يناير 2021 @@@@@@@@ آ كتاحة الصيف اب سموم صمتك على الخبز العنيد خلتنا نستلف السكات شان طفلة امها في الدروب ساساقا كايسة الإحترام ختتنا في قلب الزحام خانقانا بي كممين سؤال للكايس التصفيقة فوق دم الجياع؛ تنساهو كيفن دمنا ؟ وتربنا حمرا من النجيع البيهو عود بذرتنا عانقت الشموس؟ ناسي الهجير المنو يبست نبتة الزقوم قريب وطارت بومة الشوم الحرام؟ ما الشال دليلك قبل يوم قادر يقلك من سبات ويحيل كوابيسك سراب. قبلك مجربة خيل غناوينا أم هتاف نزعت حناجير الضلام من جوف لعينك يا رخم زغرودة في عز الضهر عبت عروقنا من الحياة كنست بلاويك يا بجم ما البقرا من نفس الكتاب لابد تتمزق دواخلو من الندم ونحنا قصاصين أتر اب شوك ننبلوا في الصقيعة نجاودو بالبشم المضبب آ سجم، لامن يقر بالشعب حق وتغادرو للأبد الأنا خشيمو ينكال بالتراب يرقد دريش ونرقد قنا ندولقو بي طعم الرماد لامن يبق منو الحلق وتسقط موزاينو المطففة بالحرام ، لا حيلة لا ذوق لا فهم كائن غريب منسول عدم قبالك القلبو الفرو سقنالن الدوبيت رقل، والشالو مننا بسمة الشفع بليل جبناهو حمرة عين حليبن بالضحى، والشلت من فاها الحلم و حفت ضفايرا من ثكل! ما تكوفتت من بعدو حول جبنالا رضوة وفال نصاح للكان سلب من جوفا احلام الصباح، ساقته ليى حبل المشانق فعلتو بالحق وبالقانون لزم زيو زي إبليس مستف ليى جهنم طاشي باريهو الوهم عشان جرب يبيع الللمي للحفرو البحر سادة النضم اهل الرواكيب المكوجة بالعشم
