سودارس : تجار (الازمات والبترول) ام تجار (الدم والذهب)؟

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تجار (الازمات والبترول) ام تجار (الدم والذهب)؟

صابنها نشر في كورة سودانية يوم 08 - 08 - 2022

محمد عبد الماجد
تجار (الازمات والبترول) ام تجار (الدم والذهب)؟
تخيلوا ان المريخ وصل درجة من (الفقر) الفني والجدب (الفكري) والإفلاس (الكركوي) للحد الذي بلغ مرحلة التفكير في اعادة بكري المدنية من جديد.
(الكركوي) دي زيادة مني ساكت.
ما تقيفوا فيها كتير.
لو تسجيل بكري المدنية في المريخ (تكريم) معليش … عشان يختم حياته (مقبولة) غير كدا ما اسمع أي صوت.
ناس الهلال اعادوا تسجيل البرنس و احمد النور والرشيد فيصل ومحمد حمدان لكن بفهم تاني.
فهم تكريمي وأدب هلالي.
ما زي فهم ناس المريخ.
بكري المدنية لو اعيدتم تسجيله بنفس فهم ناس الهلال عندما اعادوا تسجيل احمد النور ما عندنا مشكلة.
نحن غلطانين.
بنسحب كلامنا.
لكن لو اعيدتم تسجله عشان حاجة تانية تبقوا غلطانين انتوا.
السنة القادمة بتلحقوا الخرطوم الوطني.
الكلام دا ما بعيد عنكم.
ابقوا عارفين.
زمان ايام الامية (الغوغلية) ، كان أي لاعب يسجله الهلال يطلع مزمل ابوالقاسم في اليوم التاني ويقول ان هذا اللاعب تسجيله في الهلال ما صحيح.
وهرقل.
وثكلتك امك.
وهلتر.
وكلام ما ليه أي معنى.
عملها مع قابيتو والصلوي وكلتشي وسادومبا ووالي الدين.
حتى عبدالرؤوف لم يسلم من (الجرة) الغلط.
شيء بالمستندات.
وشيء بالشتل.
وشيء باللوائح.
وشيء بالفيفا.
الكلام دا بقى ما بيأكل عيش.
خلاص (غوغل) انتهي من أي شيء.
المادة بتقول واللائحة بتحدد.
كلام (نظري) ساي .. كلام (تسميع).
حفظ.
اسطوانة مشروخة.
وضحت كدا.
تعالوا شوفوا السنة دي مزمل ابوالقاسم عمل شنو؟
طبعا ما عندو طريقة يقول ليليبو تسجيلو ما صحيح.
بيضحكو فيه.
او جارجو وكيله معترض.
خاصة بعد ان فسخ عماد الصيني عقدو مع المريخ.
عديل كدا.
قال ليهم ما عاوزكم.
زي ابوعشرين.
شال (شنطتو) وجاء الهلال.
هيع.
جدع والله.
زي حمودة بشير وعلاءالدين يوسف.
مزمل السنة دي عمل شنو؟
مزمل قال احسن اهاجم السوباط والعليقي.
قال شنو؟
قال عنهما انهما تجار البترول والازمات!!.
مزمل يتكلم!!
مزمل يكتب!!
يا ربي الكلام دا في (لوائح الفيفا) موجود؟
بنسأل بس.. ما قاصدين أي حاجة.
الكلام دا في (غوغل) ما في؟
زي مرّ عليّ قبل كدا في حتة.
حنك ما غريب.
يا مزمل تجار الازمات والبترول ديل قاعدين في البلد بعد الثورة والحريات .. ما في واحد منهم طلع من البلد او هرب.
شوف ناسك وين؟
كمان انت بتتكلم عن تجار الازمات والبترول.. وجمال الوالي الرئيس طوالي ما بقدر يرجع البلد.
وحازم مصطفى رئيس نادي المريخ (غير الشرعي) ما بقدر يدخل البلد.
وسوداكال الرئيس الشرعي ما بقدر يطلع.
والقائمة طويلة.
نسكت احسن.
ابوجريشة.
و..
و..
ولسه.
ومزمل بتكلم عن تجار الازمات والبترول.
استعطف الشعب السوداني عليك الله.
قول ليه الحقيقة.. وكبدها!!
مزمل معترض على علاقة العليقي بأسامة عطا المنان.
مزمل نسى علاقة اسامة ومعتصم جعفر بجمال الوالي.
ايام ما كانوا بمشوا (الحج) بطائرة واحدة.
بطلعوا وبنزلوا بطائرة واحدة.
يا حليل ايام ما كنا.
وانت نسيت ايام ما كنا.
مزمل هسع عاوز يعترض على علاقة العليقي بأسامة عطا المنان .. ونائب رئيس نادي المريخ (غير الشرعي) قال ليكم ما تخافوا لجان المريخ كلها تحت سيطرة (المريخاب).
مزمل زعلان على تأجيل مباريات كاس السودان .. الذي تم تأجيلها بالقانون .. اين كان مزمل الموسم الماضي عندما تم تأجيل نهائي كاس السودان في الموسم الماضي ؟ بعد ان وصل الهلال للنهائي بفريق (يتلتل) والمريخ وصل للنهائي نفسو مقطوع.
كاس السودان اتأجل من الموسم الماضي وليس من هذا الموسم.
الموسم الماضي مزمل ما اتكلم.
ولا قال شيء.
مزمل غضبان على جنسيات لاعبي الهلال بعد حصولهم عليها.
نسي مزمل ابوالقاسم (الجاليات) التى كان يتم تجنسيها للمريخ ايام جمال الوالي رئيسا طوالي.
زمن علي النونو وزكريا … لغاية احمد بيتر.
اللاعب يتجنس في سلم الطائرة.
جنسيات ايام زمان كانت تستخرج للاعبي المريخ اسرع من (شريحة) التلفون.
جمال الوالي كان بجنس وبسحب الجنسية في 7 ثواني.
اسرع جنسية في الدنيا.
جنسية (ديلفري).
ديفلري الوالي.
الجنسية تطلع اسرع من صورة الجواز.
اسرع من (الفرخة).
وتعالوا شوفوا احمد بيتر .. كلو اسبوع يطلعو ليه جنسية جديدة.
الكلام دا بقولوه ناس (الصدي) بلسانهم.
مزمل ابوالقاسم الذي يهاجم في السوباط والعليقي ويقول عنهم (تجار الازمات والبترول) نسى تجار (الدم والذهب)… نسى مزمل ابوالقاسم ان استاد المريخ يتم تأهيله من جديد بواسطة قوات الدعم السريع.
نسى صلاح قوش.
وحميدتي.
والجاكومي.
وحازم مصطفى.
وسوداكال.
وجمال الوالي.
وقاعد يتكلم عن السوباط والعليقي.
شوفوا نحن وصلنا وين؟
مزمل ابوالقاسم الذي يسخر من تسجيلات الهلال ويصفها مجرد فرقعات اعلامية .. والهلال يسجل الدرر والمواهب .. تعالوا شوفوا ماذا سجل فريفه؟
نشوف.
شوف واحكم.
وقول انت.
سجل المريخ مشطوب الهلال السابق اسكندر .. بينما سجل الهلال لاعب المريخ عماد الصيني الذي طالب بفسخ عقده مع المريخ.
وفرحانين بي اسكندر .. وطالعين بيه السماء.
لكن ناس الهلال بعد هذه التسجيلات مفروض ما يفرحوا.
في موضوع عماد الصيني كتب مزمل في بحر (تناقضاته) العجيبة.
(بكل سذاجة الدنيا تعاقدوا مع عماد الصيني ورفعوا العقد في سيستم الانتقالات).
وكتب مزمل :
(مخالفة كبيرة تستوجب معاقبة النادي بالحرمان من الانتقالات لفترتين، وتغريمه مع اللاعب، وإيقاف الصيني أربعة أشهر).
دا كلام مزمل.
وكلام مزمل ايضا و في نفس المقام هو : (خدعهم اللاعب بعقد قديم فصدقوه، ووقعوا في المحظور).
كيف يعاقب الهلال اذا كان الهلال تعرض للخداع من اللاعب؟ .. رغم اني اختلف مع مزمل في هذه الجزئية .. واقول ليه الهلال سجل الصيني مع سبق الاصرار والترصد وموقفه سليم .. واللاعب لاعب الهلال الآن.
(كاس) ما غريبة عليكم.
خلوه اسامة عطا المنان.
امشوا (كاس).
قال مزمل : (نحذر أسامة من التدخل لإنقاذ برلوم الإدارة الهلالية من ورطته الكبيرة).
البراملة يا مزمل ناسك الفي المريخ .. شايلين ليهم عقد عشان يتصوروا بيه.
البراملة يا مزمل هم الذين بسجلوا في اسكندر ومرفعين ومازن محمدين .. والتش وطيفور احرار بعد اقل من ثلاثة اشهر .. رغم ان صحيفة (الصدي) في كل يوم بتقول المريخ يعيد تسجيل طيفور والتش اليوم.
المريخ يسجل سيف تيري.
من الذي يضحك على جمهوره؟ اعلام الهلال ام اعلام المريخ؟
طيفور والتش وسيف تيري وما في حاجة غير (مرفعين).
مرفعين بس.
لن يصرف لك غير ورقة واحدة.
مرفعين.
والسلام.
صديق كوة المهاجم الخطير – هداف الدوري الذي لم يسجل حتى في تمارين المريخ.
ماذا قال اعلام المريخ في التسجيلات الماضية عن صديق كوة؟
صديق كوة اكيد منتظر (شانتير)… الفاضل ابوشنب اعتزل.
سجلوا (مرفعين) وبسخروا من ليليبو واجارجو وفكتور وكلود!!
والمهاجم في السكة.
موش ح تقدر تغمض (شبكتك).
في تسجيلات هذه الفترة لم تسعدنا تسجيلات الهلال فقط .. اسعدتنا تسجيلات المريخ ايضا.
سعدت لأن المريخ سجل لاعبين قصار القامة …اسكندر ومرفعين ومازن محمدين.
حتى المحترفين الذين سجلهم المريخ ظهروا مع رئيس نادي المريخ (غير الشرعي) حازم مصطفى في الصور التى التقطت لهم وهم اقصر قامة من حازم مصطفى.
وحازم في طول اسكندر.
الحمدلله تسجيلات الهلال كلها كانت للاعبين اصحاب بنية جسمانية ممتازة واصحاب موهبة ومهارات قبل ذلك.
حتى في الجانب المحلي تم تسجيل الصيني وجون ماني وهما فوق ال 190 سنتمتر .. ما شاءالله عليهما.
جون ماني ناطحة سحاب.
تبارك الله.
اما المحترفين .. فيكفي ان نقول ان حارس المرمى طوله مترين.
بالمناسبة .. سوداكال اثبت ان نظرته الفنية صائبة.
تسجيلات المريخ الحالية .. هم عبارة عن لاعبين سجلهم سوداكال وشطبهم حازم مصطفى .. وحازم مصطفى الآن يعود اليهم مما يؤكد صواب الرؤية الفنية لآدم سوداكال.
مرفعين دا لاعب سجله سوداكال.
رامي كركتيلا ..لاعب سجله سوداكال.
مازن محمدين لاعب سجله سوداكال.
وناس مزمل بتكلموا في الحاجات التانية وما بعترفوا للرجل بفضله.
حتى طبنجة والجزولي نوح وتوني سجلهم ادم سوداكال.
اين اللاعين الذين سجلهم حازم مصطفى؟
لم ينجح احد ، بما في ذلك المحترفين.
كلهم تم شطبهم.
تسجيلات حازم مصطفى لم يشارك منهم لاعبا واحدا مع المريخ ولم يثبت ايا منهم وجوده مع المريخ امثال صديق كوة وزكريا سليمان وكابتن بشير وعمار كنو … ما في واحد فيهم دخل التشكيلة الرئيسية للمريخ… لم يشارك منهم بصورة متقطعة غير كسرى.
شغالين بتسجيلات سوداكال.
وبتكلموا عن تسجيلات الهلال.
وعن الكشف الطبي لحارس الهلال العاجي.
عليكم الله ياتو محترف في المريخ من الذين تم تسجيلهم في هذا الموسم عملوا ليه كشف طبي؟
كشفهم الطبي (شوف عين) ساكت.
احسن ما تفتحوا الملفات دي.
ابقوا مارقين ساكت.
عشان ما تتعبوا معانا .. وتجيبوا لي روحكم الكلام.
انسوا الهلال والحقوا فريقكم .. عشان ما يلحق الخرطوم الوطني.
الدوري الجديد سوف يعود لنظامه القديم.
يعني ح تشوفوا تعب شديد في عطبرة وشندي والفاشر.
……………..
متاريس
مجرد التفكير في اعارة حسين النور (جريمة).
اللاعب الصغير اعطوه الفرصة .. ما يقضى فترتو كلها (اعارات) مثل الشيخ.
لو الشيخ كان في الهلال كان اصبح الآن حاجة تانية.
ارهقتوا الشيخ بالاعارات.
التسجيلات (المحلية) ما تهملوها.
اللاعب الوطني ضرورى ومهم.
الحمدلله الهلال انجز صفقة الصيني وجون ماني .. وهما في مقام الهلال.
ننتظر المزيد.
واوعى وشك من (القنبلة).
……….
ترس اخير : الكشف الطبي قالوا قال ليهم الحارس دا طويل شديد.. طوله غير قانوني.

انقر هنا لقراءة الخبر من مصدره.