قال الحارس المصري السوداني الجنسية عصام الحضري في تصريحات صحفية بعد دفع المريخ للغرامة المالية (الوالي ماقصرش معاي) وإحنا بنقوله كمان يقصر الملح ياحبيبي ولا يقصر الوالي هو في رئيس في غشامة الوالي ماهو لو ماعملش كده مايبقاش الوالي ده إحنا يامعلم حضري عندنا رئيس تحفة ماجابتوش ولادة .. ده الرئيس الوحيد اللي طلع فاهم كل حاجة وبقية الرؤساء اللي لعبت في أنديتهم مش فاهمين أي حاجة من الاهلي المصري مرورا بسيون السويسري والاسماعيلي والزمالك المصريين .. صحيح هو رئيس تحفة وبيحب الأضواء وإنه يتقال عليه الوالي دفع الوالي قام الوالي جلس الوالي زعل الوالي جاب اللاعبين وبهدلهم ومسح بيهم الارض زي مابتقولوا عندكم .. مع إني والله ياحضري مااعرفش لغاية دلوقت إنت كنت مع المتبهدلين ولا المتفرجين علي المتبهدلين وإن كان الموضوع مش عايز مفهومية طالما أن المدرب سبب كارثة الخروج مش متبهدل أكيد الحارس مش متبهدل (مصريين مع بعض وكده) ماهو مش معقولة كمان يبهدل اللي ح يدفع بالنيابة عنه الغرامة بغض النظر إنه الفريق خرج من دور ال32 في سابقة ماحصلتش قريب مع حارس مرمي ده إنت ياعم من ماجيت وأخدت الجنسية وبقيت واحد مننا لسانك ماسكتش لحظة عن شكر الوالي وكل كلمة والتانية جمال الوالي طب ليه ده كله ماهو الراجل عمل الواجب وزيادة وإنت عارف وإحنا عارفين والأهلي عارف وسيون عارف مع إنك في واحدة من أكاذيبك قلت إن المريخ (أخيرا جاء إسم المريخ ده أنا حتي ياراجل قربت أنسي إسمه ) قلت إيه؟ قلت إنك ح تدفع 250الف دولار والمريخ ح يدفع 70الف دولار يعني الاجمالي 320ألف دولار . وفي نفس اليوم المواقع نشرت الحقيقة بتفاصيلها المرة .. موقع المصري اليوم قال (الاهلي تلقي 320ألف دولار من نادي المريخ السوداني الذي يلعب له الحضري حاليا وتلقي أيضا 506ألف دولار من نادي سيون السويسري ) ولم تقصر ياحضري صحيفة اليوم السابع المصرية اللي فقد أكدت ياحبيبي تاكيدا قاطعا أن وفدا من نادي المريخ الذي يلعب له الحارس حاليا قام بتسديد مبلغ 320ألف دولار نقدا للاهلي شفت إزاي نقدا مش أي كلام ده الوالي والأجر علي الله ده انت مش ليك حق تقول ماقصرش معاي ..لأنه أصلا مافيش حد بيعمل كده غير الوالي اما موقع يلا كورة فقد أورد تصريحا علي لسانك جاء فيه (تقدم حارس المريخ السوداني وقائد المنتخب المصري بالشكر لجمال الوالي رئيس نادي المريخ علي إنهاء القضية ومباشرة الموضوع بنفسه وأشار الموقع إلي أن نادي المريخ سدد 320ألف دولار) السؤال بتكدب ليه ده انت بتحب الكدب أوي ياعصام ده ياعم من ماجيت السودان وانت بتكدب مرة تقول مافيش حد يدفع حاجة لاإنت ولا المريخ وفي النهاية يطلع كدب في كدب وأخر كدبة قلتها إنك ح تدفع 250 ألف دولار والوالي اقصد المريخ ح يدفع 70ألف دولار ..وفي النهاية الوالي دفع كل المبلغ .. شفت (سفه) زي كده عمرك كله .. إنت ليك حق تقول (الوالي ماقصرش معاي) لأن طول عمرك مع الأهلي ماجبتش إسم حسن حمدي رئيس النادي علي لسانك عارف ليه لأن الأهلي مؤسسة والمريخ آخر بهدلة .. انت سعيد لأن اللي عمل هولك الراجل ماحدش عملوا قبل كده ولا حتي في بلدك لاالاسماعيلي ولا الزمالك ولا حتي إتحاد الكورة تخيل حتي الحكومة المصرية رفضت تحل مشكلتك وماقلتش إحنا محتاجينو في المنتخب وعلشان مصر الكل رفض لأنها غلطتك إلا جمال الوالي ده طلع أحن عليك من أبناء جلدتك .. بس إتأكد من حاجة إن إحنا مش حا نسيبو لغاية مايرحل .. إنت عارف ياحضري في حالتنا دي مفروض نقول يالهووووووي ... إيه الخيبة دي في حد يعمل كده اواصل hassan faroog [[email protected]]