بسم الله الرحمن الرحيم في السلك الاخوه الاهله ما لحقو المشلعيب قالوا عف0000 وبمجرد ماسمعوا بالصفقات الضخمه في تسجيلات الزعيم مسكتهم ام هله هله لاحظوا ام هله هله دي بتشبه اهله كيف المهم كتب الرائع عبدالمولي مامعناه ان النجوم ما بالضروره ينجحوا والدليل ريال مدريد وختم عموده بعباره وضحت كل النوايا قال ياوالي الجاتك في مالك سامحتك نحنا يا عبدالمولي نحمدالله عندنا مال جاتنا فيهو وسامحتنا انتوا ماعندكم مال تجيكم وين عشان تسامحكم ! ودي تكتبها ازاي ياحسين ! رئيسنا شغال صامت ينور تلقي مكالمه رئيسكم ياعبدالمولي شغال هزاز ونغمه نغمه مزعجه زي التلفون الصيني يكورك ويزعج وينطط وبعد ده كلو تلقي مسد كول شن جاب لجاب هلالكم ياعبد المولي مقنع خلاص اقنع سولي يكسح واقنع صالح يرجع المورده واقنع الناس يوقعوا بالدين ومن القنبله اقنع ياعبدالمولي والرساله ايها الهلالي اقنع من خيرا فيها واحد قال لي الوالي بجيب القروش دي من وين ؟ قلت ليهو غريبه 000 القروش الماعند الوالي قالت للقروش العند الوالي انت بتجيبي الوالي ده من وين ؟ ياحاسدين غرامنا قالوا الوالي باع عشرين شاحنه عشان التسجيلات السؤال منو البقدر يشتري العشرين شاحنه ؟ العجب نزل الملعب اجروا مايرنو قالوا الحضري لو قبل الجنسيه السودانيه مابقدر يدخل مجلس الشعب المصري عليكم الله الحضري احسن ليهو يخش مجلس الشعب المصري ولا يدخل جنة المريخ السوداني ! بدوهو كم يعني في مجلس الشعب ؟ ياحضري ياولا 000 بص 000 تعالا اما اقولك 0000 ماتضيعش الفرصه ياضناااااي غايتو ياوالي يخت محنك المعز يفسخ عقدو 000 الحضري يتجنس و يسلخ جلدو حضري سوداني لكنه ليس بالحضري السوداني الاول في حضري في سوق امدرمان مقبل علي اغا اغا الجوار جورج مشرقي جورج مشرقي الجوار ميدان برمبل برمبل الخواجه ده مريخ ولا امم متحده ياناس ! انتوا لسه راجين القنبله ياعبدالمولي ! المريخ ضبط وربط علي سبيل المثال المشير نميري الفريق عبدالله حسن عيسي اللواء خالدحسن عباس وتستمر الرتب الي ان نصل الجندي نميري عبدالسلام حميده ( الدفاع الشعبي ) واسي جبنا مراااااابط طابور صفاااااااااااا ايييييييييينتباه تقدم بالشمال علي كاس افريقيا معتدل مارش شمال يمين شمال يمين والناس تتلمه وتصفق النسوان تزغرد واحدات يغنن عجبوني الليله جوا طبعا ( عجبوني ) ده الجمع مفردها عجب انتوا عشان القنبله تتفجر ادوها لاسامه التهاون قولوا ليهوا افتكر نفسك هاون واضربها الخوف تضرب فيهو ( وتصرج ) قالوا جيمي شايل ليهو اربعه جنسيات ممغنطه وجاااااهزه كامبوس تاني قام لجنو قالوا ماجاي عندك باقي ولا شنو ياكوتش ! الزول كان عندو باقي ادفع ليهو ياوالي ما يمشي يتونس بينا في البرازيل مرابط ده قالوا سباك بربط ماسورتين ماسورتين مع بعض يعني خمسه ربطات يكون حاور الهلال كلو وقال ليك قوي جنس قوة تديهو بونيه يدك توجعك عندو عضل في جضمو المشكله قنبلتك بقت هي المشكله ماعندك مامشكله مالاقي مامشكله تصرف براك مامشكله بس المشكله قنبلت لازم تفجره اقول ليك لحنها هااااي 000هااااي 00000هاااااي الله يرحمك يا الفاضل سعيد سلك كهربا فجرها 0000 فجرت 000فجرت 000فجرت والي لقاء
