سودارس : نحن عبرنا ..!!

د.ابراهيم الصديق على يكتب:اللقاء: انتقالات جديدة.. إبراهيم شقلاوي يكتب: يرفعون المصاحف على أسنّة الرماح الهلال لم يحقق فوزًا على الأندية الجزائرية على أرضه منذ عام 1982…. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

نحن عبرنا ..!!

صابنها نشر في كورة سودانية يوم 10 - 10 - 2022

محمد عبد الماجد
نحن عبرنا ..!!
عندي صاحبي (هلالابي) شديد ، النوع البفتح (زارير) القميص وقت الهلال يكون عندو مباراة.
وبشغل المروحة في خمسة.
علاقة المروحة بالكلام دا شنو؟
زول شفت… من هلاليته (التاء المربوطة) بكتبها (ها).
الجبنة بشربها على (هوبة) مهند الطاهر .. والمكيّف بشغلو بتمريرة البرنس.
الشاي بشربو بي (ملعقة) واحدة من لامين جارجو … جارجو بمر من المدافع بالملعقة.
بي كل سهولة ويسر.
بغرف الكورة غرف.
زول صعب.
هلالابي قاطع.
عندو (11) ولد .. تشكيلة كاملة.. ببدأ من حراسة المرمى .. الكبير اسمو ابوعشرين .. والصغيّر محمد عبدالرحمن (الغربال).
الشطة ما بيأكلها (حمراء).. بيأكلها (خضراء) بس .. ومرات بنتظرها لمن تبقى (زرقاء).
صاحبنا دا كان وقت الهلال تكون عندو مباراة (صعبة) بقول لينا ما تكلموني بنتيجة المباراة إلّا بعد ثلاثة ايام.
خلوني بس!!
وما تجيبوا لي سيرة.
بنقولوا ليه : ليه؟ يعني النتيجة عاوزة تتغير في اليوم الثالث.
بقول لينا : عشان النتيجة لو كانت كعبة .. اكون عشت لي ثلاثة ايام زيادة في عمري.
يعني فرقت على ثلاثة ايام.
هلالابي صعب.
مرة قال عن احد اهداف بشه في المريخ .. ان هذا الهدف زي (ام فتفت).
قلت ليه علاقة (ام فتفت) شنو بهدف بشه في المريخ؟
والمريخ ذاتو ذنبو شنو؟
قال لي عشان بشه لمن سجل الهدف في مرمى المريخ .. مدافعين المريخ اتجدعوا في خط 18 زي كأنهم ضربوهم بي صاروخ.
اتفرتكوا فرتيك.
زي ام فتفت.
في مدافع منهم لغاية الآن واقع في شارع العرضة.. ما في زول مشى عليه.
هلالابي غريب – النوع البقفل الشارع في رمضان على العربات .. عشان الناس الفي العربات ينزلوا يفطروا معاه.
بحلف عليهم ما زول يمشي.
بيضبح للضيف قبل ما ينزل.
هلالابي .. هلالابي.
هذا الهلالابي بتلك الحالة تذكرته في (زرة) الشباب التنزاني.
نحن نطلع من زرة لي زرة.
لسه ما استردينا (وعينا) بعد مباراة سانت جورج .. دخلنا على مباراة الشباب التنزاني.
مباراة يشهدها من داخل الملعب (60) الف مشجع غير مريخاب العرضة الجنوب .. تقول (معركة كرري).
انا ما شفت معركة كررى .. لكن الرجال ال (كالاسود الضاربة) شفتهم في ابوعشرين والطيب عبدالرازق وموقف وصلاح عادل والغربال وياسر مزمل.
معلق المباراة في قناة عزام كان بكورك بمناسبة وبدون مناسبة ويصرخ ويقول : ياسر مزمل.
وقت الغربال جاب هدف التعادل .. قال محمد عبدالرحمن يوسف .. تقول عاوز يطلع ليه (بطاقة).
والمباراة كلها يصرخ ياسر مزمل.
انا ما عارف الحاصل شنو؟
ابراهيم ايمورو وفكتور هم ايضا طلعوا (كالاسود الضاربة).
اصعب جمهور في القارة الافريقية جمهور الكنغو .. عندما تواجه مازيمبي الكنغولي او فيتا كلوب ، والجمهور التنزاني عندما تواجه الشباب او سيمبا التنزاني. ويمكن اضافة جماهير اندية شمال افريقيا الترجي والافريقي والنجم والوداد والرجاء وشبيبة القبائل والاتحاد ووفاق اسطيف وان تراجعت جماهيريتهم في الفترة الاخيرة.
الايامات دي طالع فيها الجمهور التنزاني .. ويمكن ذلك يرجع للنهضة الكروية التى تشهدها تنزانيا في الفترة الاخيرة.
ديل عندهم جمهور عادي جدا (المرفعين) يطلع من وسطهم في المدرجات.
في العالم كلو بقولوا ليك الحارس الممتاز نصف الفريق .. وانا بقول المشجع في تنزانيا نصف الفريق .. ودا ما مشجع واحد ديل (60) الف مشجع.
زمان او قبل سنوات قليلة كان يشتهر جمهور الاشانتي الغاني وجمهور اينمبا النيجيري.
جمهور الاشانتي دا كان بيأكل اللحمة نية.
ادغال افريقيا مصطلح طلع من مدرجات الاشانتي.
زمان كنا وقت نحضر مباراة للهلال في (الراديو) والهلال بيلعب في غانا او نيجيريا كنا بنشغل (الراديو) بدون حجارة بطارية من سخونة المباراة.
زمان كان في حجارة بطارية عليها صورة (كدائيس).. اختفت وين ما عارف؟
الكدائس قاعدة لكن الحجارة اختفت.
نعود الى مباراة الشباب التنزاني ونقطع بالقول ان الهلال سوف يكون استفاد استفادة كبيرة من مباراة الشباب في ظل ذلك الحضور الجماهيري الطاغي… وقبل ذلك استفاد الهلال من مواجهة سانت جورج ذهابا وايابا .. لذلك دخل الهلال بذلك (الثبات) وهو يلعب امام الشباب التنزاني.
مواجهة سانت جورج كانت بروفة ممتازة لمواجهة الشباب .. ومواجهة سانت جورج والشباب تباعا سوف تكون افضل تجارب للهلال قبل خوض مباريات المجموعات ان شاءالله.
قلت سابقا اني كنت اخشى على الهلال كثيرا من الخروج من المرحلة التمهيدية. خاصة ان الهلال واجه في دور ال 64 فريق سانت جورج الاثيوبي وفى دور ال 32 فريق الشباب التنزاني .. واي فريق من ديل لو واجه المريخ كفيل باخراجه من المنافسة.
قرعة البطولة الافريقية في هذا الموسم .. لو قصدت ان تبعد الهلال من المنافسة عديل كدا .. ما كانت سوف تضع الهلال امام سانت جورج في الاول ثم تضعه في مواجهة امام الشباب التنزاني في الدور التمهيدي الثاني للبطولة الافريقية.
اصعب قرعة للهلال في تاريخ مشاركات الهلال في البطولات الافريقية كانت قرعة (التمهيدي) لهذا الموسم .. هذا الكلام ليس على مستوى مواجهات الهلال في المواسم السابقة .. هذا الكلام على مستوى الادوار التمهيدية في البطولة الافريقية في هذا الموسم بشكل عام… اصعب المباريات في هذه المرحلة كانت مباريات الهلال.
امر اخر زاد من مخاوفي على الهلال وهو (التجديد) الذي حدث في الهلال – في كرة القدم عندما تكون الاندية في مرحلة (بناء) دائما ما تدفع الثمن غاليا.
اضف الى ذلك ان الطموحات عندما تكون كبيرة .. تتتعرض في (البدايات) لصدمات الخروج والخسارة.
كرة القدم كدا – دي ما حاجة اخترعناها من رأسنا.
المريخاب طبعا كان عندهم عشم كبير في خروج الهلال من الدور الاول لدرجة انهم عسكروا في (بحر دار) عشان خاطر سانت جورج .. وعملوا توأمة مع الفريق الاثيوبي عشان يطلّع ليهم الهلال من الدور التمهيدي الاول.
وكله ما نفع.
معسكر ثلاثة اسابيع راح ساكت ..(شمار في مرقة).
مرقنا من مباراة سانت جورج .. دخلنا على مباراة الشباب التنزاني .. وطموحات المريخاب واملهم في الشباب التنزاني كان اكبر من طموحهم واملهم في المريخ.
اصلا هم ما عندهم طموح في فريقهم.
ديل طموحهم بقى يشيلوا رئيس ويجيبوا رئيس .. الرئيس بقى عندهم زي (المدرب) بشيلوه بعد اي خسارة للمريخ.
المريخاب ما عندهم مشكلة يطلعوا من البطولة الافريقية .. بس الهلال ما يتأهل.
هم عارفين الهلال لو اتأهل من الادوار التمهيدية سوف يكون عندو كلام في البطولة الافريقية هذا الموسم.
عندنا كلام.
اتخيلوا الهلال بشكله الحالي يضيف الى كشوفاته (4) عناصر او (3)… شوفوا شكل الهلال كيف سوف يصبح.
اتخيلوا شكل الهلال بعد انضمام عماد الصيني للفريق.
الصيني براهو ممكن يعمل حالة.
في الدفاع تلقاه.. وفي الوسط تلقاه.
نحن رهاننا على الهلال ليس مبني على ان الهلال وصل لمرحلة الكمال.
لسه.
نحن على قناعة ان الهلال مازال ينقصه الكثير .. لكن الذي يمنحنا للامل ويجعل فينا كل هذه الثقة .. هو العمل والتخطيط الذي يشهده الهلال في الفترة الحالية.
في شغل في الهلال .. عشان كدا بنقول القادم شيء عجيب في الهلال ان شاءالله.
ما يحدث في الهلال من عمل ومن اجتهاد يجعلنا نقول بثقة كبيرة ان الهلال سوف يكون في مكان غير في الفترة القادمة.
كان خوفنا على الهلال من مباريات التمهيدي امام سانت جورج والشباب التنزاني .. ونحن نثق ان الهلال عندما يتأهل لمرحلة المجموعات سوف يتأهل من المجموعات بكل يسر ، وسوف يكون بطلا لمجموعته ان شاءالله حتى لو كانت مجموعة الهلال تضم الى جانبه الاهلي المصري او صن دوانز او الوداد او الرجاء او الترجي.
ما فارقة معانا تاني في حاجة.
خشينا على الهلال من حمى البدايات .. واذا نجح الهلال في تجاوزها وهو قريب من ذلك بأذن الله سوف يكون للهلال كلام تاني.
لا اريد ان اقول ان الهلال منح فريق الشباب مكانة اكثر من المكانة التى يستحقها واحترمه اكثر مما يجب ..لأن الشباب كان يستحق لهذه المكانة التى وضعها فيه الهلال.
لولا احترام الهلال لفريق الشباب كان قلنا (وحدث ما حدث).
يجب ان نلتفت الى التقليل من فريق الشباب بعد مباراة الذهاب ..لأننا لو تعاملنا بهذا الفهم مع فريق الشباب في ام درمان يمكن ان يخسر الهلال المباراة ويخرج لا قدر الله من المنافسة.
علينا ان نمنح فريق الشباب كل الاحترام في مباراة العودة .. الهلال لم يتأهل بعد وينتظر الهلال (اعمال شاقة) اخرى ليحقق التأهل لدور المجموعات ان شاءالله.
لا بد من القول ان الهلال خرج بنتيجة جيدة في دار السلام .. لكن علينا ان نعرف ان هنالك جولة اخرى في ام درمان لا تقل بأية حال من الاحوال من مباراة دار السلام ان لم تكن اصعب.
يجب ان ننتبه لمباراة الاياب .. وان نركز كثيرا فمازال الهلال ينتظره الكثير حتى يتأهل لمرحلة المجموعات.
متاريس
بكرة نرجع نكتب ان شاءالله عن التفاصيل .. قلنا في البداية نكتب بصورة عامة عن المباراة.
هنالك عناصر في الهلال يجب الكتابة عنهم.
ناس المريخ قالوا جهزوا رئيسهم الجديد للمريخ بعد مباراة الاياب امام الاهلي الليبي.
رئيسهم جاهز.
ديل كل خميس عندهم رئيس جديد.
تتخيلوا سوداكال كان ما لاقى ليه رئيس ينزل ضده في الانتخابات وفاز بالتزكية.. هسع المريخ بقى فيه ثلاثة رؤساء.
نحن عبرنا .. انتوا شيلوا شيلتكم.
الاهلاوية في ليبيا ناويين عليكم.
ديل جهزوا (حكمهم) وما كضبوا واعلنوا عنه في الاستديو التحليلي.
……..
ترس اخير : مغربت.

انقر هنا لقراءة الخبر من مصدره.