محمد الطيب الامين زى غبار شهر مارس لا بتعرفو جاء من وين… ولا بنتهى متين ..!! زمان في المدرسة لما يكون في ( الجدول ) عندنا إمتحان رياضيات وفيزياء نحن ما بنقرأ ولا واحد فيهم * بنخليها كده بس للظروف * تجي زي ما تجيء کده * كده لا ح ننجح في الرياضيات ولا في الفيزياء وبما أن ذلك كذلك أعتقد أن المريخ الآن يمر بذات الإحساس . * فيزياء ورياضيات * نحن الفيزياء والأهلي الرياضيات ما نجحوا في الفيزياء والامتحان الجاي رياضيات وهم في الحقيقة ما قاريين * يعني ( قادين ) فيزياء وح ( يقدو ) رياضيات * غايتو البركة في اللهجة المصرية الاتعلمونها دي برضو كويس ما كعب * ما طلعتوا ساي کونو تشارك في المجموعات وتطلع ليك بلهجة جديدة دي برضو حاجة ممتازة . * اللهجة المصرية دي بتنفعكم لقدام . نبض الاسياد رصد ابووليد * قالوا لما ياسر مزمل جاب القون قام حمزة داؤد قال لكرشوم : ( إزاي تسيبو لوحدو يا عم ) . * ياسر مزمل ده زي ( غبار شهر مارس ) لا بوريك جاي متين ولا بتفهم ح ينتهي متين * حاجة كده زي القدر * الليلة لو لعبنا أمام المريخ برضو ياسر مزمل عندو قون * غايتو المريخ طلع بثلاثة حاجات من مشاركتو دي . * الحاجة الأولى اتعلموا اللهجة المصرية الحاجة التانية قابلوا محمود الخطيب * الحاجة الثالثة عملوا أربع نقاط ولن تزيد إن شاء الله . * المهم . * لعب موفق صديق بأريحية مبالغ فيها . * تحس بيهو ( مولود ) في الخانة دي . * ملأ الطرف وكان عشرة على عشرة * واحدة . * لاعب كبير لو ركز في الكرة سيكون الأول بدون منازع ايضا لعب صلاح عادل مباراة كبيرة وكان أسد في وسط الملعب . * وجود صلاح في خط الوسط منح الهلال شراسة مقبولة افتقدها الفريق في المباراة السابقة . * حسن متوكل قدم نفسه بصورة أكثر من ممتازة رغم أنه شارك في خانة جديدة عليهو فارس عبدالله ولا كلمة . * المقاتل ارنق مدافع متمكن نتمنى أن تكون إصابته طفيفة . نبض الاسياد رصد ابووليد *اوتارا ظهر بشكل أفضل من المباريات السابقة . * عبدول وعيد والغربال عملوا العليهم * أبوجا احد ضيوف شرف المباراة منح اللاعبين ثقة كبيرة وثبات . * كل نجوم الهلال كانوا في الموعد * في مثل هذه المباريات يجب أن لا تنظر لشكل الأداء . * المهم كان النقاط وهو ما تحقق والحمدلله أما الأخ السماني الصاوي فسيعود للكنبة والقصة انتهي بمناسبة القصة . * قالوا ناس الفندق في القاهرة مسكوا أبو جريشة ك ( أمنية ) . * قالوا ما بفكوهو إلا بعد سداد فاتورة الفندق . * طبعا الفاتورة هي مناصفة ما بين الكفيل والمريخ . * والكفيل بعد خسارة الأمس دي مزاجو اتقلب . * لا بدفع ليك حق الفندق ولا برحمك في الملعب عشان ادفعوا القروش دي وثاني معسكرات مصر دي بلاش منها . * هسه أبو جريشة ده لو ما فكوا ح تعملوا شئو يعني ؟ * غايتو جنس غايتو * و. . و.. * مزمل لا .
