بسم الله الرحمن الرحيم في السلك *خيرا فعل السيد الوزير *زمان الوزير بستعمل مخصصاتو *من اجل المصلحه الخاصه *اسي الوزير استعمل سلطاتو *من اجل المصلحه العامه *فقرار تأجيل او تعليق استقالة الضباط الاربعه لنادي المريخ *قرار راعت فيه الوزاره المصلحه العامه *راعت فيه مصلحة الوطن *لان الوطن الآن له فرصة كبيره بالفوز ببطولة افريقيا *عن طريق المريخ *واستقرار المريخ هو اعداد جيد لنيل بطولة يستحقها المريخ الوطن والوطن المريخ *والقرار ايضا فيه انصاف للوالي *فرجل بذل كما بذل الوالي *يجب ان يكون ترجله عن جواده بتكريم كبير *ولا تكريم لجمال افضل من رفع كأس افريقيا في حضرته *الرجل يستحق ان يسجل اسمه باحرف من نور *لذا اعجبني قرار الوزير *قرار حكيم وقرار كبير *بس يفترض ان نكون كبارا بقدر القرار *يجب ان نساند المجلس بقوه *وان ندعمه بسخاء *ونفعل 2870 بشدة *وادروب يجهز لنا الحساب البنكي بالعمله الصعبه *لشفوت الخارج *وحساب بنكي لشفوت الداخل *شامي لي ريحة مطار *المهم *القرعه الافريقيه اوقعتنا مع الفرق الجزائريه التلاته *الجزائر بلد المليون شهيد *ان شاء الله حايبقوا مليون وتلاته شهيد *وانها فرصة طيبه للصعود *بالذات ومدرب حراسنا جزائري *يعني بخدم كتير في الحته دي *وفرصة التعود علي الاجواء في الجزائر كبيره *وامكانية الوصول لاسرار تلك الفرق كبيره *ايها الناس *صدقوني افكر في منو البقابلنا في دور الاربعه من المجموعه التانيه *والمجموعه التانيه فيها مازيمبي واتنين تطواني وسموحه المصري *بختك يا مازيمبي *زي الدخل مطعم وقال للجرسون *وعندك اتنين تطواني وواحد سموحه وصلحو *بالتاكيد مازيمبي سيتصدر مجموعته *عشان كده ما حايقابلنا في دور الاربعه *حايقابل وفاق سطيف تاني مجموعتنا *ونحنا حانقابل تاني المجموعه التانيه *وتاني المجموعه التانيه طبعا تطواني ساكت او سموحه *يعني وصلنا بحمد الله للنهائي *بس الخوف المجموعه التانيه ما يكون فيها تاني زاتو *يكون مازيمبي الاول والباقين كلهم طيش *لان مازيمبي هو الوحيد في المجموعه التانيه العندو بطوله افريقيه *وفي مجموعتنا نحنا ووفاق سطيف بس العندنا بطولات جويه *باقي مجموعتنا تطواني ساكت *قاعدين علي الحديده *لابطوله افريقيه ولا يحزنون *اباطهم والنجم *صفراب كبار *ايها الناس *غرزه بروف *بالتاكيد حدد احتياجاتو للتكميليه *ماعندنا غير ننفذها ليهو بالحرف الواحد *نجيب البقول غرزه جيبوهوا *ويترجل البقول غرزه يترجل *المصلحه العامه تقتضي ذلك *اربعه فرص لدينا *وغرزه عازل الناس عزل *تاني ما بنلقي مجموعات فيها خمسه تطواني *لازم نعمل بجد عشان نجيب الكاس *ايها الناس *كلمتكم وقلت ليكم *شامي لي ريحة مطار *بتعرف ريحة المطار يا محمد عبدالماجد ؟ *شميتها متين ؟؟؟ *بره جمب جاد مع امجاد يا حبيب *ايها الناس *قالوا الكاف في القرعه كا ن مجلس الناس علي تربيزتين *تربيزه فيها المريخ ومازيمبي ووفاق سطيف *وتربيزه فيها التطواني وسموحه والعالمه والاتحاد *جا ابو الهل قعد مع ناس مازيمبي والمريخ ووفاق سطيف *براحه الجرسون جاهو *قال ليهو هنا موش مطرحك *دولت خصوصي *دولت العندهم بطولات الكاف *ابو الهل قال ومطرحي وين ؟ *الجرسون قال ليهو انت مطرحك مع التطواني يا تطواني يا صفراني *ايها الناس *اعترف الصديق خالد عز الدين بماسورية فيصل موسي *وقبله اعترف روشا بالمواسير الاجنبيه *ولما نقول هيئة توفير المياه يزعلوا *فيصل الجوهره زي استاد الجوهره *وبصراحه *القرعه خدمت الاهله الشرفاء عندما اوقعتهم في مسار كي ام والفشنكات وسانغا *ولولا ذلك لكان الهلال اليوم في شوق للتطواني *لان كمية المواسير الفي الهلال تفتح مغلق فاتح علي ميدان عقرب *ايها الناس *غرزه كبير *نسمع كلامو عشان نمشي المطار *المهم *في ناس مشوا فحصوا *لقوا عندهم ضفر في الدم *وده علاجو بالكي *والنار تكون مولعه في كأس افريقيا *وفي شارع افريقيا يحصل الكي *المرض ده اسمو طيران الترجي *بكتل عديل كده *ومن اعراضو *ورم في النخره وزهج شديد *دخله ومرقه بدون سبب *غلاط من امو *الزول المصاب بداء طيران الترجي بغالط ضلو *وحمي بالليل ومشي حمام كتير بدون سبب وبي سبب *وعدم تصديق للواقع *الزول المصاب بداء الترجي *تلقاهو عينو في الحاجه وما بصدقها *عندنا جارنا اسمو عبدالله الزعيم جاهو المرض ده *فتح القناة التونسيه متأخر *لقي اعادة قون ضفر *قال ده القون الهنا *المذيع قال المريخ متقدم بهدف *قال ما قلت ليكم ده القون الهنا *قالوا ليهو لكن المريخ هنا كان لابس احمر *واسي لابس اخضر *قال عيب في الالوان ده القون الهنا *قام المذيع قال (دفر) ويقصد ضفر جاب القون *صاحبنا شات الكرسي قلع ضفرو *روشا *ايهما اسهل *يرجع المدينه للهلال *ولا يرجع السودان لما قبل الانفصال *قلت لي الكبري دايرو من وين لي وين ؟؟؟؟؟؟ *ايها الناس *نسير في طريق البطولة بثبات *والله العظيم شامي لي ريحة مطار *وجماعتنا شامين ليهم ريحة شمار *ريحة المطار مابعرفوها *شموها متين ؟؟؟؟ *ايها الناس *ودعت البلاد الشيخ الفقيه النضيف العارف بالله الشيخ ابو زيد *فخسرنا عالما ياما جاهد من اجل رفع راية التوحيد *وناضل كثيرا من اجل تصحيح العقيده واصحاح المفاهيم *اللهم اجعل قبره روضه من رياض الجنه يا رب العالمين *ايها الناس *ان تنصروا الله ينصركم *اها *نجي لي شمارات والي الخرتوم *معقوله يا والينا *طبيب معين رسمي لينا *يحول من الولايات للعاصمه والمدينه *مريضه ومديها تقرير طبي يوضح فيهو حالتها لينا *قال يا والينا *بتهم ال(البيشن ) المريضه بالتهاب بروستات يا والينا *اسلام بتي سألتني وقالت لي يابابا نحنا النساء البروستات بتجينا ؟؟؟ *قلت ليها زمان ابدا يا بتي لكن اسي كلو شئ جايز فينا *ممكن تجيك يا بتي زي ما نحنا الرجال بتجينا *قالت لي منو دي ؟؟؟ انا دي ؟؟؟؟بري بري بري *ضحكتوا البت علينا يا والينا *قرينا ادبي يا والينا *لكن بنعرف انو البروستات مخصصه لينا *لاقتك عربية جاز بي بلوتينها يا والينا سلك كهربا ننساك كيف والطبيب ماعارف المراه عندها بروستات ولا تيرموستات ,,,واتخرجي وخرجي واتبوبري والي لقاء سلك عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
