بسم الله الرحمن الرحيم في السلك *السنه دي سر الرقم تلاته معانا باتع شديد *اليوم ان شاء الله يتم تتويجنا بالبطوله التالته في هذا الموسم *ريسين غرقوا الممركب *فما بالك من اربعه وعشرين ريس واتنين صحفيين يضعوا التشكيله *مركب ابو الهل اليوم ستشبع غرق *الحتانه يا عمك *الاخوه الاهله الداير الجنازه يرجاها في الحتانه *كان وصلت السبلوقه بياكلها السمك *المهم *هذا موسم سر الرقم تلاته عندنا *سيكافا تلاته وحلالالالالالالاته *ادينا الهلال تلاته وحلالالالالالاته *شلنا سيكافا والسودان والممتاز دي التالته وحلالالالالالاته *سر الرقم تلاته *سر باتع شديد *ونضمن ذلك من واقع المقارنه بين الفريقين *ليس غرورا ولا طاؤوسيه *وليس اختيالا يغضب رب العباد *ولكن امكانات وامكانيات وقدرات واستقرار *ففريق جهازه الفني اربعه وعشرين مدرب *والراي فيهو زي الراي في السوق *كلو زول يقول الدايرو *وشلليات وكيمان *بالتأكيد لن يعرف كيف يصنع استراتيجية النصر *ايها الناس *اشاعة جماهير المريخ تخطط لتكسير اطلال الهلال *ده كلام فارغ *فاستاد الهلال مكسر براهو *مامحتاج زول يكسرو *لذا ما بتسمي بيهو الشفوت *ثم ان مسألة التفلتات الجماهيريه من البعض دي *حقو الناس تتعامل معاها بعقلانيه *برغم ما احدثه جمهور الهلال باستادنا *وبرغم موقف الشرطه الكان غغريب جدا وقتها *وبرغم فشل الاتحاد في تنفيذ العقوبه التي قررها علي الهلال *برغم كل ذلك *لن نأت بتصرف يحسب علينا تاريخيا *ويشين سمعتنا *ويجعلنا ضمن المتفلتين *ايها الناس *لا تستعجلوا النصر *ولا تنجرفوا خلف امور لا تسمن ولا تغني من جوع *نشجع بشفتنه وادب *لا للتفلتات *واشاعة جماهير المريخ تخطط لتكسير ماهو مكسر اساسا *الغرض منها الهروب من ثلاثيه جديده *وانهاء اللقاء قبل موعده علي اتنين *المهم *علي الشرطه يقع عبء كبح جماح من يتفلت *بس بدون فرز وخيار وفقوس وتعامل مختلف مع الجهات المختلفه *ولو سمعوا كلامي *في اتنين ضباط اعتادوا علي الدخول في انفعالات مع جماهير المريخ *ديل حقو ما يجوا احتراما لجماهير المريخ *ايها الناس *علي اللجنه المنظمه نظافة المنطقه حول الاستاد *فيها ما لايقل عن اربعه لوري طوب وكمينة كسار *والبهرب من اللقاء بلقي الطوب امامو *وممكن يتكرر ما حدث يوم كورتنا ضد المورده باستاد الهلال *حيث استعملت الجماهير الخارج الاستاد *والتي لم تكن طرفا في المباراه *استعملت الطوب في الاعتداء علي جماهير المريخ داخل الاستاد *ويومها ردت علها جماهير المريخ بتصرفها الراقي والمبدع *جدعوا ليهم جنيه جنيه *نرجوا نقل تلك المخلفات من حول الاستاد قبل وصول الجمهور *منطقه زاتها درابها كتير خلاص *ايها الشفوت *انه يومكم *ماتقصروا من مريخكم *ياناس *معقوله تنظر شكوي الخرطوم بعد قفل الموسم ؟؟؟؟؟؟ *منعول ابو المحاباه التي اقعدت كلو جميل في هذا الوطن ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا البطيخه الكانت حمراء بقت تحمر لينا *لا بنجي شايلنها لي الاودنا ولا عندنا ابو يجيبا لينا *بقينا بناكل بي عينينا يا والينا *ناكل لمن نشبع والمحيرنا من وين المخلفات بتجينا *هي جنس مخلفات الفينا سلك كهربا ننساك كيف والتالته واقعه والي لقاء سلك
