بسم الله الرحمن الرحيم في السلك ومان اصدر الاتحاد العام عقوبة في حق فاروق جبره بموجبها تم ايقاف اللاعب فاروق جبره برغم ان تلك العقوبه قد عجلت باعتزال الموهبه فاروق جبره الا ان هذا ليس موضوعنا الموضوع اصر الاتحاد في شخص شداد ان يستوف فاروق العقوبه لم تشفع موهبة فاروق ولامكانة اللاعب فاروق ولا ماقدمه فاروق للكره السودانيه شداد قال قانون يعني قانون لاكبير علي القانون مافيش استثناء لجبره اطلاقا قانون كهيه صبر فاروق وصبر مجلس المريخ وصبر الصفوه اها في يوم من الايام قام السيد الرئيس بزياره لاستاد المريخ متفقدا النهضه العمرانيه الحديثه احتشدت الصفوه الكل كان يأمل في تدخل الرئيس والغاء عقوبة جبره او علي الاقل الاكتفاء بماقضاه جبره من عقوبه واعتلي السيد الرئيس المنصه خاطب الجمع وصفق الناس وابدي السيد الرئيس اعجابه بماتم من انجاز وهتفت الصفوه جبره جبره جبره سكت الرئيس عن الكلام المباح حتي صمتت الصفوه فقال الرئيس فيما معناه انا عارف شوقكم لعودة جبره الي الملاعب وقال بالحرف مابتدخل في الموضوع ده الموضوع ده عند شداد ونحنا يا اخوانا ما بنريس ونتيس الخبر وقع حزينا علي الصفوه ولكن الصفوه احترمت الرئيس الذي لايريس ويتيس واكمل جبره العقوبه واعتزل اليومين دي بعد قرار السيد الوزير بعدم الاستثناء ناس كتار بقيادة الاتحاد العام فكروا في ان يطلبوا من الرئيس التدخل لاستثناء شداد ياناس الرئيس ياهو نفس الرئيس مابريس ويتيس وطالما الريس ريس السيد الوزير يبقي قرار الوزير يمشي وزي ماجبره قبل بتطبيق القانون عليه دون استثناء يجب علي شداد والحواريين ان يقبلوا بتطبيق القانون دون استثناء خلاص البقت بقت قانون كهيه ممكن الوزير يعين شداد مستشارا له الوزاره ما يجيها لو في شئ بالتلفون بس مستشار رأيه غير ملزم اقول ليكم شداد يتجنس ياخد جنسية اي دوله ويمشي يعمل سمايه هناك يغير اسمو ويجينا يطلب التجنيس نجنسوا بعد داك يحق ليهو رئاسة الاتحاد لفترات جديده زول جديد باسم جديد ومجنس جديد جنسيتو حاااااره لان الزول اول مايستلم جنسيته تكون له جميع حقوق المواطن ده موش كلامكم لما قامت مشكلة المجنسين ؟ المهم نحيا ونشوف اها بعض الاهله بكتبوا ساااااااي قالوا الهلال معسكر مع الاسماعيلي في 6 اكتوبر يعني الاسماعيلي ماقعد في الاسماعيليه عشان غير مناسبه للمعسكر وقالوا المريخ مشي الاسماعيليه الكعبه دي ياناس المعسكر الاعدادي يجب ان يكون بعيدا عن ارضك وده السبب البسفر الفرق للمعسكرات الاعداديه خالد عزالدين قال رادان يطالب بمعاقبة وارقو لعدم الانضباط واعلام المريخ يطالب بمعاقبة رادان لعدم الانضباط موش قلت ليكم بكتبوا ساااااي ! رادان شنو ياخالد ! انت من زمن رادان ماشفت المريخ ! بتكتب ساااااي كاربوني يا خالد ياعزالدين قال حركه وطنيه قال قلت ليكم بكتبوا سااااي المهم رتبوا مخزن شندي قالوا في بضاعه اسمها روبن جايبنها المخزن مع روبن مش حاتقدر تغمض عينيك اذا شداد مشي وتغير اسلوب التسجيلات ياكه السكنت في المخزن ياروبن روبن في المخازن حاتصوفن قال لي لعبنا ضد الجونه قلت ليهو بركه السنه دي الجوكم السنه الفاتت ابو يجيوكم وقلتوا المباراه اتلغت لدواعي امنيه امنيه بالا ؟ امس جات هزه ارضيه بسيطه الجماعه تمنوا ان تصل الي اعلي الدرجات عشان الطابق التاني وحوض السباحه انتوا في الزلزال مابتتذكروا الموت ! حساده عينه المهم هولندا مرتين وصلت النهائي وطلعت ساااااي التالته واقعه الاخطبوط بول قال هولندا ماتفرحوا ساي التالته واقعه دي حسب قوانين الفيفا للمنتخبات فقط ما للانديه موووووووووووووووووووووووووووتوا سلك كهربا المويه تاني قامت علي حركاتها وكمان جابت ليه ريحه والي لقاء سلك babikir maki [[email protected]]