* الليلة الجمعة الجامعة * والدعوة السامعة * وبكرة السبت إجازة * نوم ساااااى * طيب لو الليلة الجمعة وبكره السبت * بعد بكرة شنو؟؟؟؟ * بعد بكره الأحد * ولم ينجح أحد * فى نتيجة إمتحان قالوا بتطلع يوم الأحد * عندنا معهد فى الحلة * عمل إمتحانات والنتيجة يوم الأحد * الجماعة العاملين شطار * وقاشرين وشايلين لابتوبات * ودفاتر * وداخلين نت *نتيجتهم يوم الأحد * الخوف يطلعوا من المعهد بعد دخلوا النت * يمرقوا بره الشبكه * قلنا ليهم النجاح ما قشره ساى * النجاح أسس ومعينات ومخ خفيف * ماصدقونا * الله يستر غايتو * المهم * نزل المطر وإحلو الجو * والسرير التانى بقى ديب فريزر بس * بدون بطانية ما بترقد * بجيب الإلتهاب * والمضاد الحيوى بقى بالشى الفلانى * مع رفع الدعم ده * الألتهاب بيتحول لى إنفلونزا * وإنفلونزا مع الطيور ده بتبقى إنفلونزا الطيور عديل كده * الكرنتينة يا عمك * أيها الناس * لأعجبنى محمد عبدالماجد لما قال * الهلال زى الزول العملوا ليهو عملية كبيرة * ونجحت * ومرقوهوا البيت * عملوا الكرامة * بالليل مات * لكن من الدقيقة خمسة وتمانين ولى قدام زى البرق العبادى بالنسبة للآهلة * صابه صابه * بلنتيها مضمون * أديكم فكرة * يا يعملوا ليكم الكورة أربعه وتمانين دقيقة * يا تبدو الكورة بالقلبة * أبدوها بالزمن المضاف * وتعالوا جاى * وكت فيها بلنت أخير بدرى بدرى * لكن بدرى بدرى دى بتجيب الزيادة * ومازيمبى ما بيابا الزيادة * أقول ليكم * زوغوا * سكوا ليكم حكم وأجروا وراهو * لى بره الكنغو * ولما الكورة تنتهى أسألوا ناس مازيمبى قولوا ليهم أنتهت كم؟ * أقسموها على إتنين وقولوها لينا * بنصدقكم * المؤمن صديق * المهم * بدأت المسيرة الصاح * مسيرة تحتاج لصبر وثبات * وصدقونى * راجيانا مشيه للمطار * فقط نتمنى ان يواصل الجهاز الفنى فى الإعتماد على الجاهزية * ويتكرم علينا بالإستعانة بالأشبال والرديف فى مسيرة الممتاز * أيها الناس * مانديلا لا يزال متربعاً على عرش الإنجاز القارى الوحيد فى البلد دى * خمسة وعشرين سنة * بالسنة دى ستة وعشرين سنة * والمغالطنا يجيب كاسو * أيها الناس * أن تنصروا الله ينصركم *أها * نجى لى شمارات والى الخرتوم * أكان شفت يا والينا * تحت تحت قالوا لينا * حايعملو شروط لمن يتم إختياره والياً علينا * أولها قالوا يكون قارى الجامعة قبل ما يجينا * وثانيها يكون تقلد منصب إدارى تنفيذى فينا * وطالما الأمر لسه فى مرحلة النقاش يا حكومة أشركينا * نشترط ان يكون من أبناء الولاية فينا * عشان يكون بعرف دريباتها ومرافعينا * ونشترط ان تكون قدراته المائية ترضينا * يشرب السيل الكاسر فينا * ينشف ريقو بدل ينشق الريق الفضل لينا * ويملى النيل النشف علينا * ونشترط المواصلات من بعضها يقربها لينا * لا يشرون علينا ولا يكركر فينا * ولى قدراتو المالية من البداية يورينا * يورينا لو عندو السمينة * عشان ما تتلخبط علينا أموالو واموال الولاية المسكينة * وان لايزيد العمر عن خمسينا * وآخر شرط يا والينا * أن يكون بعرف أدب الإستقالة * ويقدر الزول الطالع فى السقالة * ويفتح مع الناس خياله * ويؤمن بالمواطن حد الثمالة سلك كهربا * ننساك كيف وكنا قايلنهم كلهم قاريين وعارفين..ودى تكتبها إزاى يا حسين!!! والللللللللللللى لقاء سلللللللللللللللللللك في السلك - بابكر سلك