يا البغله المباريه الخيل كفاك زليتنا... ارحل ياخ مليناك ومغسه مليتنا... قبل تنقذنا اريتك فى الوعر خليتنا... بعد ما كنا فوق روس الشعوب دليتنا... السودانى عزة نفسو كانت سيمتو... القاضى المهندس والبراشى بهيمتو... سنين حافظنو فى البلدان ورافعين قيمتو... لامن جيت تمهزلبو وهدمته قديمتو... قبيل عمتنا فوق راس العقال والتاج.... واسى وجوهنا اسود من رماد الصاج... حكمكن جوه حكم النازى والحجاج... وبره تقعدو بينات الاسوده نعاج.... مره يرسلولكن شافع استقبلكن... ومره يقولو ليكن شوفو مستقبلكن... بدل ها الزله ولا المصرى يستهبلكن... كان تتغتو بالستره وتقعدو قبلكن... كل الماضى حافظين فى الصدور اخبارو... فى الاكلونا فى الغشونا لفو ودارو... قبالك كتار حكمونا ظلمو وجارو... لكن حفظو للوطن العزيز مقدارو...