امس كتبنا سير سير يا متوكل مساندة منا لموقف متوكل تجاه حقوق المريخ ونصرة لكرامة المريخ وحفاظاً على حقوق المريخ اليوم نكتب سير سير يا مريخ سير نحو البطولة والحفاظ عليها فمباراة اليوم هي مباراة البطولة هلال كادوقلي اهم عندنا من هلال ام در لان نقاط هلال كادوقلي تتوجنا أبطالاً وتجعل مباراة هلال ام در ودية كان ما اتلعبت ذاتو ما بتأثر على اعلاننا ابطالاً لبطولة نستحقها وقاااااعدة عندنا أيها الناس مريخاب كادوقلي قادرون على نزع الانتصار ومساندة الزعيم فالمريخ في كادوقلي ليس بغريب وطن ولا فريق اجنبي سنمتع شعب كادوقلي بعرض راق وسنعود بالنقاط بالطيارة من كادوقلي كما عدنا بالكأس من كيجالي المهم اليومين دي فطومة الناطقة الرسمية ما فاضية مشغولة بمعركة جانبية مشغولة شديد حا توحشينا يا فطومة يا اختي وان شاء الله غيبتك ما تطول المهم غياب تراوري لا يصعب الامر علينا فالفرق الكبيرة لا تتأثر بغابات منسوبيها والمريخ بمن حضر ولكن هذا المستهتر يحتاج لوقفة ان كان موجوداً يستهتر في ادائه ويلعب بانانية لذا طبيعي يستهتر بالقوانين واللوائح ويسافر الزول كان ماشي سوبا بقول للناس انا ماشي لو بحترمها لكن يمرق يفوت ساااااي دي بتبقى قلة ادب وعدم احترام للناس وعدم اعتبار للكيان وعلى الجهاز الاداري ان يقنعنا بان المريخ بخير ولسه عينو حمراء وانه لم يخلق بعد من يضرب بقيمنا عرض الحائط الزول ده داير قرار زي القرار ولما كانت هناك مفاضلة بينه وبين اوليفيه كنا نرجح كفة اوليفيه على الاقل محترم ويعرف كيف يتعامل باحترافية وبعدين في سؤال الزول ده سافر بي ركشة ؟؟؟ كيف جوازو يكون في ايدو ؟؟؟ موش مفروض الجواز ده يكون عندنا ؟؟؟ أيها الناس الزول ده بعد نرجع من كادوقلي منتصرين إن شاء الله يجب ان نتفرغ ليهو ونصدر في حقه قرار زي ضربة الفرار نص النهار عشان يعرف الله واحد أيها الناس إن تنصروا الله ينصركم أها نجي لي شمارات والي الخرتوم والينا مفروض ما ترشح نفسك لينا مفروض انجازاتك هي البترشحك تاني والي علينا عشان نقيم الموقف خلينا وبعد ما نسترجع مواقف وذكريات يا والينا بنختار منو يكون والياً علينا سلك كهربا ننساك كيف ومفروض زول يرشح وزول يثني وناس تصوت طائعة مختارة لي اختيارها والللللللللللللى لقاء سلللللللللللللللللللك في السلك - بابكر سلك صحيفة الإنتباهة