بسم الله الرحمن الرحيم في السلك • ايه الروعه دي • ايه العظمه دي • استبسال • رجال مثلوا البلد خير تمثيل • اناقه • زي جميل • في زمن جميل • احمر بالاسود • والمدرب بدله سوداء وربطة العنق حمراء • انسجام وتناغم • رجال كالاسود الضاريه • اخبروا الدنيا • باننا هنا • نحن الكبار • وان غبنا سنين • لن يطول الغياب • جينا يا افريقيا • لموقعنا الصداري • وسع وسع اسياده جو هيييييييييييي • ما اروعه يوم • ومااروعها انتصارات • منتخبات وطنيه تأتي بانجازين في نفس اليوم • ايه الكراع الخضراء دي يا معتصم ! • ويا سيدي الوزير • ويا اخي رئيس الجمهوريه المنتخب • غانا العالميه • عالميه علي منو ؟ • جدودنا زمان وصونا علي الوطن • وغانا عرفت حاجه • وغانا آمنت بكلام جدودنا القالوهوا زماااااان • مرفعينين ضبلان وهازل شقوا بطن الاسد المنازل • تقول لي انفصال • انفصال وين يا حبه • نحنا يا دوب اتلمينا • وجاين للعالم في كل المجالات • وياشعبا لهبك ثوريتك • ياهو ده مرادك وكاس العالم في نيتك • ديل اولادك • ديل • امجادك • ونيلك هيلك • وكل الفرح الجاي هيلك • نحمدك يارب • تقول لي استفتاء • الكل امس تعانق في محبه • جون حاضن احمد • والنور طابق ملوال • والكل بيغني • سا 000 سا 000 سا 000 سودانا • وخلونا نغني لآخر يوم في الدنيا • تقول لي انفصال ! • يعني لو حصل الانفصال لاقدر الله الكلاكله الوحده دي نسميها الكلاكله القسمه ولا شنو ؟ • ما اعظم هذا الوطن واحدا متوحدا متوشحا بشعار مرفعينين ضبلان وهازل شقوا بطن الاسد المنازل • اعجاب بجميع الابطال دون فرز • كلهم ادوا التحيه • ورفعوا التمام بشباك نقيه • مبروك يا اولاد • وللامام • عشان يوسع ماعون الغنا • ونشدوا كلنا مع بعضنا • عشان بتوحد عشقنا • انت وانا • نغني لي وطن واحد بلمنا • ولي قدام • كلنا نهتف • سا00 سا000 سا 000 سودانا • وسا 000 سا 000 سا 000 سلك • وسا000 سا000 سا000 قسم خالد ومامون ابو شيبه وجعفر سليمان • وسا 000 سا000 سا 000 مزمل و خالد عزالدين ومحمد عبدالماجد • وسا000 سا0000 سا000 قمر الموردابي وكل الوسط الرياضي • سا 000 سا000 سا000 كل الجمهور الرياضي • وما احلاه هتاف عندما تتوحد الوان الطيف • اها • مصر اتغلبت امس من النيجر • ابراهيم حجازي • برضوا الشرطه النيجريه ما حمكتكم • وقفلوكم في مطعم الساحه • والاستاد (ضيأ ) • والجمهور حوش • وسكوكم بالتكتوك ! • ساكت مالك ياحجازي ! • والجزائر اتغلبت • مافيش كبير غيرنا • عشره عشره الفين وعشره عشره علي عشره سلك كهربا نحنا في حلم ولا في علم ! والي لقاء سلك babikir maki [[email protected]]
