محمد الطيب الأمين تشوفهم لابسين البدل والقمصان تقول عاملين للرياضة حاجة !! * أطلق الإتحاد العام لكرة القدم مبادرة. * غايتو نحن السودانيين بنعرف للمبادرات دي عرفة جد. * عندو موهبة في حاجتين أتنين. * تكوين اللجان وإطلاق المبادرات. * دي بس شغلتنا في الدنيا دي. * نكون لجان ونعمل مبادرات. مبادرة الإتحاد العام لإعادة تأهيل ملاعب السودان. * المبادرة تشمل ملعب الهلال والمريخ وشيكان. * سموها (معاً من أجل الوطن). * بشكل عام تبدو المبادرة جيدة. * جيدو لكن ده ما وقتها. * ولا في زول فاضي ليك لتعمير إستاد في الوقت الراهن. * سندعم هذه المبادرة ولكن بعد نهاية المجموعات إن شاء الله. * بعد المجموعات يمكن فتح ملف المبادرة. * لكن الحين ما في طريقة. * كل زول يأكل نارو. * المبادرة القامت فجأة دي بالنسبة لينا معروفة الأهداف والأغراض. * الإتحاد العام لو عندو فلاحة خلي يعملها في إستاد الخرطوم. * دولارات الفيفا دي دخلوها إستاد الخرطوم. * الهلال بصير على نفسه. * المحاولات التي يقوم بها الإتحاد حتي يلعب المريخ في إستاد الهلال ما بتنفع. * السنة الفاتت لما المريخ رفض إستاد الهلال وجرى لكابتن محمود الخطيب وين كان معتصم جعفر ؟ * إستاد الهلال للهلال والمنتخب. * وعشان ما تقول ما عندنا وطنية بنقدم المنتخب على الهلال. * إذا كان الإتحاد العام حريص على الكرة السودانية عليه أن يلتفت لملعب إستاد الخرطوم. * والمدينة الرياضية. * ويبطل شغل الجوديات دي. * بلد كاملة ما فيها غير ملعب واحد مجاز. * ويجوك لابسين البدل وطالعين طيارة ونازلين من طيارة. * تشوفهم تقول عاملين للرياضة حاجة. * ويجوا يقول ليك معاً من أجل الوطن. * معتصم جعفر بيحلم في ليل الشتاء. * المهم. * على مجلس إدارة نادي الهلال أن لا يركز مع هذه الونسة. * إشتغلوا شغلكم. * شوفوا نواقص إستاد الهلال شنو وظبطوها. * وشوفوا قصة الإضاءة. * وقصة الكلام غير الموفق القالوا دكتور حسن علي عيسى. * موضوع المبادرة ده بعد المجموعات. * هسه لا في زمن ولا في قروش لمبادرات. * العندو ملعب يلعب. * والما عندو يشوف ليهو أي دولة شقيقه ويلعب فيها. * عشان ما تمسكوا بينا زمن ساکت. * ونحن ما ناقصين. * و.. و.. * والله في.