكون ما فيه (فرخة)...وما عارف لو قعدنا شوية يعملوا فينا شنو؟.

احتمال يجيبوا لينا فاتورة الصحن.

الشفرونجي زعل زعل شديد.

والعريس انفتح ليك اعتذارات.

الشفرونجي وهو طالع مع صاحبو من العرس ...قال للعريس ..اسمع احسن (الصحانة) دي تراقبها براك ...عشان لو في زول تاني فتح (صحنو) وما لقى فيه (فرخة) الحكاية دي ما كويسة في حقك نحن بنفوت ليك الموضوع لكن والله الموضوع دا لو وقع في يد (سبرتكي)..يوصل الموضوع الامم المتحدة.

معليش ما قلت ليكم (سبرتكي) دا اصعب من (الشفرونجي).

غايتو الزول وقت يكون عاوز ليه سبب ببقي زي بوليس المرور بقطعك بقطعك.

لو لقاك (رابط الحزام) ..يقول ليك ليه ما (قافل التلفون).

يلقاك (قافل التلفون) ..يقول ليك (شاحنو) وينو؟.

تطلع ليه (الشاحن)...يقول ليك سمع لي (معلقة) عمرو بن كلثوم.

تسمع ليه المعلقة.

يقول كمان حافظها (30) جنيه.

كمان نحن ما بنعرف.

نحن حاجات زي دي ما بنفوتها.

نحن (شفوت).

نحن (صعبين).

نحن (روس) عديل في الحتة دي.

باختصار كدا نحن اي حاجة عندنا بي نظام.

ملحوظة : صدعتوا بينا.

هوامش

التحية والتقدير لاستاذنا اسماعيل حسن الذي يتقبل ما نكتب بروح رياضية...وفهم.

والتحية للاستاذ عثمان حسن مكي ...وهو الذي حوّل صوت عثمان حسين الغنائي الي حنجرته (رياضيا)..ليطربنا كما كان يطربنا عثمان حسين في شجنه وعشرة ايامه وربيع دنياه.

ان شاءالله فقط نكون عند حسن الظن.

بصراحة يا سيادة الوزير ...اللجنة دي ما عندها فرق من هدف بلة جابر العكسي.

بصراحة ...ومن غير زعل (المؤتمر الوطني) بي لجنتو دي سجّل هدف عكسي في شبكتو.

كمان نحن ما بنعرف.

اللجنة دي نحن اصلو ما بنريحها.

معاه وارغو وارغو.

غايتو (4) شهور ..لقينا لينا موضوع.

اصلو الايامات دي (الكورة) ما فيها حاجة.

وام روابة ما فيها كلام.

ما عندنا شغلة غير (لجنتكم) دي.

انتوا يا جماعة مع بتاع الدواجن اللجنة دي ما فيها بتاع بسبوسة.

الواحد ما يحلي كمان.

بعد الفراخ ناس ضفر ديل بحتاجوا للبسبوسة.

شوفوا ليكم ان شاءالله زول عندو مصنع طحنية.

عشان التحلية.

لو ما لقينو بتاع مصنع طحنية.

عينوا ليكم بتاع بطيخ في القطاع الرياضي.

التحلية ضرورية يا جماعة.

الوزير ..فاتتو دي.

بكرة ان شاءالله عندنا فهم جديد للجنة دي.

انتظرونا بس.

نان هي لجنة نصاح.

لجنة فيها (17) عضو.

والله مباراة المريخ بكرة امام نيل الحصاحيصا ..مفروض تجربوا لينا (عضو).

لعبوا لينا بتاع مزرعة الدواجن دي (طرف شمال).

عاوزين نشوف فراخو.

اقصد عاوزين نشوف كورتو.

وناس النيل ديل ناسكم ..ما بشتكوكم.

بكرة بتغلبوا ليكم (6) ...عشان يأكدوا ان الوالي كراعو خضراء.

ناس النيل بكرة ح يتراشقوا عديل كدا.

شوفوا كلامي دا.

لكن نحن ما بنرحكم يا ناس النيل ...ألعبوا كورتكم.

انتوا الحضري دا سمعوا بقى تقيل.

الزول دا ما سمع بي جمال الوالي رجع.

رجع ومعاه لجنة.

رجع ومعاه (16) عضو.

بالمناسبة انا (لجنة) المريخ دا شايفها قبل كدا.

شايفها في (الانتخابات).

طلعتوا بتاعين (انتخابات) ساكت.

عاجل : يا بلة ما تتعودوا على (الفراخ)...فترتو (4) شهور فقط..بعدين الفول ما بتاكل ليكم.

انقر هنا لقراءة الخبر من مصدره.