نعم يحتاج المريخ لتغيير كبير تغيير في السياسات قبل اللاعبين تغيير في الأفكار قبل بثها من جديد فيمن يأتي تغيير في طرق الإحلال والإبدال عما كان يحدث سابقاً الجماهير مدت حبال الصبر حتى علم الصبر أنها تصبر على شيء أمر من الصبر لذا الجماهير غلبها الصبر خلاص وأضحت تمسك لاعباً لاعباً من الذين أخفقوا وأدمنوا الاخفاق تمسكم واحد واحد وتغني له رجيتك وفي انتظار عينيك كملت الصبر كلو وحتى لا تمسك الجماهير بتلابيب اعضاء المجلس لتقول لهم نفس العبارة رجيتك وفي انتظار عينيك كملت الصبر كلو حقو اعضاء المجلس ينجوا بتلابيبهم ويشتغلوا صاح يشتغلوا بفهم بدراسة بابعاد لسماسرة اعتادوا ان يركبوا المريخ مواسير واذا تمسك المجلس بهؤلاء السماسير يبقي ما يزعل المجلس لما تتمسك بتلاليب الجلاليب الجماهير كفاية مسكتونا ضنب الككو كتير بعد كده الككو بخربشكم أيها الناس نشوف من نرشحه للانتقال نقارنه بمن يلعب في خانته من الرديف والاشبال اذا لقينا في قريب ليهو او افضل منو يبقى الزيت لو ما كفى أهل البيت يحرم على الجيران ولنا عودة المهم الرائع شجرابي كتب بالامس على صفحات «الإنتباهة» في زاويته الرائعة كلام كتير استوقفني فيه اشادته بتوزيع ناس الزمالك لاعلامهم على جمهور مازيمبي في مباراة فيتا كلوب وقال حقو ناس الهلال يعملوها مع فيتا ومازيمبي الوطنية وين يا ناس الطحنية طيب لو ناس فيتا وناس الزمالك عملوها في الخرطوم بتجونا ناطين تحدثونا عن الوطنية وعن انو اي واحد شال علم الزمالك او علم فيتا او علم الدين هاشم ذاتو ما وطني !!!! اذا اقريتوا الموضوع للهلال يجب ان تقبلوهوا على الهلال فلا تنه عن خلق وتأتي بمثله وانا شخصياً علمي انت رجائي واوعك تقطع صفقة شجرة يا شجرابي عشان ما يجيكم جفاف وتصحر المهم نشتغل بحكمة في الإحلال والإبدال في حتات كده تغيير البلي فيها ما بنفع طالما الهوب مفتول نغير الركبة كلها عشان العربية ما تجر مننا في الشارع تاني اها نجي لي شمارات والي الخرتوم كان شفت يا والينا امس في «الانتباهة» الرائعة قرينا تأمين العاصمة من مايو الى الانقاذ وناس المجاهدين وين يا والينا ؟؟؟ و ناس السلمة وعد حسين ما مأمنين يا والينا ؟ طيب السوق المركزي يا حليل التفاح والعنب والتلاجات كان جات يا والينا سلك كهربا ننساك كيف والدواء زي عد حسين بره التأمين والى لقاء
