تغريدة واتساب بقلم : معاذ ابومؤيد شعارنا في القروبات لن ندعك تدفع وحدك ونتقاسم معك البناء القادم دورنا قبل الوالي الان وقت الجد،،،، الان وقت العمل،،، الان وقت البناء،،، الان وقت المشاركة،،، الان وقت التكاتف،،،، الان وقت الصحوة وتصحيح المسار،،، الان نكون او لانكون،،،، الان حس بطعم انك مريخي الان لابد من رفع الشعار المريخ مريخ الشعب والشعب هو الجمهور ونحن الجمهور ابتلت العروق وذهب الظماء رمضان بخيرو وقروباتنا بخيرها بي جنية تشارك وبي مليون بتشارك بالريال او بالدولار الجميع لابد يشارك الكل جرب الامتحان السابق والكل عاش الحرمان والفقر وبشتنة الكيان!!!! شارك حتى لاتتكرر التجربة شارك حتي يسعد ابناءك بفريق مؤسس،،، شارك بالقليل او الكثير المهم تشارك ولو ماعندك حمس الناس تشارك تاني ناس فرجة وتنظير مامعانا العايز الكيان يشارك والعايز شيل الحال يفوتنا غادي العايز فريق احلام يشارك والعايز فريق حالتو تغني عن السؤال يختانا العايز فريق يملا العين ويدفق يشارك ويدفع والعايز فريق تعباان ومتهالك يغاد قروباتنا القروبات حقت اخبار ودعم ماحقت تنظير وجوطة فقط شارك لو بالقليل حالة السودان كلو فقير ما انت براك شارك لو بالحماس والتفاعل لاتكن سلبي!! لاتكن صامت!! لاتكن متخازل!! ولاتكن منظراني!! اعكس كل الحاجات دي وحتكون مريخي متفاعل،،، المريخ يعاني والكل عارف السبب المريخ يعاني والكل زعلان طيب الحل شنو الحل في يدي ويدك في جيبي وجيبك في تفاعلي ومشاركتك الوالي ان عاد محتاج دعم محتاج دعاء محتاج الكلمة الطيبة نحن كجمهور استثمار كل ادارة نحن كجمهور برانا بطرب الدارة مامحتاجين فنان ولاعازف الحان صفقتنا براها تطرب كل الحضور البراهن علينا دايما بكسب والبعادينا ديمة خسران !!! البعادينا دي ليكم ياناس الطاسة الضائعة تحالف مين البتقول علية الجاب سيرة التحالف شنو!!!! جات مع البعادينا الكلام بتكتب براهو مع السيرة؟؟؟ قلتوا ماشين الفيفا لو محتاجين رقم محامي نحن حاضرين!!!!! وممكن نوصف ليكم الدرب!! مسك الختام النفرة علي الابواب والوالي علي الابواب والتحالف نجمو افل وغاب البحب الكيان يكشكش جيبو والعايز المريخ في القمة يكشكش جيبو المريخ يحتاج جميع المكونات المريخية الا من ابى !!!!!! ونحن علي المدرج ندعم ونشجع ونتفرج ودعمنا جااااااهز بس جيبوا لينا المجلس الجديد وتشجيعنا جاااااهز بس حددوا لينا تاريخ المباريات وفرجتنا جاهزه علي الناس الخطتهم راحت مع السراب ومع رمضان دا حاجاتهم كلها سراب سراب!!! كل زول يحرك قروبوا ويساعدنا بالدعم الايجابي همسة اخيرة الكل في حالة حراك والقروبات في حالة حراك وفي ذلك فلنتنافس جميعا والنهاية المستفيد المريخ الكيان لاتنتظر الوالي وكانه خزائن مفتوحة لاتنتظر الوالي وتتخيل انه الحل الوالي ممكن يكون شيك ضمان للجميع ونحن سنكون الكاش البحل ذلك الشيك علاقات الوالي + دعم قروباتنا+ صرف مغنن = مريخ لايحتاج الي جيب الرجل الواحد رسالتنا وصلتكم ياحلوين خارج النص نتمني بانتهاء الاسبوع وصول الاجانب واستقرار الجهاز الفني والاداري،،، وقبل دا كلوا ياسعادة الوزير عطش رمضان ماينسيك اصدار قرار التعيين!!!! الكل مترقب الان قرارتك الجماهير دي ماتتلم عليها كل الظروفعطش وسخانة وغبار وعدم كهرباء ووزارتكم تتم الطناش وتعمل رايحة!!! الرسالة الاخيرة ياصحيفة النادي خليكم مع الجماهير وقربوا علينا جاي دي اخر رسالة ليكم ساااااامعني يااستاذنا احمد محمد الحسن تغريدة مرورية وراء كل حادث مخالفة مرورية والموبايل يشكل نسبة كبيرة من الحوادث المرورية اصل واتصل اتصالك مهم لكن حياتك اهم لاتسرع فالموت اسرع الطريق ملك للجميع فلاتفتكر انه ملكك وحدك وتقعد تشتم في خلق الله،،، طول بالك من اجل عيالك تزكر دائما ان اسرتك وعيالك في انتظارك لاتدع رمضان وصيامك يخليك تتفشي في خلق الله كواريك القيادة فن وزوق وادب هذه اراء التغريدة اقبل منها ماتشاء وارفض منها ماشئت.. التغريدة تنقل نبض المدرج والقروبات وتقف في مسافة واحدة من الاحداث ،،،،، نحاول ان نلفت الانتباه لبعض الاحداث والنقاط بواقعية…….. التغريدة لن تخرج خارج نطاق المجتمع المريخي نهائيا الا ماندر نقد الذات يوصلنا الي الامام والي المنصات باذن الله ،،،،، ادعمونا بالنصح والارشاد وصححونا إن اخطاءنا في يوم من الايام،،،،،،،، ====================
