المتتبع للأحداث يلاحظ ان هناك مؤامرة تحاك للايقاع بين جمال وغرزه صحيح ان جمال الآن خارج المجلس ولكنه رمز كبير يجد المحبه من غالبية اهل المريخ وغارزيتو مازال مدرباً للمريخ ولكن المؤامره دي بتؤدي الى ان تنمو عداوة بين غرزه والجماهير المحبه لجمال ايها الناس جمال اداري له من الخبرات الكثير طلطاشر سنه خبره يبقي بعرف يعمل شنو وجمال نفسه هو من اتي بغارزيتو للمريخ وباصرار كبير وغارزيتو مدرب كبير وخبير يعرف كيف يتعامل مع الاداري واللاعب والجمهور والاعلام لذا لا يمكن ان يخطئ جمال في حق غرزه ولا نتوقع تفلتاً من غرزه تجاه جمال ولا يوجد ماء عكر في المريخ تصيدوا فيه يا هؤلاء ايها الناس العرفتو انو غرزه حزين جداً لفقد جمال كاس البطولة الافريقيه لأنه يري ان رئيس نادٍ في قامة جمال يستحق البطولة تتويجاً للجهود الكبيره التي يقوم بها وعندما ينتقد غرزه شأناً ادارياً فإن ذلك لا يعني عداوته لذلك الاداري صاحب الشأن المنتقد وانا ارى ان مجلس المريخ في التكميليه الفاتت لو عمل بي كلام غرزه وسجل ناس الياسو وايزيك كان حصل علي البطولة براحه ولكن اعداء المريخ في الداخل وقفوا سداً منيعاً امام تلك التسجيلات فأفشلوا علينا ضم الياسو والتشادي ايزيك وبي عين قوية كانوا بقولوا لي الياسو يا تقسم مع وكيل اللاعبين ده يا موضوعك ما بتم جايبين ليهم وكيل لاعبين قاطعنوا من رأسهم والياسو رفض والموضوع ما تم زي ديل هم من يحارب المريخ وجهود جمال من الداخل فقط يستندون إلى ثقة جمال فيهم زي ديل لازم نكشفهم بالاسم عشان يا فاتوا المريخ ومشوا يسترزقوا في مكان تاني يا الجماهير عرفت تمشيهم كيف ايها الناس شفتوا ايزيك التشادي اول امس ضد مصر؟ ده زول عيان ده؟ زول قدر البطاح ما شاء الله تقول لي عيان امال انا اكون شنو ؟؟؟ اكيد نصيح لكن المريض من عمل سراً على افشال صفقة انضمامه للمريخ فالكبد الوبائي معدٍ وخطير ولكن الاخطر منه الفساد الوبائي المسيطر على المريخ ناس يا تقسم يا تتفكفك ديل ايها الناس على مجلس ونسي تقع اعباء كتيره اولها حسم الكتير من التدخلات في عمليات الاحلال والابدال من تجار ادمنوا تركيبنا مواسير تانيها وضع سيستم يسير عليه دولاب العمل بالنادي في كل القطاعات تالتاً يجيبوا سته عربات تلاته تسعات تراقب الموقف ولو جبنا تلاتة تسعات من بدري كان شلنا تسعه بطولات افريقيه تاني همتكم يا ونسي وبمناسبة همتكم دي همت يجب عليك الانخراط في العمل فوراً المرحله لا تتحمل استقالات وانسحابات وزعل المريخ فوق الجميع ونداء المريخ يلزمكم بمواصلة جهودكم لاجل الكيان انت صاحب تاريخ نعترف لك به ويجب عليك الحفاظ عليه زعله وتفوت عشان المريخ يعيش وما يموت يا همت فاهمني !!! ونسي لا تعطني سمكه بل علمني كيف اصطاد اهدي لينا سناره وورينا كيف نجيب الصارقيل وكيف نختوا في السناره وزح بعيد بنجيب سمكنا برانا الاستثمار يا ونسي الاستثمار الاستثمار الاستثمااااار المهم غالباً ابو الهل يتراجع ويلعب مباراة الممتاز لكن مكسيم مافي اتوقع ان يلعب ابو الهل بلولي بدل مكسيم والقوصي برضو كويس الوجبة زاتها مشكوره جهزوا اي نوع بيرقر خلونا نتعشي المهم سوبرمان في السودان وتراجع سوبرمان وارد ارجعوا بدون خجله ما بنشغلها ليكم كأننا ما سمعنا عودوا الى حيث اللقيمات والشاي باللبن القعده فاقداكم نكررها العضويه يا هواري عضوية عندها رأس ما عضويه بالرأس يا ناس المهم كالعاده خرج المنتخب خرج المنتخب لأن ناس كاريكا في السعوديه وقبل كده قلق اتوقف واتعاقب واتغرم عشان تصرف بسيط تجاه المدرب وابعد احمد الباشا من المنتخب فماذا فعل الاتحاد للناس المشوا السعوديه ديل؟ هل مشوا وهم ماعارفين استحقاقات زامبيا؟ ولا مشوا وهم عارفين لكن ما شايلين الحصه دي؟ والبحصل ليهم شنو ؟؟؟؟ قلت لي لقيمات ؟؟؟؟؟ امسكوا في اتحادكم ده قوي يا كردنه وبطلوا حركات مسلحه متمرده يا زول ايها الناس ان تنصروا الله ينصركم اها نجي لي شمارات والي الخرتوم كان شفت يا والينا البلد محتاجه لينا يجب ان نشترك في ادارتها جميعنا يا والينا ما ممكن يدوروا الموضوع ناس وسياساتهم تقع علي ريسينا ما قادرين ندفع التمن يا والينا كملت كل الاموال الموجوده لدينا دفعنا الثمن زمن طويل وسنينا حقو نقعد في الواطه دي يا والينا نعترف لي بعضنا باخطائنا الخلت حياتنا حزينه حقو نسامح بعضنا ونبدأ في مشوار المحبه البتجمع بينا حقو نلحق المركب قبل الموج يلعب بيها ويغرقها بينا سلك كهربا ننساك كيف والكلب راقد يغني.. يا بلد عريان مسولب رغم خيرك وغيرك اللابسين هدومك وإلى لقاء. سلك
