بسم الله الرحمن الرحيم في السلك *ايها الناس *حقو قبل بداية الموسم يدوا الكاس للهلال *عشان نلعب موسم نزيه *ونضيف *وخالي من الكوارث التحكيميه *ده كلام ما معقول *هل يعقل ان يعرقل مدافع الاهلي مهاجم المريخ وانغا *ووانغا في مواجهة المرمي *ويصرفها الحكم الذي اتت به لجنة صلاح ليدير المباراه *يديرها عشان يديرها *انها حالة من الابجديات التحكيميه *وبكرة حا نسمع يخطئ ولا يظلم *ايها الناس *الخطأ الكتير ببقي ظلم مرير *ظلم سيؤدي لكارثه يتحدث عنها كل العالم *لاننا سكتنا علي الظلم كثيرا *بجهل وجهالة وتجاهل *ايها الناس *جماهير المريخ ختت صفوة في الدولاب *واعلنت من الامس انها شفوت *شفوت وبس *حتي نحمي حقوقنا وحقوق غيرنا *ايها الناس *تتذكروا اهلي شندي في الدورة الاولي لما هزم الهلال اتنين في ارضو *لما فتحوا راس رجل الخط علي اتنين *ماذا كانت عقوبة الهلال ؟؟؟ *تغيرر المباراه ضد الامل من الكاملين لمدني ؟؟ *هل كانت عقوبة علي الامل ام علي الهلال ؟؟؟ *وهل كان سبب تأجيل المباراه هو ذلك السبب المضحك *انو الشرطه مشغوله بالامتحانات وما بتقدر تغطي الكوره !!!!! *بساطه وفهم قليل *ايها الناس *ادوا الهلال الكاس قبل الموسم *خلونا نلعب موسم نضيف يؤدي الي تطور الكورة في البلد دي *تطورها بعيدا عن البطولات الزائفه *بعيدا عن الموازنات التي اقعدتنا عن التنافس الدولي *بعيدا عن كل ذلك حتي يخرج من يستفيد من تلك الاخطاء المزعومه *من محطة الصفر الدولي الكبير *المهم *الشوط الاول بدأ الارهاق ظاهرا علي ناسنا *وفي الشوط التاني *بعد تكرار وتكرر الاخطاء التحكيميه البدائيه *انتفض المريخ ولعب بروح المريخ *لانه لعب ضد التحكيم والمحرش والمحرشو واللجان الهلاميه *تلك الروح رفعت معدل الروح في المدرجات *وده البجيب ردة الفعل التي سنندم عليها كثيرا بعد وقوعها *فنحن في البلد دي اتعودنا ان نسكت علي الفعل *وننفعل في ردة الفعل *بعد خراب مالطا *ايها الناس *اردأ من التحكيم كان تراوري *ووجد تراوري فرصه مضمونه اذا مررها لاوانغا ومجدي *الا انه مارس انانيته وعدم مسؤليته *وهدف ضعيفه من زاويه ضيقه *هذا التراوي يا محسن يا يفهم يا يقعد بره *وعلو لو كان علولو الذي دفع الجماعه للخروج عن طورهم *اما المصري ايمن ده براهو *المهم *حكاية المرمي الشمالي معانا شنو ؟ *مات عنده ايداهو *اصيب عنده طمبل وكليتشي *وبلع رمضان عجب لسانه عنده *والآن جمال سالم *فهل المرمي الشمالي شمالي الهوي ام الصنيع ؟؟؟ *اللهم انصرنا علي التنجيم واقلب الصنع علي الصانع يا كريم *اللهم وكل من تسول له نفسه ظلم المريخ *سواء في الاروقه الاداريه او داخل الملعب *اللهم فرج خلقك عليه *ولا تهنيه اللهم في اولاده ولا في اهله *واجعله اللهم عبره للناس *وافضح سره وشرد ذهنه وقلل صبره *واجعل جهنم مثواه يا ارحم الراحمين *المهم *هلالابي زعلان لهزيمة اهلي شندي امس *قال لي انتوا صفر *قلت ليهو لو نحنا بي جوياتنا صفر *انتوا تحت الصفر !!!! *موسكو يا كافي البلا ؟؟ظ *من الليله حانقول لي التحت الصفر موسكو *موسكو شنو *سيبيريا *تحت تحت الصفر *وعندنا تلاته لاعبين في سيبيريا جايننا *واحد لاعب نص اشول *وبشه المدينه *وبكري حامد *عشان كده حقو ما يجروا كتير *يوفروا لياقتهم للفريق الفوق الصفر *حايجونا مجمدين من الفريق التحت الصفر *المهم *اسلام قالت لي يا بابا اشتري لي موبايل *ادينت واشتريت ليها موبايل *قالت لي شكرا يا بابا *اشتري لي حاجه تاني *اشتري لي كورة *قلت ليها يا بت اشتري ليك كورة انا الكاردينال *انا زول مفلس علي قدر حالي *ضحكت *البت دي خبيثه خلاس *ايها الشفوت *حماية حقوق المريخ علي عاتقكم *ناس يخطئ ديل ما بتضمنوا *طالما بخطئوا بالطريقه دي *يبقي ضمان معاهم نهي كرتا *ونحمي فريقنا بقدر الخطأ *في خطأ بستحق الاحتجاج *وفي خطأ بستحق الهتاف *وفي اخطاء تانيه حامياني *ايها الناس *نحمد الله علي سلامة جمال سالم *ونسأل الله ان يحمي النجم المؤمن الصلاي من العين ومن النفاثات والعقد *والغريبه جمال مصاب *والناس تؤشر للاسعاف ليسرع *والاسعاف واقف في مكانو *يا الجواهو ديل كانو نايمين *يا كانوا شغالين هايسات ومستنين الاسعاف يتم ويدفعوا للطراح حتي يتحركوا *ايها الناس *غلبنا لاهلي شندي قرب يكتل ناس كده *حايموتوا بغيظهم طالما خلف المريخ شفوت بعرفوا كيف يحموا الزعيم *ايها الناس *شفتوا حكم امس ده ؟؟؟ *شفتوا حكام امس ديل ؟؟؟؟ *من اين يأتي هؤلاء ؟؟؟؟؟ *من اين يأتينا هؤلاء الحكام ؟؟؟؟؟؟؟؟ *ايها الناس *ان تنصروا الله ينصركم *اها *نجي لي شمارات والي الخرتوم *يا والينا ما كلمتنا وما قلت لينا *العماره القامت في ميدان البوسته امدرمان يا والينا *المتنفس العملوا الانجليز لينا *الانجليز دايرننا نتنفس يا والينا *وحارمننا النفس اهالينا !!!! سلك كهربا ننساك كيف والنفس الطالع ونازل ده قامت مكانو عمارة والي لقاء