بسم الله الرحمن الرحيم في السلك • وعد الحر دين عليه • امس قلت ليكم عمودي بكره اسمو ساكواها سكاها سواها والمعز مالقاها • وبحمد الله نفذت الوعد • وسا سا سا • ساكواها • بالمناسبه • ساكواها ابوهو وزير • يعني جات من اتير لي ود الوزير غلب بيها تيم البرير • والبرير كراعو حمراء معانا • انشاء الله يفوز تاني • وسا سا سا • ساكواها • مباراه للتأريخ • بدون جمهور • وبدون جمهور دي اسمها طالعني الخلا • تاني تجي الخلا ؟ • وسا سا سا • ساكواها • مبروك للاهله • فريق متواضع زي فريقهم ده • ويطلع مغلوب واحد بس • مفروض يفرح • ومفروض البرير يديكم الحافز • وسا سا سا • سواها • اتمني ان تراجعوا حالات التسلل في الشوطين التي احتسبها رجل الخط وليد • عشان تعرفوا حاجه • وسا سا سا • ساكواها • ساكواها حالتو مامسرح • يعني الزول ده لو مسك ليهو مشط وسرح شعرو ده كان عمل شنو !!!! • ساكواها ضرب الزاويا • القذافي اسبوعين ماقادر يضرب الزاويه • ساكواها الشفت • جاتو من فوق جابها بي تحت • وسا سا سا • ساكواها • شفتو عزو لما مرق بره الخط • مره بي كراعو • ومره بي يدو • دي اسمها زنقه زنقه • وبتاعت اتير ديك • الجات لي ساكواها • اسمها دار دار • والناس القفلوا تلفوناتهم وقفلوا بيوتهم عليهم • اسمها بيت بيت • وسا سا سا • ساكواها • علاء الدين عليه كرت اصفر • ارتكب مخالفه في الشوط التاني براها تستحق الاحمر • كانت مع قلق • لكن الفاضل طلع راجل فاضل • ورفض الطرد • برغم ان كرت علاء ده التاني في مباراتين في الممتاز • يعني كل كوره بي كرت • بي كرت دي حلوه • يعني الحول بي زول • اتزولي • وسا سا سا • ساكواها • بين الشوطين جابو دعايات • الصوره زيوت ناشونال • حضرناها لما الدفار طار • والصوت كان اساسية ادريس • قلنا ليكم المابتعرف ماتدوها تغرف • وسا سا سا • ساكواها • لما سجلنا باسكال • سجلوا اتير • ضحكنا • قالوا البضحك شنو • ولما سجلنا ساكواها سجلو فيليكس • ضحكنا • قالوا البضحك شنو • سجلنا الحضري ضحكوا • قلنا ليهم اول مره نشوف زول بضحك علي روحو • المهم انكم عرفتوا كنا بنضحك ليه ؟ • وسا سا سا • سواها • الشعب اراد شباك الهلال • وقد كان • بعد كده الشعب يريد بطوله جويه • وحايكون باذن الله • اول مره في حياتي اشوف لي زول بمشي الحتانه من اول الموسم • سا سا سا • ساكواها • قون ساكواها من الحضري • لي اتير • لي ساكواها • للشبكه • يعني من المنتج للمستهلك • برضو فقدنا ايداهو • كان انتهت بدري • سته صفر • الجايه دايرنها بدون حكام • بس انتوا تعالوا سلك كهربا نصر في ذكراك جاء تقول لي ننساك ! والي لقاء سلك babikir maki [[email protected]]