(هل هي مرثية أم مرئية ؟ فشاعرنا الراحل محمد الحسن سالم حميد فوق كل وصف وتعبير.) كان هنا من شوية.. لابس حزن أخضر متوشح هوية صوتو وقلبو واحد ..وما داير وصية شايو هداك مسخّن بى شمسا شقية وضلو هناك ممدّد فى شجن العشية نضارتو بتعاين من فوق للثريا... وطنا قلبو فاتح ..بالسيرة الندية كان هنا من شوية.. وطنو ولا بطوناً مفتوحة شهية .. متحزم قصايد دفاق العطية.. متلزم شدايد ..والأبواب عصية منطوق بي المعاني وكلمتو سرمدية قصيدي جديدي شاهد شاف كل القضية يا تربال جناين ..طوريتك سخية كان هنا من شوية.. الأرض البترسم فى الآفاق تحية بتفرد كل مساحة ..أناشيد ملحمية شقيت المقابر من قبل المنية وربيت القصايد بي الهمة القوية يا فارس زمانك من غير بندقية هل ساقك حمامك ..بي الروح الرضية؟ كان هنا من شوية..