"ميتا" تعزز فيسبوك بميزة الصور الشخصية المتحركة    الأردني التعمري يقود رين إلى هزيمة باريس سان جيرمان بثلاثية    د. سلمى سجلت نقطة لصالحها، إن تم قبول استقالتها ستخرج وقد رفعت الحرج عن نفسها    الأمم المتحدة تطلق التحذير تجاه أزمة السودان    (سبتكم أخضر ياأسياد)    الهلال يصارع لوبوبو لخطف بطاقة ربع النهائي    الشرطة في الخرطوم تنهي مغامرة متهم المستشفيات الخطير    من سلوى عثمان لهند صبري .. مشادات "اللوكيشن" تهدد دراما رمضان    نصائح صحية للاستعداد المبكر لرمضان    "الصحة العالمية": اعتماد لقاح فموي جديد لشلل الأطفال    علم النفس يوضح.. هكذا يتخذ أصحاب التفكير المفرط قراراتهم    أئمة يدعون إلى النار    الهلال السوداني يخوض مواجهة مصيرية في أبطال إفريقيا    موسيفيني يصدر توجيهًا لجهاز المخابرات بشأن السيارات السودانية    بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة    إتحاد جبل أولياء يكون اللجان العدلية    في مباراة مثيرة شهدت ضربتي جزاء وحالة طرد الأهلي يخسر أمام مويس بثنائية نظيفة في دوري شندي    النفط يستقر وسط خسائر أسبوعية والذهب والفضة ينتعشان    شاهد.. حسناء الفن السوداني "مونيكا" تشعل مواقع التواصل بجلسة تصوير جديدة    شاهد.. الفنان مأمون سوار الدهب بعد زواجه: (زارتني الملائكة)    "ميتا "تسجّل براءة اختراع لمحاكاة المستخدمين بعد وفاتهم    شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟    بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة    شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل)    من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء)    طلاب شرق دارفور يسيرون قافلة وطنية إلى جنوب كردفان برعاية والي شرق دارفور    ترتيبات لإعادة تشغيل مصنع ألبان بركات وإنشاء مزرعة لتربية الماشية    شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها)    تشغيل مصنع الاوكسجين بمستشفى الدبة المركزي    إبراهيم شقلاوي يكتب: مسرح ما بعد الحرب لدى يوسف عيدابي    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    ارتفاع في اسعار محصول الذرة واستقرار سعر السمسم بالقضارف أمس    إلغاء رحلة قطار إلى الخرطوم..إليكم تفاصيل    انطلاق دورة متخصصة لتطوير الأداء الرقمي برعاية وزير الشباب والرياضة    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



سودانيز زهايمر حكومة السودان الاليكترونية (13)


بسم الله الرحمن الرحيم

يفتح الستار علي خشبة مظلمة تماما ، بينما يسمع صوت من الخارج
الصوت : الواطة ضلمة مالا؟!..... وينك با ود عمي ... وينك يا بتاع السدود ؟... خليت المناصير يدعو علينا .... نحنا ناقصين.؟!
......ما كفانا دعوة الشعب علينا... قاطعين كهربا مالكم؟
( يصمت قليلا) شعب مزعج...هديتو حيلنا ....إتعلمنا " نكضب" عشان نرضيكم.... وبرضو ما عاجبكم.....شعب عنيد ..... شعب بليد
وديتو القروش وين يا عواليق؟..... أنطقو...
ده نحنا روحنا مرقت لغاية ما طلعنا ليكم " الزفت " ده.... وبرضو ما عاجبكم؟!.
مالكم ؟ مش ماكلين وشاربين وقاعدين تدشو؟
أجيبا ليكم بالواضح كدي :....
إنتو شعب كسلان ... وخملان .... وسجمان..... خسارة فيكم
النعمة.
خليكم في هبالاتكم دي.... طقو.... شعب ما بنفع فيهو الحسنة.
خالي ذاتو قال ...خلقتكم دي ما عجباه..... طوالي...أديتو الأوكي
عشان يصلح لينا الذرية الجاية...... دايرين عرب بس.
الشعب : ( بصوت واحد من الخارج) ونحنا وين نلقا حكومة زيك ....
ياحكومة؟.
جيهتينا ..... وريحتينا.....
دلعتينا....... ونعمتينا
نبذ... نبذ.....يا ريسنا
ولا يهمك .....
إنت فارسنا ...وإنت حارسنا.
الصوت : شكرا شعبي .....
قوي البغي.... ومعاها قوي الشر كانت طمعانة في خيراتكم
قلنا ننقذكم ..... ونكسب فيكم الأجر.
أخير نلهفها نحنا....بدل ما يلهفا الغربا.... ياهو .... زيتنا يبقي
في بيتنا ... واللا مش كدي؟
( يسمع صوت الشعب يبكي بصوت عال ).
(إضاءة رأسية 'SPOT' تظهر الجد جالسا علي كرسيه المتحرك ، خالفا قدميه ، ثم نري بعد قليل ، إضاءات رأسية أخري، تظهر الأحفاد علي كلا الجانبين تباعا وقد جلسوا علي مقاعد صغيرة خالفين أقدامهم أيضا ).
الجد : ( يتثآب ثم يتمطي بكسل) ياسلام ..... الحكومة دي دلعتنا دلع....
تكب علينا في القروش ساي...إشي دولارات .... وإشي عمارات ...وإشي حسناوات... والعلاج مجاني... والقراية بدوك عليها قروش.... والسوق رخييييص... بدوك كيلو اللحمة ومعاهو خروف هدية.
حفيد3: ( يتمطي بكسل ) أمبارح البلف حق الماسورة حقي إتحلج....لمن البترول إدفق بهناك ، وغرق لي الحوش.
الفتاة : ( تهز قدميها بعصبية) وما صلحته مالك ؟.
حفيد3 : وأصلحو مالي ؟ عوير واللا عوير... يجي الوالي يصلحو براه.
حفيد1 : ( يتثآب ) وأنا أمبارح خشيت أستحمي لقيت الدش بكب بترول برضو....( لجده)....شفت ياجدو الأملة اللي نحنا فيها .... بقينا تغيانين تغا!!.
حفيد2: ( يصلح من جلسته ثم يخلف قدميه بطريقة مستفزة) راحات ياجدو...راحات.
الجد : ( لحفيد2 ) كت وين ياولد إمبارح..... فقدناك ...ومالقيناك؟
حفيد2 : ( لجده) مشيت مع أولاد الحاجة التومة المستشفي
الجد : مستشفت شنو؟
حفيد2 : مستشفي الكلي...... أسكت ياجدو .... دي الحاجة التومة فرحت فرح....... بدل ما يغسلو ليها كليتها...غسلوها هي ذاتها.
الجد : ( بحزن ) ماتت ؟!.
حفيد2: ( يبكي ) ماتت! ..... الحاجة التومة ماتت ياجدو!!.
الجد : إنا لله وإنا إليه راجعون ..... يا حليلك يا حاجة التومة... إرتحتي من الهم والغم...(يصمت قليلا ثم يواصل) أكسجين مافي .... وغسيل كلي مافي ...وبكرة تاني شنو مافي.
حفيد3 : والسوق ماشي في زيادة ياجدو.... ونحنا الشباب...قاعدين عطالة ساكت.
الجد : ( لأحفاده ) شكلكم كده ما بتنفعو في شغل تاني ......بس فالحين تنضمو في الموبيلات: لوك...لوك..لوك.... الحكومة دي ما قصرت معاكم .... جابت ليكم نصيبكم ، كامل مكمل ، لحدي بيوتكم.... جابت ليكم الشغل وأبيتوه براكم.
حفيد3 : ( بغضب ) شغل شنو ده ياجدو؟.... عليك الله...أنا يا خريج هندسة ... أشتغل طلبة؟!.... أشيل مونة لقصر الوزير؟
حفيد 2: واللا أنا يا بتاع الاقتصاد .... أشتغل كناس في كافوري؟!.
الفتاة : هي شغلانة الطلبة والكناس دي وظايف يا جدو؟.
حفيد3: هسع كان قلنا ليهم : خلاص... شغلونا طلب وكناسين .. حيقولو لينا :...شغل مافي!!.
حفيد1: ( بزهق) يا ناس هووي ....أنا خلاص... حاشتغل حرامي.
الجد: (بانزعاج) حرامي وين ... في السوق؟
حفيد1: ( ببرود) لا..... حاشتغل حرامي مع الحكومة.... أستر
بسترهم...واتحصن بحصنهم.....والغف زيهم.. وبعدين .... أي
واحد يفتح خشمو.. أقول ليهو: أنا مع الحزب الرائد . (لجده ).... عليكم الله ... ما تلومونا بعد داك..... الحكومة عايزة كده.
الجد : ( ينهض من كرسيه غاضبا ثم يقطع وسط الخشبة جيئة وذهابا
.... هي خلاص بقت غلوتية ..... القصة واضحة وما دايرة ليها
كلام.
الحكومة فاسدة وما نافعة..... ولازم تتغير.
والمعارضة.... نضامة وسجمانة وضعيفة....وبرضو ... ما نافعة
....ولازم تتغير
والشعب ( يكظم غيظه) شعب ضعيف وجبان....
الطاقة الوحيدة الشغالة ..... هي الفساد..... سرطان...كل يوم
بنخر في عضمنا ونحنا قاعدين نتفرج.... طيب والحل ؟
حفيد1: ( يتقدم نحو جده ) يالبتر....
حفيد3: ( يفعل نفس الشئ) يالموت
الفتاة : هي فعلا غلوتية!! الحكومة ....راكبة راسا ... وما دايرة
النصيحة. وتقول : نحنا علي حق
والمعارضة ..... حلولها... كلام والسلام... وبرضو تقول : نحنا
علي حق.
والشعب..... وشو إتلحس من الذل والاهانة.... والخوفة والجبن
هدو حيله. وبرضو بتقرضم ويقول : نحنا علي حق.
حفيد2 : الحكومة ... بتغني علي الشعب
الفتاة : والمعارضة.....برضو بغنو علي الشعب
حفيد 3: والشعب ..... بغني علي الحكومة والمعارضة.
الجد : ( فجأة) وجدتها ..... الديموقراطية هي الحل
الجميع : ( يشيحون بأيدهم) عرفنا.......... وينا؟
الفتاة : ( بحماس ) العدالة هي الحل
الجميع : ( يشحيون بأيدهم ومعهم الجد ) عرفنا...... وينا؟
حفيد1: الحرية هي الحل
الجميع : عرفنا....... وينا ؟
حفيد3 : الكلام ده كلو دايرنو.... لازم نختو في دستور ونلتزم بيهو
الفتاة : لكين!!...... وينو الدستور ؟
( الجميع يبحثون في أرجاء الخشبة عن شئ ما )
الجد : ( وقد أعياه البحث ) خلاص .... كان ما في دستور.... أكتبو
براكم
حفيد1: دساتير جاهزة ما دايرين
حفيد2: نكتبو برانا .....
حفيد3 : كان ما بالحبر ..... نكتبو بالكركدي
الحفيد : ( يتلفت ) وينو القلم ؟
( شاشة مركز المعلومات تضئ وتظهر شريط المعلومات لنقرأ آيات من سورة القلم)
..... "بِسْمِ اللَّهِ الرَّحْمَنِ الرَّحِيمِ ن وَالْقَلَمِ وَمَا يَسْطُرُونَ * مَا أَنْتَ بِنِعْمَةِ رَبِّكَ بِمَجْنُونٍ * وَإِنَّ لَكَ لَأَجْرًا غَيْرَ مَمْنُونٍ * وَإِنَّكَ لَعَلى خُلُقٍ عَظِيمٍ * فَسَتُبْصِرُ وَيُبْصِرُونَ * بِأَيِّيكُمُ الْمَفْتُونُ * إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ"
( الجد وأحفاده يكملون السورة بصوت جماعي واحد وهم يدورون حول الخشبة).
"فَلَا تُطِعِ الْمُكَذِّبِينَ * وَدُّوا لَوْ تُدْهِنُ فَيُدْهِنُونَ * وَلَا تُطِعْ كُلَّ حَلَّافٍ مَهِينٍ * هَمَّازٍ مَشَّاءٍ بِنَمِيمٍ * مَنَّاعٍ لِلْخَيْرِ مُعْتَدٍ أَثِيمٍ * عُتُلٍّ بَعْدَ ذَلِكَ زَنِيمٍ * أَنْ كَانَ ذَا مَالٍ وَبَنِينَ * إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ * سَنَسِمُهُ عَلَى الْخُرْطُومِ "
( ستار ونواصل)
الدمازين في:2012/02/14
محمد عبد المجيد أمين(عمر براق )
[email protected]

انقر هنا لقراءة الخبر من مصدره.