شووت تو كل يا وصمة العار والكتل يا جوقة الدم والفجور يا حفنة القول القبيح يا زمرة المال الحرام والله ياك المتكتل ماتت ضمايركم بلا وازع – بل زاغ البصر طمست بصايركم - ترق كل الدماء الفكر طش والشوف طشاش- بقه مافى شوف ويا عمر بشكير كفاك .. نشفتنا .... وبين الخلوق كشفتنا طلعت عينا وعينا فى عينك تعاين وما بتشوف غير القريشات والح...م والشفتنه حرم حرام طلقت مليون مرة ما طلق هواك لو كنت بتشوف غير هواك كان شفتنا والتانى نايبك عنصرى وأكتر كمان من عنصرى كيفن تشوت من شان تو كل مقهور يدولب فى الحلال - يكدح يساسق متكل يمدغ مواجعو بلا أمل لقمة أكل – بنتل نتل شان لقمت العيش البقت فى رحمتك يا شووت تو كل قاموس جديد قاموس كلام فاحش غبى ما اتقال زمن من بعد ما جانى النبى وروانا من بحر الأدب - لا فرق بين الأعجمى وبين الأشد كفرا وحيف ولا يسخرن و ألونكن الطاليها زيف ما بتنفرق - يوم فى السراط عريان يقيف ياعار فى زمن الكساوى وعار من أدب الرسول فى صدفة الزمن الغشيم وفى غفلة الحال البتول واحد يشوت والتانى اقول قلة أدب كلمة عبيد والناس حشر طيب مدردر جارى وين من الحشر جعجاع وساكن فى قصر قصر الجبن بيك انجحر مجرورة جر غارات نبيح وسيوف عشر وعلى طلاق وفى جزمتى لا فضل بى لونك على يا ناسى الا باليقين والتقوى يافارس الخطب ما تختو فى النار الحطب سودانى طينتك منو طين ياجوقة الوطن الكسيح يا ثلة عاثت تستبيح طيبتنا فى الوطن السمح وطن اتنسج من حبنا ومن دمنا ومن الفة حاكت شملتو وطن الغريب قبل القريب وطن الحباب والناس أهل والعنقريب جيباك دبايوا سلام مراحب ويا حليل ومسكاقرو انشق نصين وانقسم – أسياد عبيد واتباع وطنا بلا ثمن غير الهروب من شينة العمل السواد – ناس شووت تو كل – ناس جيبو حى وين العدل يا أخوانا فى الزمن النتن أديه حقو قبل يجيك سيل الغلابة المنكجر ما انت حايش لقمتو وعاقد جحيمك عمتو وخازن حقوقو فى كرشتك ما انت حامية اليعيش حاكم براك والرحمة جيش والجيش تعب الجيش ولاد الهامش المغلوب – حشر وانت ياسيد الحشر – ضبان ضكر حشرات عديل؟ ماتخاف الهك يصحى فى ضميرك بشر من زول وحيد أدم أبوك هو أبو البشر تلعن ابوك كيفن تقوللو أبو الحشر ووين تنحشر يوم الحشر يوم كبريائك يندحر يوم العشيرة تفوت تمر توليك من أمرك دبر وسيف العشر يوميها مابسقيك نصر الكبرياء لله ياناس شوت تو كل والظالمة ان كتلت نفس زى كتلة الناس أجمعين والصالحة ان احيت نفس زى أحيت الناس أجمعين ماتنازعو ربنا فى صفاتو وتهلكوا لا تسب ولا تخليك بذئ لاتفحش القول العديل تهوى فصولا فى جهنم لو عليك ربك غضب والحرب ما كترت كلام والنصر ما قلة أدب ليزنن ويزينن ويزينن يوماا يجيك منقاد و معطون بالحقد والعنصرية رسن هواك سودانا محقون بالالم ياناس بقينا بشر بشر وبشر حشر وبشر عبيد والجو منتن بالحقد ما ان أوانك يا مدد الثورة يا العميان رمد واقفين صفوف من الغضب – نلعن زمان جابك غصب – وبالفقر صبرنا متعطب – راجين شنو فلنجمع اليوم الحشر عايزينها ثورة حشر ثورة غلابة و جائعين يا أيها الحشر اللعين ألثورة باتت فرض عين على الحشر وعلى البشر الا الخوالف هاهنا والقاعدين دعهم يصلون الخنوع لربهم رب الحشر.