بسم الله الرحمن الرحيم في السلك ياسلام علي الصفوه رائعون انتم متفردون شوف 000 شوف 000شوف زي ما بقول المعلق الاماراتي كلما احرز الزعيم هدفا تظهر صورة ايداهور كلما احرزنا هدفا تهتف الصفوه ايداهور 0000 ايداهور 0000 ايداهور منتهي الوفاء تاني ياصفوه لما نحرز نهدف نمزج بين وفائنا لايداهو وفرحتنا بالهدف نهتف بالصوت العالي ايداقووووووووووووووووووووووووووووون شفتوا القون التالت ؟ النفطي ده نعمل ليهو شنو ؟ قلنا ليكم تشاد كلها جات تشوف النفطي لايف والله الباص اللعبو نجم الدين للباشا في الهدف الرابع اجعص صانع لعب ما يلعبو تسجيلات كده اها الجماعه جوا قال ليك من المطار العوه قامت شمطه زي الشمطه سادومبا وشو ماعاجبني تكون ياربي امو اتضايقت تاني ! امادو قالوا نزل في الطريق قصاد المشرع اصلو حاجتو قالوا حاسه شويه لقاء امبيلي مع الصدي وضح المستخبي والمامستخبي بنرجع ليهو انشاء الله بالمناسبه نادي البركل محتفل باليوبيل الذهبي يوم تسعه اربعه وهو نادي عريق وغنيااااااااااااااااااااااااااان مافي لاعب طالبوا مليم واحده مازي الجماعه وبمناسبة البركل دي تحياتي للدكتور جمال طه منصور طبعا جيمي اخصائي كبيييييييييييييييير ياجمال اي مولود بفرفر كتير يقع في ايدك رسلوا لينا في مسج نسجلوا في الزعيم ياروشا بعت ولا لسه ! بالمناسبه يا الرشيد ايا كان سبب وفاة الراحل ايداهو فهو لايتعارض مع الاسلام ممكن مسلمين كتاااااار يموتوا بنفس السبب المات بيهو ايداهو ايا كان السبب اسباب الموت لا تفرق بين مسلم وغير مسلم اها بعت ! يا اخوانا النفطي ده بعمل في شنو ؟ بالمناسبه طالما الملك مازال خارج الفورمه اقترح ان نهدي الكابتنيه للنفطي تكريما لابداعه نمره تلتين صعب عشان كده من زماااان الواحد يقول ليك تلاتين مره حذرتك تلاتين ساااي اها الجماعه طبعا بتناقشوا في السته مليار واحد يقول دفع التاني يقول مادفع الاول يقول قلت ليك دفع التاني يقول لو دفع ام امادو البمرضها شنو ! الاول يسكت يبقي صغيييييييييييييييييييييير اها الجماعه ديل حقو جيمي يدفع ليهم مباشرة لكن الخوف تبقي عليهم قصة ادم بشير قال ليك ادم بشير ده استاذ في مدرسة في الضهاري ساكن معاهو كم استاذ كده في المدرسه قصاد المدرسه في بيت عمك رضوان عمك رضوان مغندل شدييييييييييييييد اها قال ليك يوم ادم صدفه قابل عمك رضوان وعمك رضوان حلف طلاق آدم يتغدي معاهو ادم اليوم داك نسي طعم الطحنيه ضلع وشيه ونيه وهيلماااانه بعد اتغدي وشكر عمك رضوان عمك رضوان قال ليهو انت ساكن وين ؟ ادم قال ساكن معاي كم معلم كده في المدرسه عمك رضوان قال ليهو من الليله غداكم يومي في ديواني ده ادم فرح وكلم باقي المعلمين قالوا ليهو مابناكل في موائد الاغنياء ( حساده ساااااااي ) ادم بقي يومي يمشي يتغدي بعد شويه الموضوع دخلت فيهو دروس خصوصيه لاولاد عمك رضوان آخر الشهر ظرف كبييييييييييير ظهر ادم قبض واستمرت الدروس والظروف تغيرت ظروف ادم وسمن ولونو فتح يوم العصر قشر واتعطر ومارق المعلمين كوركوا ليهو يا ادم بشيييييييييير 0000 يا ادم بشيييييييييييييييييييير جاهم راجع قال ليهم تاني ما اسمع زول يقول لي ادم بشير قالوا ليهو لييييييييييه ؟ قال ليهم بشير عمل لي شنو ؟ انا ادم رضوان اها انا خايف يوم نسمع ليلو امبيلي يقول ليك تاني مافي زول يقول لي ليلو امبيلي انا ليلو الوالي بعت يا الرشيد ولا لسه ! غايتو شهر سته الشاف البركل الغنيان سجل اتنين منكم ما كضب انتوا المعز جدد ! ولا لا جديد تحت الشمس ! اليومين دي لو داير تتكل ما بتلقي حيطه تتكل فيها الحيط كلها بوسترات المرشحين عديتم لقيت المرشحين اكتر من باقي الشعب المامرشحين بس انا وحسن محجوب ونميري شلبي تاني اي زول مرشح انشاء الله يا بركة الله اي زول اترشح يفوز عشان نشوف البرلمان ده بشيلكم كيف معقوله مرشحين اكتر من الجمهور الدخل هلال وآفريكا اسبورت يا الرشيد حركه بعت ولا لسه عامل حركات ! بيع ياراجل واستفيييييييييييييد الرزق بحب الخفيه بكره يعملوها جماهيريه ما تعرف توديها وين بيع ياراجل بره وجع راس بيع وتمن البيع ادعم بيهو ناسك واكتب عندهم الدقيقه اربعه من الشوط التاني انا طلعت من الكوره البيعه دي ما تفوتني حقي بره ياروشا سلك كهربا ننساااااااااااااااااااااااااااك ! انت بتتنسي ! والي لقاء سلك babikir maki [[email protected]]