بسم الله الرحمن الرحيم في السلك بابكر سلك الحاضنة المريخية والاصلحية
*حضانة الطفل تنقسم بين حضانة نساء وحضانة رجال *ويلعب الجنس والعمر ادوار كبيرة في تحديد الحاضنة *فالطفل ان كان ذكرا يكون في سن حضانة النساء حتي يبلغ السابعة *وعند بلوغ السابعة ينتقل لحضانة الرجال *اما ان كانت انثي فتمتد حضانة النساء حتي سن الثانية عشر *وطبعا القصة ما علي اطلاقها *فتحكمها اصلحية ودرجة قرابة *وقد تمتد الحضانة الي مابعد السن المذكورة اذا لم يكن طالب الحضانة هو الاصلح *فمجدر بلوغ السن المحددة لايغير الحاضن اتوماتيكيا *لكن في كل الاحوال الاصلحية هي الفيصل ولها الحاكمية *حكومتنا عندها حاضنة *حاضنة شرعية كمان *لكن هل تتمتع تلك الحاضنة بالاصلحية ؟؟؟ *الاجابة علي هذا السؤال لايختلف عليها اثنان *حتي الحاضنة نفسها لاتختلف مع غيرها علي الاجابة *ولانه زمن الحاضنات *انتشرت فينا الحاضنات السياسية والحاضنات الرياضية *وحاضنات مواقف الرجال *اسي الحاضنة المريخية دي باقي ليكم هي الاصلح ؟ *بالذات بعد بلوغ المحضون سن تؤهله لمفارقة حضانة تلك الحاضنة. *ولمتين يظل المريخ محضونا لحاضنة تحدد مصيره ومسيره واستقراره وتطوره *تحدد له البياكلو والبشربو والمدرسة البقرا فيها *وطبعا البياكلو لازم يكون من الصنف البتحب الحاضنه تاكلو *والذين يتصارعون حول حضانة المريخ كل واحد فيهم يدعي الاصلحية *يجب عليهم ان يدركوا ان المريخ وصل لسن الرشد وتخطي سنين الحضانة *شرعا كدة بلغ الرشد *واصبح قادرا علي ادارة شؤونه بنفسه *ولا تعوذه المقدرة علي ادراك ماهية افعاله *يبقي شكرا للحاضنة *مريخنا شنبو خت *المهم *بالامس قامت اللجنة المكلفة بتسليم مسودة تعديلات النظام الاساسي التي تم تكليفها بها *وهو مجهود مقدر تشكر عليه *ولكن اللجنة المكلفة كلفها منو ؟ *اوعه يكون ال وال وال والذي ليس في قامة المريخ ؟ *وسلمتو لي منو ؟ *اوعه يكون ليهو هو ذاتو ؟؟؟ *وده كلو مامهم *هل اطلعت امة المريخ علي ماتم ؟ *هل ستنعقد الورش ؟؟؟ *ولا في الحالة دي علي امة المريخ ان تبصم ؟؟؟ *تبصم كيف لكن ونحنا قلنا المريخ تجاوز سن الحضانة وشنبو خت *علي العموم تستطيع الجمعية العمومية ان تبرم شنب المريخ *لانها هي صاحبة القرار *ونتمني ان يكتمل النصاب (المرة دي) *وان تكون الجمعية نزيهة عددا واعدادا وعتادا *وطبعا المرة دي ما حانشوف خيمة خارج المولد *وحا يكون الشعار قوتنا في وحدتنا *ونبدا نحسب في النصاب *حسن *قول واحد *محمدين *كدة تلاتة *ست النفر *بقوا تسعة *وكم اتشوق لتلك الجمعية ولاستقرار المريخ *المهم *كراع تركي علي المتتورك حلوة *نقطة نقطة *نقطة ابو عشرين *ونقطة جيمي *النقطة الجاية حاتكون نقطة سطر جديد *الغريبة اقوان الدرون بتشابهن *حق حي العرب وحق مروي *نفس المرمي *نفس الطلعة *نفس الوقعة *نفس الدقيقة تسعين *الشفت محمد الحبوب قال لي السبب الخلي ابو عشرين ينط فوق ويجليها وجمال ينط فوق ويجليها *هو الكشافات *الواحد فيهم لما ينط بكون شايف الكورة *اول مايصل فوق بتضلم *كشافات الحدائق نورها قصير *المهم *الشافع الكيشة البكون عندو كورة بشيلها ويمشي الشارع يلعب بيها مع الشفع *لما يتغلب بخرخر وبقول ادوني كورتي وبشيلها ويمشي * اسي اللعب كلو باستاد الهلال *والدرون كلو حق الهلال *الخوف الدرون الجاي يقول ادوني استادي ويشيلو ويمشي *عشان كدة كورة الهلال الجاية مافي داعي للدرون *يتغلبوا عديل كدة عشان يخلوا لينا الاستاد ويمشوا *ايها الناس *ان تنصروا الله ينصركم *اها *نجي لي شمارات والي الخرتوم *تعرف يا والينا *تركي يرعي فينا *التازي جابوهوا راعي لينا *دول المحور تتحكم فينا *تاني شنو السوداني الفضل فينا !!!!!! سلك كهربا ننساك كيف والكلب قال والله مانقبل 2021 الا تعتذر لينا عن 2020 وتقول امسحوها لي في وشي... حاضنة!!!!!! والي لقاء
