الكاتب الصحفي الفاتح جبرا نبيل شكور بالبلدي.. - جبرا في طريقه لي قطع عيش الارزقيه يا مواطن. - جبرا يتصدي وفي يدو قانون النظام ذات نفسو الذي يحث علي عدم تحصيل اي رسوم دون قيد أو مستند رسمي ، ودا بي قصد بيهو انو المبلغ المستقطع منك دا ح يخش وزرارة المالية . - جبرا بي قضيتو دي بحاكمم بي قانونم ذاتو لأنو في عديد ضرائب واتاوات ما عندها اي سند قانوني وعبارة عن ( سرقة ) لأنك يا مواطن ما بتسال ولا تتكلم عن حقك ولا ما حقك، جيب تجيب، ادفع تدفع، دنقر تندقر. - هم عارفين انو القانون في صالح الاستاذ والقاضي ح يحكم ليهو، ودا عبارة عن ( صندوق بندورا ) وانفتح، طيلة السنوات الفاتت دي كانت سرقة، وفي شفوت زي الفاتح جبرا ممكن يطالبوا بي قروشم دي بي ( اثر رجعي )، وتبقي ( ام الحسين اتنفخت ) للمافيا دي. - عشان كدا لازم جبرا يُغيب، عشان ما تظهر حكاية السرقة الواضحة والباينة، وكلو بالقانون، جبرا معاهو قانونم ذاتو أقول ليك، ودا المحشر ليهم.. - شكرًا الاستاذ البروفيسور الفاتح جبرا لارساءك ( طريق الحقوق ).