هيثم كابو العتب مرفوع رفقاً ب(المواسير) ..!! * تمخض جبل لجنة الوصايفة الفنية فولد (بانغورا) ..!! * يا جماعة أخدوا أراء أعضاء اللجنة وقرروا بعد نقاش مستفيض ..و(ما خاب بيت "بانغورا") ..!! * دولة سيراليون عن بكرة أبيها تعرف أن لاعب الوسط المتقدم مصطفى بانغورا مصاب، و(القصة ما محتاجة رنين مغنطيسي ومستشفيات وقومة وقعدة وفحوصات) ..!! * غايتو ناس الهلال يوم بكتلوا ليهم مشجع بماسورة .. (ويشطبوا خليفة ويسجلوا بانغورا) ..!! * قالوا السيراليوني خضع لرنين مغنطيسي ..(يا مزمل رنين شنو بانغورا أصابتو ترى بالعين المجردة) ..!! * أمس بوتاكو والليلة بانغورا ولسه مشوار الوصايفة طويل ..(ويا كرنة رفقاً بالمواسير) ..!! * انتوا يا كردنة ما محتاجين (لجنة فنية) انتو دايرين (قمسيون طبي) ..!! * بانغورا بتاعكم دا يا محمد عبد الماجد يجي الليلة ويسافر باكر ..(غايتو خسارة التذاكر) ..!! * يا جماعة كونكم لقيتوا اللاعب مصاب دا ما بديكم حق اللجوء للفيفا والمطالبة بقيمة التذاكر ..!! * طبعاً يا مزمل الزول الاسمو عماد الطيب دا ممكن عادي يقنع ناس الهلال أنو الفيفا بترجع ليهم تذاكر بانغورا وبتديهم نقطتين في الممتاز وخمسة علامات في التصنيف وعشرين ألف دولار تعويض ..!! * الكبسوراب ديل طيبين .. (بصدقوا ويسكوا الفيفا) ..!! * هسه عماد دا عندو قروش تذاكر بانغورا أضمن من شكوى بكري المدينة .. (طبعاً كردنة سأل الخبراء وعرف كلام عمدة دا ما عندو علاقة بالقوانين واللوائح ..لكن شفتنه منو عامل رايح) ..!! * يا كردنة .. (جهجهت أمينك العام وكملت الشفتنة) ..!! * كردنة زهجان من عماد دايرو يحرقو في التصريحات والقضايا الخاسرة وإدعاء البطولات ..!! * يا كردنة الزول دا حرق أعصاب الجمهور ..!! * جريدة ناس الرشيد بدون خجل قالت الغاني اوغستين اوكرا مصاب، ولما ظهرت ليهم نتيجة الكشف الطبي لقوا بانغورا (مصاب جلل) ..!! * أصابة بانغورا كشفنا دورا ..!! * أجمل ما قرأت عن ماسورة الهلال بانغورا أن محترفهم ديفيد سيمبو أشاد به ..(يا جماعة فضحتونا مع اللجنة الفنية ..هو سيمبو تم اعتمادو عشان يبقى مرجعية) ..!! * سيمبو قال للوصايفة بانغورا مكسب كبير ..(انت بصراحة يا محمد عبد الماجد سيمبو دا عندو قروش ما اديتوها ليهو لانو دا كلام زول زعلان) ..!! * يا سيمبو عيب .. (أصبر على الجماعة ديل شوية .. الزول لو عندو باقي قروش ما برجعا بالطريقة دي) ..!! * يا سيمبو ما تستغل قصة (اللجنة الفنية) الناس ديل لو شعروا بالخطر ممكن عادي يحولوها ل(لجنة طبية) ..!! * بعدين انتو الوصايفة ديل دايرين يسجلوا كم حارس .. مرة يقولوا حارس الجبل الأخضر ومرة توغو ومرة أكرم ومرة البوابة ..(يا جماعة الجهجهة ما حبابا) ..!! * ما تستغربوا يا صفوة جمال سالم دا يجهجه بلد ..!! * بعدين قصة قائد الهلال كاريكا دي شنو يا خليفة ..؟؟ * يا خليفة لو الناس ديل دايرين يشطبوك عشان (الكابتنية) حقو ما تتمسك بالحاجات دي (الشارة ملحوقة) ..!! * يا خليفة سيبني من قصة حقوقك دي هسه، وخلينا نتجاوز مرحلة الخطر ومؤامرة التصفية الفنية ..(يا سلااااام يا خليفة هدي اللعب شوية .. تزعل في شنو انت عندك خانة عشان تفتش للكابتنية) ..!! * يا خليفة حرك علاقاتك واحمى مكتسبات بيديك ..(الناس ديل ما عندهم وفاء وناوين عليك) ..!! * انا يا مزمل خليفة لو شطبوه إحتمال أطلع (برج البركة) ..!! * خليفة ما بنبخل عليه ببرج ..!! * نحنا نختلف مع خليفة لكن الظلم ما حبابو ..!! * يا خليفة : لو شطبوك ما تشيل هم انا موجود وبرجك جاهز ..!! * يا خليفة انت برجك شنو .. (لا لا لا يا خليفة لو قلت "عقرب" الناس ديل بشطبوك في باقي اليوم دا) ..!! * يا خليفة الله يرضى عليك روق شوية .. جماعتك ديل سم (عقربهم) فاير ..!! نقوش متفرقة * الرجل المهذب جمال الوالي قال أن الحديث المنسوب له عن قدرته تسجيل عماد الطيب الأمين العام لنادي الهلال (مفبرك)، ونحن لا نعرف من (فبرك) الحديث لكننا نعرف قدرة الوالي ..!! * (هاردلك) يا عمدة ما تفرح كتير للأسف كلام الوالي طلع مفبرك، (كان هسه حصلت المدينة وأمنت مستقبلك وقرينا ليك الفاتحة وأمورك بقت واضحة) ..!! * عارفك يا عمدة الصدمة عليك شديدة فقدت أحلامك الفريدة .. (معليش التسجيلات الجايات أكتر من الرايحات) ..!! * قالوا أمام مسجد المغتربين ببحري أكد في خطبة الجمعة بطلان (عقد) بكري المدينة مع المريخ ..(انتو إمام بطلان "العقد" دا يا محمد عبد الماجد "مأذون" ولا خطيب ساي) ..؟؟ * كنا نعلم أن بكري المدينة بإنتقاله للمريخ دخل التاريخ من أوسع أبوابه، ولكننا لم نكن نظن أنه دخل خطبة الجمعة أيضاً ..!! * بالطريقة دي عماد الطيب عشان يثبت (بطلان عقد) المريخ بمشي بجيب لينا فتوى من شيخ الأزهر ..!! * يبدو أن سر التصريحات الكثيفة والمتكررة لعماد الطيب مردها إلى أن (الكلام) هو الشئ الوحيد الذي يمكن أن يقدمه الأمين العام للهلال ..!! * نشهد لعماد الطيب أنه دعم ناديه بسخاء طيلة فترة (التصريحات) ..!! * يا عمدة قلل الكلام شوية وأدفع مع الكاردينال دا حاجة .. (الهلال داخل تسجيلات ما داخل ندوة) ..!! * بكرة الرشيد دا لو فتح فيك نيران بطلع ليك (تصريحات) بدون رصيد ..!! * يا أرباب .. (عمدة بالطريقة دي بجيك في أهلي شندي) ..!! * إتشندي ..!! نقش أخير * إن كان الكلام من (عمدة) فالسكوت من (غضب) ..!! هيثم كابو
