الحضري وصل يا رجالة واللي سمع يكلم اللي ماسمعش والشاف يكلم اللي ماشافش، وصل الزعيم ونجم النجوم وحارس أفريقيا والقارات المجاورة ورقِّصني يا جدع، ويا عيني يا ليلي يا يايا لييييييييييييييلي.. وتعظيم للحارس الكبير.. الكبير ونجم النجوم.. نجوم.. عصام الحضري.. حضري.. إبن كفر البطيخ.. طيخ.. التاريخ 29 مايو 2012 قلت فيه يا كابتن حضري أنك حا تحسم موضوع انضمامك لتدريبات المريخ بعد نهاية مباراة المنتخب المصري مع منتخب أفريقيا الوسطى صح الكلام؟ صح يا بيه.. المنتخب المصري لعب في القاهرة وخسر المباراة في مفاجأة من العيار الثقيل صح الكلام؟ صح يا بيه طب ليه ما جيتش عشان تواصل مع فريقك المريخ.. ما أنت عارف يا بيه.. عارف إيه؟ عارف إني عندي طلبات لو ما اتنفذتش مش حا أواصل.. طلبات؟ طلبات زي إيه؟ إنت عارف يا بيه ومافيش داعي ننشر الكلام في وسائل الإعلام.. طيب طيب مش خدت فتر 15 يوماً علشان تلعب مباراة الإياب في بانقي عاصمة أفريقيا الوسطى؟ آه صح.. مش لعبت والمنتخب المصري طلع من الوصول لنهائيات أمم أفريقيا بجنوب أفريقيا؟ آه صح.. إيه هو اللي آه صح آه صح ليه ماجيتش السودان علشان تواصل مع المريخ التدريبات وتستعد للدوري والبطولة الأفريقية.. ما أنت عارف يا بيه.. برضه حايقولي انت عارف أنا عارف إيه عارف إيه قول ما تسكتش وما تفورش دمي أكتر من كده.. إنت عارف يا بيه ومافيش داعي للكلام ده.. إنت مجنون يا ابني عارف إيه ونيلة إيه ماتجننيش أحسن لك ده أنا ممكن أوديك في داهية وأتاويك في حتة الدبان الأزرق ما يعرفلكش طريق.. طيب اسأل جمال وهو يقولك.. جمال؟ جمال مين؟ هو في كم جمال يا باشا.. إنت قصدك علي.. آه علي.. ودخلوا إيه جمال إنك تنتظم وما تنتظمش.. إزاي يا باشا ده الكل في الكل المريخ كله ماشي مظبوظ علي ساعته.. إفتكرتك حاتقولي خالد شرف لأن هو المسؤول عن المال وجائز تكون عندك متأخرات مالية واللاّ حاجة.. مين خالد شرف ما اعرفوش بيشتغل ايه في المريخ.. بيشتغل؟ أعمل حساب لكلامك أحسن لك ده باشا برضه في المريخ.. باشا؟ مافيش غير باشا واحد في المريخ.. خالد شرف ده يا حضري اللي بيدفع الفلوس أمين الخزينة يعني.. مافيش حد بيدفع فلوس غير جمال الوالي ده زي ما قلت في واحدة من الفضائيات المصرية راجل مقتدر وبيدفع كتير أوي أوي.. أما الباشا خالد شرف ما أعرفوش جائز يكون من الموظفين اللي بيسلّموني الفلوس وهم كتير علشان كده ما مميزتوش.. أوع تقول الكلام ده لحد وخليه بيني وبينك.. خالد شرف ده رئيس مجلس إدارة ومدير عام وأمين مال حاجات كتيرة كده في المريخ ومع جمال على طول.. يا عم وإحنا مالنا خالد شرف.. خالد شرف.. أكتر من شهر يا حضري من آخر ماتش للمنتخب المصري وجاي وعايز تلعب على طول؟.. مافيش عقوبات مافيش خصومات مافيش إيقافات.. إنت إيه حكايتك بالضبط يا حضري في المريخ؟ أسأل خالد شرف.
