بسم الله الرحمن الرحيم في السلك *في المريخ ننعم بديمقراطية لاتجد مثيلا لها بامريكا زاتها *نادي المريخ ملتقي المريخاب *تجد فيه الحكومه والمعارضه *اي اعلامي مريخي ترحب به دار المريخ العامره *دون ادني تاثير لموقفه من المجلس او من المعارضه *فالباب يقابل جمال بالاحضان *ويقلد قريش بالاحضان *مزمل مرحب به في النادي *وابو عاقله اماسا يجد الاحترام والتقدير والترحيب *نادي المريخ مكان جميل يمارس فيه المريخاب الديمقراطيه باريحيه وراحه *عادل محمد نور كان يساند قريش يام الانتخابات *وعبدالوكيل كان يناصر الفريق طارق *تجدهما حتي اثناء الانتخابات معا *موده واحترام وانس *انها ديمقراطيتنا التي نفخر بها *اما في الهلال *النادي محرم علي المجلس *الراجل يجي *المراه زاتها كان مره التجي *وتغطية المعسكر محرمه علي اي صحفي تناصره الجماهير التي تحتل النادي وتحتجز البص *ومن صرح لهم المجلس بتغطية المعسكر *لم يسمح لهم فصيل النادي بالولوج الي النادي *ومتحرك روشا يتربص بفصيل المشاهد *وفصيل المشاهد لغم المنطقه حول النادي *وحركة عبدالواحد التي اسست فصيل المشاهد *ترفض الحوار *وفصيل الناطقه يخرج في البيانات التي تأجج الوضع اكثر *ومتحرك مولانا ماجد اسماعيل استلم معدات حربيه حديثه حسب ما وصلنا من انباء *فصيل روشا برر قرار منع الصحفيين الغير موالين من حضور مؤتمر الاعداد *برره بقوله انها ليست بدعه *وقبل كده فصيل عبدالواحد عملها *ومن جهه اخري *تدخل الحكماميد ودعوا الاطراف لحوار بالمنطقه الوسطي وهي دار النادي *فصيل عبدالواحد رحب بالفكره *اما فصيل روشا فرفض المبدأ تأسيسا علي عدة اسباب منها *ان دار النادي ليست منطقه وسطيه ففصيل عبدالواحد له فيها من العيون والاتباع مايهدد عملية الحوار *ان احتجاز اتباع عبدالواحد لبص فصيل روشا بالحوش يهدد سلامة وامن وبطارية ولساتك البص *سيما وهو بص مسلوخ *حيث سلخت منه صورة العقرب ومهند ومعز وعمر بخيت وخليفه *ان فصيل عبدالواحد لا يعترف بفصيل الناطقه وبالتالي لايرحب بوجوده في الحوار *ومعروف ان فصيل روشا وفصيل الناطقه هما في الاساس كانا يكونان معا حركة كردي كرداوي *المهم *فصائل الهلال المتناحره الغت الديمقراطية (ان وجدت ) في الهلال *واستعاضت عنها بدكتاتوريه للحركات المسلحه بالهلال *ففصيل عبدالواحد يسيطر علي النادي *وحركة كردي كرداوي بفصيليها فصيل روشا وفصيل الناطقه تسيطر علي مقاليد الحكم بالعاصمه *الجدير بالذكر ان حركة كردي كرداوي نقلت العاصمه الي شقه مؤجره *وشعب الهلال يعاني من ويلات المعارك والاعتراك *اطفال الهلال (مريخاب الغد ) في خطر داهم *وكثير من النسوة فقدن نون النسوة رعبا من الحال في الهلال *ايها الناس *شعب الهلال بتفرج *لكن صدقوني *اول قون في شباك الكاميروني في الدوري *سيثور شعب الهلال *سيأتيكم من غابات المدرجات *سيقضي علي الفصائل وعلي الفصل الفصائل زاتها *ويحرق ابو خاشكم كلكم ويحرق البص زاتو *ايها الناس *بعد الحاصل في الهلال ده كلو *ناس روشا وجعوا راسنا بعدم سفر ابراهومه وشمس الفلاح *مع العلم بانو الهلال كلو ماسافر لي اسي *غايتو ناس الامارات في المطار *لو الهلال سافر *وقالوا دي بعثة اليوناميد ما تزعلو *بعد كلو خمسه افارقه حتي يشوفوا ليهم سوداني *الخوف رابطة الهلال بالامارات ماتعرف اللاعبين *غايتو الا يسوقوا معاهم للمطار عمك قوقل *عشان يوريهم ده منو وده منو *ايها الناس *بتعرفوا زول في مجلس الهلال غير عماد الطيب والكاردينال ؟؟؟ *اين االبقيه ؟؟؟ *وهل فعلا معظمهم ينوي الاستقاله خوفا من غضب الجماهير والاقاله ؟؟؟؟ *وكتب روشا *الاسياد وعالم النجوم وبس والماعاجبو يمشي يغطي معسكر الارسنال *الم اقل لكم حركات الهلال المسلحه !!!!!! *غايتو انا لو محل طه بسخن *الزول ده بجي قريب رئيسا لفترة انتقاليه حتي تعود الحياه للهلال *فطومه وروشا عازمكم قهوه علي حسابي في نادي الهلال *متين حددوا انتوا ؟؟؟؟ *المهم *معسكرنا يسير تمام التمام *بكل تراحم وانسجام *وفدان اب سبعين بتاع جمال القطعوا لي بكري *خدر من جديد لي نزار *زوغ يا كاردينال *اب سبعين جيمي ده مية قطعة وبقوم تاني *العتبه قزاز والسلم نايلو في نالوي *هكذا يغني اخوتنا المصريون حيث نقيم معسكرنا عندهم *ايها الناس *ماخطته زميله عن شارع النيل مؤلم *مؤلم لان السواد الاعظم من ستات الشاي اجبرتهن الظروف علي السهر حتي الصباح *سهر مباح *ليوفرن لقمة عيش كريمه لكيمان من اللحم تخلت عنهم الدوله والدنيا *ياكلوا علي حسابهم *يقروا علي حسابهم *يتعالجوا علي حسابهم *ويموتوا علي حسابهم *واطلاق الوصف دون قيود كما فعلت الاستاذه التي نكن لها احتراماتنا *ما هو الا ظلم لمن طلبن العفه لتوفير القفه *شخصيا ارتاد شارع النيل *وبعد قريت المقال مشيت *طلبت واحد شاي بالنعناع *ست الشاي قالت لي النعناع كمل *قلت ليها عندو ليت ولا شنو *قالت لي شنو ؟؟ *قلت ليها كمل بدري *قالت لي ايوه *قلت ليها خلاص اديني شاي بي لبن *الله يكفينا شر اللبن *فاحضرت لي شاي بي لبن زي اللبن *شربت وحاسبتها وقلت ليها *بارك الله فيك وفي عملك واعانك علي رسالتك العظيمه *عذرا استاذتي سهير عبدالرحيم *اعلم ان ادبك وتأدبك يجبرانك علي افتراض الجميل في الناس *ولكن القلم احيانا يعجز عن التعبير *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *جدل كبير في تحريم ختان الاناث بالبرلمان *ونحن ننادي للمرأه بكل حقوق النسوان *وابسط حقوقها ان تعيش سليمه وفي امان *ان تعيش كريمه ان كانت ام او زوجه او اخت اخوان *وطالما نعيد شأننا للدين وماخابت دولة تحكم الشرع والاديان *يبقي نتخلي عن عاداتنا الفرعونيه الزمان *زيارة بحر شنو وجرتق منو وفرعون الختان سلك كهربا ننساك كيف والبرلمان ساوي العوه في ختان النسوان , دي دايره ليها خلاف كمان موش بتتفقوا سريع لرفع الدعم وتصفقوا كمان !!!اشمعني وكت بقت علي الختان كلو زول داير يعمل مان والي لقاء سلك [email protected]
