سودارس : شمار سعدية بت جبريل..بقلم: هاشم صديق

((وفي لوزان يكرم المرء أو يهان؟؟؟؟؟؟؟)) برشلونة يبتعد في الصدارة الشبيبة تشكو الشعب لمشاركة لاعب موقوف والي الخرطوم يوجه بتسهيل إجراءات الحجاج ويعد بالتواصل مع السلطات الاتحادية للنظر في تكلفة الحج الإدارة العامة للمرور تدفع بدوريات المرور لتوصيل طلاب الشهادة السودانية البنك الدولي : حرب إيران ستبطئ النمو وستكون لها تداعيات متسلسلة إعلام إيراني: نتنياهو يحاول عرقلة المفاوضات الأمريكية الإيرانية في باكستان وصول قوة عسكرية باكستانية إلى المملكة الدمازين تواجه اضطراباً في النقل العام بعد زيادات جديدة في أسعار الوقود مبادرة كيكل تفتح باب المصالحة بين الهوسا واللحويين بشريات جديدة للجالية السودانية بمصر تشكيل بيراميدز المتوقع لمواجهة المصري البورسعيدي الزمالك يقترب من حل أزمة القيد.. وإبراهيما نداى عقبة فى الطريق قصص حب فى كواليس التصوير.. حين تتحول الكاميرا إلى بداية علاقة حقيقية تارا عبود عن أصعب مشهد فى صحاب الأرض: نضال شعبنا الفلسطينى منحنى طاقة كم يحتاج جسمك من السكر يوميًا دون أن يضر صحتك؟ أنشيلوتي يفاجئ نيمار قبل شهرين من المونديال الصادق الرزيقي يكتب: هل انسلخ النور قبة ..؟ مذكرة رسمية بموقف حكومة السودان الرافض لمؤتمر برلين إلى وزارة الخارجية الألمانية غرفة المستوردين تنتقد زيادة الدولار الجمركي (9) مرات في أقل من عام كانتي.. (يا الزارعنك في الصريف) "كاف" يصدم نادي الهلال السوداني نادي النيل يلقن الجميع درساً في الوطنية ويؤكد انهم مؤسسة تتنفس حب الوطن الإمارات والبحرين توقعان اتفاقا لمقايضة الدرهم والدينار روضة الحاج: أنا أستحقُّ جمالَ هذا العفوِ أُشبهُه شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين حالة طبية صادمة.. عدوى غريبة تجعل امرأة تعطس ديدانا من أنفها! من الحب للحرب.. شاهد الحلقة قبل الأخيرة من القصة الكاملة لأزمة الفنانة إيمان الشريف واليوتيوبر "البرنس" شاهد بالصورة والفيديو.. فنانة "دلوكة" صاعدة تخطف الأضواء وتسحب البساط من كبار المطربات بالصورة.. في حادثة أليمة.. طالب سوداني بالإسكندرية يغدر بصديقه ويرميه من الطابق السابع الإتحاد الأفريقي "كاف" يصدر قراره في شكوى الهلال ضد نهضة بركان ويصدم جمهور الأزرق ضبط شبكة تزوير مُستندات مركبات في الخرطوم الموانئ السودانية تتلقى عرضًا من الهند إيران تؤكد.. سنسيطر على مضيق هرمز بذكاء وسندعم "محور المقاومة" البرهان يتفقد الشركة السودانية لتوزيع الكهرباء باحثون يطورون مستشعراً لكشف الالتهاب الرئوي عبر النفس شاهد بالصورة.. ارتفاع جنوني في أسعار "التمباك" بالسودان وساخرون: (السبب إغلاق مضيق هرمز وتأثيره سيكون عالمياً) البرهان يصدر توجيهًا بشأن ملف الكهرباء السودان.. القبض على 4 ضباط في عملية نوعية لمكافحة التهريب بالبحر الأحمر ضبط متهمين أجانب بحوزتهما أسلحة وذخائر ترامب عن إيران: ستموت حضارة بأكملها الليلة ولن تعود أبداً السودان..ترتيبات لتوفير مبالغ مالية لشراء محصول القمح قضية أثارت جدلاً.. براءة عصام صاصا من تهمة المشاجرة بملهى ليلي ضبط شبكة إجرامية خطيرة في الخرطوم بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل الأمن يداهم مخزن يبيع الوقود المهرب لعصابات التنقيب عن الذهب الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

شمار سعدية بت جبريل..بقلم: هاشم صديق

على السوداااان COLOR] نشر في سودانيات يوم 03 - 06 - 2012

[color=#B1B1B1](الفصل اﻷول)
- ناس البيت
هوووي يا ناس.
يا عشمانة.
يا إخﻼص.
بنات كلتوم
يا فوزية
كيف حالكن
مشتااااقيين
سﻼااام بالكوم
..........
جات سعدية
شايله شمار
معاهو »التُوم«
مشت شهرين
تَنَفِّس بتها
»الخمجانه«
في الخرتوم
تمام شهرين
بيوت الحله
ﻻ سمعت خبار
ﻻ شَمار
وﻻ قرقر ضحك
حلقوم.
وﻻ طقطق لبان
هيمان
في مُبْخر
بخور تيمان
وﻻ شالن حريم
فنجان
وسيرة زول
على قدوم.
ﻻ ضحكو الصغار
في حجوة
ﻻ سهروا الكبار
في حكوه
واتمحّن وطار
النوم.
......
نان سعدية
بت جبريل
كان عارفين؟!
رويحة الحِلة
والطلّة.
ﻻ قِدْمت
وﻻ هِمْلت
ﻻ مسخت
لخلق الله
ﻻ عِرْفَت
بيوت الحله
ليها متيل.
.....
كان غابت
تقول نامت
عيون القمره
أو ترتر
وفات النيل.
.......
هي المشاطه
والحنانه
والدﻻّكه
والدبّاره
والشمشاره
والسمساره.
والطهاره
بي موسا
ما خلت
في هذا الشان
لِبت في الحله
شي مطلوق.
......
هي الجهّازه
للعرسان
ما بتقعد عروس
في حُفره
لو سعدية
ما وقدت
طلح دخان.
هي ديمه الراس.
القيدومه.
دق الريحه.
ست الشوره
والطايوق.
مرسال النَقَص
للسوق
عَرَق الهِمّه
للحبان
خبيرة الخُمره
بي ميزان
لو شم العريس
عوسا
تسيل دمعاتو
ويتجرّس
تقول ولّع
عديل بمبان.
........
كان دقّت
إيدين سعديه
في التعليمه
دلوكه
تﻼقي النخله
تِتْفَنّس
وعودها يميل
تبوس سعفاتا
موج النيل.
وكان شالن
بنات الحله
غنوه معاها
تِتْقَطّع عديل
قمصان
ويتكشّف
ضهر شبان
يولول في الجلود
السوط
يرْكز في البُطان
عاشق
تزغرد ليهو
زولتو السمحه
»ست الفوت«
يفور عِشقو
ويقول
- يا سوط
اريدك موت
تهز فوقو اﻻيدين
طايرات
تولع نار
في وسط الدار
تَجِن زغرودة
من سعدية
ويتلهلب
غنا البنوت.
........
- ناس البيت
هوووي يا ناس.
يا عشمانه
يا فوزيه
يا إخﻼص
بنات كلتوم
كيف حالكن
مشتااااقين
سﻼااام بالكوم
...
إنفتحن
عيون البيت
وانجدعن
ايدين اﻻوضه
والراكوبه
واتسرّح
شَعَر ﻻلوبه
رجعت شابه
فاتا الشيب.
وركّت رشّه
فوق صفقات
شديرة الحنه
واتمسّح
غَباش الصنّه
واتجمّع
حمام الحله
واتراصص
تقول »قرقول«
صَدَح »قوقايو«
بي تهذيب
.....
- جات سعديه
- جات سعديه
.....
جَرَت عشمانه
لي سعديه
حفيانه
وجات إخﻼص
تَنَقِّز
زي وليد الريل
وطربانه.
ضحك قرقار
ودمع الشوق
نزل سرسار
وصار شَهَقى
السﻼم
دوبيت
...
- جات سعديه
- جات سعديه
....
سباليق البيوت
رفعت عديل
تعظيمها
بالترتيب.
وشوفو الشامه
بت كلتوم
وكت سمعت
سﻼم سعديه
- بالدهشه-
قدّ اﻹبره
اتغاتت
واتسمّر رويس
الخيت
وإتنخَجَت
تقول راجياله
بس هبشه
....
ومن بين إيدين
فوزيه بت كلتوم
وبالهجمه
كمان طارت
عديل كمشه.
ونُص السهله
»بت الريله«
إتنفَضَت
واتْنَفَشَت
وجات زغروده
إنبهلت
إتْقَسّم
ضِليل شَدَره
واتبسَّم
خشيم مُفراكه
في حَلة مُﻼح
خُدْره
واتشرشر
في نُص الطوه
واتْطاير
حنين الزيت.
.....
- جات سعديه
- جات سعديه
...
اتعنكش
في عود سعديه
كل الناس.
الشُفَع
حريم البيت
الجيران
تقول نخله
سبايط خيرها
إتدْلّت
وتِقلو خﻼص.
وهاك يا سﻼم
وهاك يا شوق
وهاك يا كﻼم
إتجمّع
في رمش العين
هوى اﻷرحام
واتجدّع
وطال الضُل
فَرش لي بِرشو
لي قِدّام
واتردّت
رويحة البيت
قلع توب زهجو
باﻻيدين
...
اتْفَرشت
في غمضة عين
عناقريب اﻷهل
صفين
وكم سجاده
كم بنبر.
ومن مبخر
مستّف
بي بخور تيمان
طلع صَفّق
سحاب دخان
واتحكّر
في نص تربيزه
جك ليمون
مندِّي قزازو
زي حتّل
دموع مكنون.
ووسط الرجّه
والضحكه
إتماسك تمام
الكون
صِبِح موزون.
....
جات قُراصه
بي دمعه
واتراجف
صحن لقمه
وكت دلقن
إيدين نعمه
عليهو مﻼح
نعيميه
واترصت
صحون الفول
تقول لمه
وبالفرحه
ضحك سرويس
وكت رَدَمَن
إيدين الشامه
بت كلتوم
تﻼت مرات
تل من نارو
طعميه
...
وهاك يا ونسه
يا قرقار
ويا سعديه
ست القعده
إنفتحي
تقول رادي
وهاك يا نشرة
الشهرين
من الخرتوم
جِنس أخبار؟!
تُوم وشمار
حتى الضُل
وقف شمشار
....
صواني تفوت
صواني تجي
قصص بالكوم
ضحك وحكي
ويا سعديه
ما خلت
نَفَس يتشال
وﻻ إيداً
تحك الراس
جِنِس قصصاً
تجيب هلواس
....
راس البيت
وقف مشطوب.
في عين النخله
كان الزير
خروف دبدوب
وبالهجمه
إنزلقن
من اﻻيدين
كبابي الشوب
واتلخبط
حمار مربوط
نهق في الخُلعه
بالمقلوب.
صهل
ضحك الحريم
كورس
وكت فرقع
تقول في الحته
نُص القصه
كان مكتوب.
.....
يا سعديه
هاك الرص
وراهو الرص
وتتجادع
حريم البيت
سؤال وسؤال
تقول دوبيت
....
- سجم خشمي
مسك إيدينها
جوه البص؟!
...
- أجي يا يمه؟!
كمان قلعن
عديل التوب؟!
....
- سجم أُماتن
الخايبات
شن راجيات؟!
...
- أخير واحسن
يقولن روووب
.....
- قلتي شنو؟!
واحدات شربن
عديل ال......
شنو؟!
الشيشه
وﻻّ حشيش؟!!
....
- سجم أمي
يا سعديه
قلتي الشي الورا
داك
سموهو برضو
شنو؟
الدِش؟!
...
يا سعديه
بت جبريل
تقول حاوي
اتحكرتي
شلتي الجو
حريم البيت
بضحكه طويله
سَوّن شوووو
وكت سعديه
إتفَنَست
وقالت
- أيّا
اسمو الدِش
وحاة الله
شفت بنيّه
نُص السوق
وبالفستان
تَقَلِّب ليها
في دِشّاً
تقول عتالي
شايل ليهو
قنطار عيش
جوه الخيش
...
ويا سعديه
بت جبريل
وكت كِتْر
الطَعِن في الضُل
إتعدلت
في نص الداره
زي ملْكه
وخَشّت توووش
عديل في الفيل
....
- هي يا يمه
نان ما نسيت
أقول ليكن
حكاية الزاكي
ود قنديل
- الزاكي منو؟
- ود قنديل
جار التوم
- التوم
راجل بتك
»الخمجانه«
في الخرتوم؟
- أيّا
...
وانعصرن
حريم البيت
على سعديه
جايى شمار
كبار مردوم
معاهو التُوم
وشِيهن رارا
لﻼخبار
...
يا سعديه
خُشي عديل
طَعِن في الفيل
....
- هو زول سمسار
قروشو كُتار
وخالو وزير
- سمسار سوق
وﻻّ بيوت؟!
- في شيتاً
ما بسمسر فيهو
ود قنديل؟!
من الخرفان
لحدي الخُرده
والعربية والتﻼجه
والدكان.
سواقي
لواري
طيارات.
بيوت للبيع
بيوت تأجير
حصين
وحمير
كمان أكشاك
تجارْة الشنطة
والتمباك.
جزم
قمصان
ورق
أقﻼم
كمان دخان.
....
وكت دقّت سديرها
الشامه
بت كلتوم
كمان
كل الحريم تبعوها
في ذا الشان
....
- سجم خشمي
سجم خشمي
وا خجيلتي
وا خجيلتي
يا نسوان
- كمان دخان؟!
....
سعديه غمزت
ليها
غمزه طَرَف
وزي حاوي
وبي حركة صوابْع
اﻹيد
سوّت ليها
ورقة لف
ومطّت للحروف
تبيان
- دخاااااان
ما دخااااان
فهمتن حسه
يا نسوان؟!
- سجم خشمي
حتى البنقو
باعو كمان؟!
- أصُبْرَن
أصُبْرَن
وقالوا الساترو
وساندو
خالو وفاهمو.
وسمعت شمار
قالوا استوردو
البمبان
.....
الشامة شهقت
وصوتها عشرق
والريله نَفّت
دموعها سالت
وفوزيه قَحّت.
عشمانة عطست.
....
وسعديه ضحكت
- سجمكن
مالكن حسه
يا نسوان؟!
شان قلت بس
بمبان؟!!
....
- وخالو وزير
- أيّا
مكنكش
في الكراسي عديل
ﻻ شالوهو
في تعديل
ﻻ نقلوهو
بره سفير.
ولو ساط البلد
بي حالها
ما سألوهو
من تفسير
- مساخْر الدنيا
في ناس ديل
- ناس مدفوره
يوت لي فوق
وناس بنيانها
درب السيل.
....
ويا سعديه
زيدي شمار
لسه الرادي
فيهو خبار
....
- أها اتذكرت
حاجة كمان
والله لو حجُّونا
ما بتدخل
عَقُل وأضان
...
اتفتحت
عيون شباك
وصَنُّو اتصّنتُو
البيبان
واتمدّت
إضين نسوان
ويا سعديه
اتشمرتي
واتحكرتي
واتمهلتي
واتوكلتي بالرحمن
شمارا الجاي
صنفو تقيل
عديل يكسر
رقيبة الفيل.
...
- قالو الزاكي
خَشّ عديل
يسمسر
في مقابْر البكري
وأحمد شرفي
وحمد النيل
...
في تربيزه
نص القعده
منّ الخلعه
انكسرت كبابي
الشُوب
وطارت ليك
صواني الشاي
وقعت رُب.
....
- عشان الموت
صبح بالكوم
وموت الجُمله
صار معلوم
ناس الزاكي
شان ما يبقوا
يوم في لوم
قالوا الناس
تقدم لي قَبُر
بدري
وما تْسهِّى
ويشيلك نوم
تخُت دمغات
في طلب التُربه
تدفع للحجز
ورسوم
ويدوك....
ويدوك....
شن سموها يا سعديه
بت جبريل
شن سموها يا سعديه
بت جبريل....
أيّا
»شهادة بحث«
مكان عايز.
تُرب فاروق
ود البكري
أحمد شرفي
حمد النيل
....
إنْقَلَدن
حريم البيت
وانفقعن
دموع وعويل
...
صوت النخله
بالمليان
زِعِل كورك
- يا نسوان
بدل تبكن
على الخرتوم
بدل تبكن
على امدرمان
أخير تبكن

انقر هنا لقراءة الخبر من مصدره.