*ياناس *حقو نبقي قدر المرحلة وبقدر الطموح *كفانا فوضي واستعراض عضلات *وكفي الحيكومة اهمالا ووبالا اشفق علينا لفرط تمكنه منا بسبب ذلك التراخي *وصدقوني الوجوه الظهرت بكثافه بعد حداشر ابريل الميمون *هي اخطر علي استقرارنا من تلك الوجوه التي اختفت وتلاشت بعد حداشر ابريل اما في السجن حبيسا واما بتركيا جعيصا *وصدقوني فشل المنظمومة لايعني فشل الثورة *تستطيع الثورة ان تغير المنظومة *ولكن لن تستطيع المنظومة ان توأد الثورة *وتسقط عاشر لما الوطن يقدم للمواطن بليلة مباشر بوجه بشوش ماهو مكاجر *اصبروا *ايها الناس *رمضان ياحليلو *التلاتاء الجاية خليها *البعدها الستائر فوق *ايها الناس *اليوم تجتمع الفيفا بشداد وسودا والمحامي *اجتماع لو خسران كسبان *والمريخ هو الرابح الاكبر *ايها الناس *البصري عيسي التوم *غني عن التعريف *قاد مبادرة مدهشه *وسلم بالامس اثناء الافطار الذي يشرف عليه سنويا بحوش المريخ *سلم اربعة من عمال النادي والاستاد شيلة زواج كاملة وبالزياة كمان *العرس خامسة العيد بالحوش تحييه المبدعة مكارم *ده المريخ *وده البصري *وعفارم عليك يافردة *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *برغم الفينا *نصارع في رمضان ويصارع فينا *وقولة الروب مابتطلع منينا سلك كهربا ننساك كيف والكلب قال رمضان يعمل ايه في شعب صائم ديمة!!!! والي لقاء سلك