بابكر سلك قطاع المراحل السنية *نعيش فرحة الانتصار علي الجزائري *وندعو الناس للهدوء والبعد عن الاختلاف وتشتيت الجهود *وبرغم كل ذلك يتملكنا الحزن علي قطاع المراحل المريخية (المحلول) *جهد كبير لسنوات طويلة قام به البعض متطوعا ومتوشحا حب الكيان *ولاداعي لذكر خريجي ذلك القطاع *ولا لبطولاته *ولا لدوره المجتمعي الكبير داخل المجتمع المريخي *آخر فعاليات ذلك القطاع كانت دورة الحبيب الفقيد الكوارتي *التي اقيم نهائيها بملعب كوبر *دورة اقامها القطاع تخليدا لذكري الكوارتي وعرفانا له *والغريب في الامر *انه وبعد ساعة زمن من اسدال الستار علي الدورة صدر قرار اداري بحل القطاع وبله *حتي خطاب شكر لأعضاء القطاع بعد العمل زهاء تلطاشر سنة *لم يكلف القرار الاداري نفسه بكتابته *عدم تقدير كبير لجهد ناس شرفاء قدموا الكتير *نعم سنة الحياة وارده *ولا احتكاريه لاحد *لكن كمان من لايشكر الناس قصتو بتكون غريبة *والغريب ان هناك بعض الاصوات تقول *بان سبب الحل هو رحلة القطاع الخارجية *فكان القرار تمهيدا لاختيار من اراد اصحاب القرار مكافئتهم بالسفر *وان صدق هذا التوقع *علي الناس والاستقرار السلام *والشكر موصول لافراد القطاع(المبلول) فردا فردا *ولا نحصر الامر في اناس بعينهم *جميعهم *حتي سنادة المستقيل *ايها الناس *الحبيب امير دامر يعاني كما علمنا *نسأل الله له الشفاء *ونسأل اهل المريخ ان يعملوا لاجل توفير تكلفة علاجه بالخارج *وفاء لزول عطاء *ويا حبذا لو اتعملت لجنة سريعة تتولي هذا الامر *فأمر امير عسير لايتحمل التأخير *دعواتنا بعاجل الشفاء يا كابتن ياخلوق *المهم *انتصرنا *لكن دايرين شغل شديد *الناس كانت جيدة *بالذات الجزولي ومازن(حسب وجهة نظري) *وطبعا وجهة النظر الفنية هي المعتبره والمختصة *نحتاج الحفاظ علي الاصرار والروح والطموح *لنتأهل *ليست امامنا معضلة غير استهبال الزمالك *ان اجتزنا ذلك *سنجتاز المرحلة *حظنا كدة *مجموعتنا مافيها قطن *القطن الطبي *ولكن الحمد لله *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *احلام سعيدة بقت ولا بتجينا *تجينا كيف والنوم جافانا يا والينا سلك كهربا ننساك كيف والكلب قال نقول شنو بس؟؟؟ والي لقاء سلك
