بسم الله الرحمن الرحيم في السلك *كسب هلال الابيض شكواه *وصعد مباشرة بذلك القرار للممتاز *مريخ كوستي سيلعب ضد اهلي عطبره بعد كسب النسور لشكواه *ونلاحظ ان الاندية التي كسبت الشكاوي هي *هلال مولانا احمد هارون *ونسور الشرطه السودانيه *حكومه والناس اهالي *وشكوي الخرطوم الوطني في صحة تسجيل سيدي بيه *والتي تحدث عنها محمدعبدالماجد *واثبتها برقم الايصال والاورنيك *لا اظن ان الخرطوم كسبها برقم انه وطني *ولكن لكل مقام مقال *المهم *بعد صدور القرار *صرح يوسف ابو حميد بان احتفالات مريخ كوستي مستمره ولن تتوقف *ياربي قاصد انو بعترف فقط بالنتائج الميدانيه الحقيقيه ؟؟؟ *وقاصد انو القرار خطأ وسيعود الحق لمريخ كوستي *ولاقاصد حاجه تانيه حامياني !!!!! *المهم *النسور الممتاز ما جديد عليها *والابيض الممتاز ما جديد عليها *فقد شاركت فيه من قبل بمريخها وبحقها *وحتي هلال الابيض اظنه قد مثل السودان في سيكافا من قبل *ليس المهم الصعود ولا طريقة الصعود *ولكن الاهم البقاء والتنافس الشريف والتطور *المهم *اتنين دسته مدربين هلاليين للقمه *مريخ ولا ديناصور اصلو *اسي ديل يوم الكورة بقعدوا وين ؟؟؟ *كنبة الاحتياطي ما بتشيلهم *حقوا يجيبوا ليهم بص الوالي *يوقفوهوا ليهم مع الخط *ويقعدوا فيهو كلهم *الفاتح النقر يسطح *لانو مسطح طوااااااالي *عاكف يقيف في الباب لانو اصغر واحد فيهم *شوقي وفوزي يقعدوا ورا *اصلهم من زمن بلعبوا بلعبوا ورا *والعشره القدام يخلوها لي ناس فطومه اختي *احتمال تعينكم في ظل التدخلات الصحفيه في التشكيله الهلاليه *ولا فطومه خلوها في كرسي السواق *اصلها سايقاكم براها *وكان راجي انفرد *وفطومه اختي قالت سجمي *ماتقولوا معاها سجمي *ابقوا رجال اركزوا *قولوا انا لله وانا اليه راجعون *فطومه حاتحضر موت عبله *اصلو عنتر مات *ايها الناس *جرنا للتفلتات مؤامرة فاشله *لان جماهيرنا علي درجة من الوعي والشفتنه *لاتحوجنا لتبصيرهم *نعرف كيف نحمي فريقنا *ونعرف كيف نستفز الاستفزاز زاتو *وبكل ادب *واشاعة جماهير المريخ تنوي تكسير استاد الهلال *دي مكنه ما بتقسم معانا *استاد الهلال ده يكسروا فيهو شنو ؟؟؟ *براهو مكسر *وداير ترموا القصه علينا *استادكم يشبه المناطق التي تأثرت باعادة التخطيط *ليس فيه من الجمال ما يجعل جماهير المريخ تحسده *ولكن الحاسدين ظاهرين *تتذكروا يام خليل ابراهيم *قالوا لاقاهم هلالابي في الشارع *قالوا ليهو الاذاعه وين *وصف ليهم استاد المريخ *في حقد اكتر من كده !!!! *ايها الاهله الشرفاء *اثبتوا *وتحملوا الهزيمه الجديده بصدور رحبه *ففريق تشكيلته تضعها الصحافه *وفي كنبته دستتين مدربين *وفي جعبته صفر دولي كبير *الهزيمه لازم تحمدو لازم تحمدو *ايها الناس *لاعب مشي ام دوم لي شيخ (.......) *الشيخ قال ليهو العلاج الا بعد كورة الخميس *صاحبنا رجع خشمو ملح ملح *استعينوا بالله يا نااااااااااس *غايتو مدربنكم الكتار ديل *قعدوهم في صيوان *البجي ماشي كلو *بشيل الفاتحه معاهم *الفاااااااتحه *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *واحد قلنا ليهو الدولار نزل يا اخينا *ضحك وقال لينا *الدولار ده تيوب ليس يا اهالينا *بترقع خارجي سريع ويودينا *قلنا ليهو وييين يودينا *هو لسه ما ودانا يا اخينا سلك كهربا ننساك كيف والدولار بنزل ليه ما في زول عارف ...زي اللستك ينزل فجأه . تيسسسسسسسسسس...ينزل ننزل ...يطلع ننزل ....ينزل ويطلع نتجهجه والي لقاء سلك [email protected]
