عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. (1) قال لى جدى خير ما أُعطى حزب المؤتمر الوطنى عقل واعى يدير به شئون البلاد والعباد.قلت وإن عدمه؟قال سياسة رشيدة يكسب به ود الاخرين.فقلت وان عدمها؟ قال اخلاق فاضلة يعيش بها بين الناس.فقلت وأن عدمها؟قال زلزال قوى يريح العباد والبلاد منه.فقلت له ولكن ياجدى نحن ايضاً سوف نتضرر من الزلزال.فقال لن يكون أكثر ضرراً.من مضرة حزب المؤتمر الوطنى!! (2) زمان (بدرى شديد جداً)كان العرب الاصليون.والعرب الجد جد.وليس عرب هذه الايام.التى ترفض الاعتراف بعروبة أهل السودان.المهم أن اولئك العرب.كانوا يعتبرون اللبن مثل الماء لا يُباع..ثم جاء عرب عاربة وعرب مستعربة وعرب هاربة وعرب متصهينة وعرب متامركة.يبيعون لك اللبن.بعد التلاعب والغش فيه .فيضيفون له كثير من المواد الحافظة .والكبسولات. وخلافه.اما الماء فهو حرب بين الدول. (3) فى هذه الايام.رأيت حزب المؤتمر الوطنى يشغل نفسه بالاعداد والاستعداد لانتخابات 2020. وكأنه يعيش ابدا.ورأيت الشعب السودانى.يشغل نفسه بالحديث عن ميزانية عام الرمادة 2018وكأنه سيموت غدا.وكلاهما على خطأ.فالمؤتمر الوطنى يريد. والشعب يريد.والله يفعل مايريد.ومسولين من الخير ماذا يريد الشعب؟ (4) وساقنى لسانى المثير للاسئلة.فسألت احد طلاب جامعات هذا الزمان.والذى ولد ونشاء فى ظل من ثلاثة شعب.لا ظليل ولا يغنى من اللهب .وترعرع فى ظل ثورة الانقاذ الوطنى.الميمونة والمباركة.سالته عن كتاب واحد فقط.قراءه فغير مجرى حياته؟فقال لى شنو الكلام العجيب دا؟ومجرى شنو ياخال؟ثم ضحك ورمى السفة واشعل سيجارة حمراء.وقال (كتاب شنو ومجرى شنو.وتغير مجرى حياتك شنو؟وقراية شنو ياخال؟أنت لسع من زمن خرافات قراية الكتب والمجلات الثقافية والادبية.؟ومن زمن حصة المكتبة والمطالعة والتعبير والانشاء والحاجات دى؟)وكدت أنفجر من الغيظ. ولكن الصبر فى مثل هذه الظروف واجب مقدس.فقد صبرنا على حكومة الفقر الدمار.28عاما ويعنى شنو كان صبرت دقائق على كلام هذا الطلاب.؟وسألته ألم تسمع بقول الشاعر ابو الطيب المتنبئ الذى قال(اعز مكان سرج سابح وخير جليس فى الزمان كتاب)فضحك الطالب للمرة الثانية.وأطفأ السيجارة.وبلع حبوباً لا اعرف اسمها. وقال لى ابو الطيب دا منو ؟يعنى.لاعب كورة زى ميسى او الدون او هازار؟ولا ابو الطيب فنان زى الامبراظور ولا القيصر ولا البنادول ؟ثم واصل كلامه(غايتو اعز مكان عندى وعند اصحابى وقت نجلس مع ست الشاى ال...=وذكر لى اسم الدولة القادمة منها ست الشاى-=وخير جليس لنا الجلوس فى مواقع التواصل الاجتماعى وقروباتنا الكثيرة.وممكن ياخال نضيفك الى واحد من قروباتنا رايك شنو؟واما القراية فنحن قاعدين نقرأ فى اليوم ديلشيون من رسايل الواتساب والفيس بوك.وبرضو قاعدين نكتب رسايل) وسراً قلت ان شاء الله قاعد تكتب فى رسالة الماجتسير؟فقال لى الطالب قلت شنو ياخال؟فقلت ابداً ماقلت حاجة.ولكن انا داير اقول ليك شنو؟ .اختى عندها ولدين واحد مات والتانى جاهل وامى.أنت منو فيهم؟وقبل ان ينصرف الطالب من امامى قلت له أمة لا تقرأ.لن يضيرها ان يكون امبراطورها احمد الصادق وافراح شعبها . افراح عصام. وبنادولها احمد فتح الله!! (5) بسبب الصداء او الرطوبة يتم تغير سلاسل وقيود المساجين والاسرى.لانهم إستمروا الخضوع والاستسلام للسجان.ولو انهم إمتلكوا الارادة لثأروا وحطموا سلاسلهم وقيودهم..فمن يرد الحرية فعليه عدم الخضوع والخنوع والركوع لغير الله.واللهم فك اسر وحظر دكتور زهير السراج.والاستاذ عثمان شبونه.وعجل لهما بالنصر وبالفرج.وردهما سالمين غانمين الى القراء والمحبين.
