بسم الله الرحمن الرحيم في السلك *الزعيم ظهر بمظهر لا يليق به بود مدني *تباعد في الخطوط *برغم ضعف اتحاد مدني *الا ان منطقة صناعة اللعب بالمريخ كانت لاتصنع مردوداجميلا *بطء في قيادة الهجمه *لعب بدون خيال او تفكير *اداء ممل *وقلناها كثيرا *اذا افتقد الفريق لصانع الالعاب الماهر السريع *صاحب الحلول الفرديه *فان الجهاز الفني من واجباته ان يصنع تكتيكا يتناسب من الامكانات *يتخذه طريقة لصناعة اللعب *اشراك ابراهومه الشبل كان جميلا *ولكن توظيفه في خانه لا تناسبه كان مشكله *وهذه من السلبيات التي تصاحب الاجهزه الفنيه *فبعضها عندما يشرك شبلا *لايهتم بتوظيفه في المكان الذي يجيده *والاسلوب ده بأخر انسجام وتأقلم وتألق الشبل *ابراهومه لاعب وسط متقدم *يصنع اللعب ويمتاز بالتهديف *فلماذا اشراكه محورا يا محسن ؟؟؟ *ايها الناس *الباشا وفيصل موسي ومجدي *ثلاثتهم صناع لعب *لكن لكل سلبيات *يمكن يكون مجدي افضلهم *بس محتاج تمارين سرعه *ودي مادايره درس عصر يا محسن *المهم *هذا المستوي لن تقبله الجماهير في المباريات القادمه *ونرجوا بل نتمني ان يعوض الجهاز الفني واللاعبين *يعوضون الجماهير عن الاداء الباهت بالفاشر ومدني *قدامنا مباريات مهمه *ثلاثة مباريات تعلن صدارتنا للممتاز *شندي وكادوقلي وكوستي *وباقي المباريات ممكن نشرك فيها الرديف *مباريات مع احترامنا لخصومنا فيها *الا انهم مستواهم لايؤهلم ليكونوا ندا لنا *ايها الناس *اكتب قبل مباراة عطبره *المحلي داخل عطبره *وقلبي يحدثني *بانها ستكون مباراة حدث *المهم *علي محسن وبرهان العمل علي تلافي السلبيات *وعدم المجامله *والتفكير في اسلوب لعب ينالا به رضا الجماهير *ايها الناس *ان تنصروا الله ينصركم *-اها *نجي لي شمارات والي الخرتوم *كان شفت يا والينا *اليومين دي موضوع الناس الحزينه *عمولة السمسار بتاع قصر المدينه *ومبدأ الاخوه السماسره بقول *العموله زي الشيه ما بتتاكل بارده *حار حار *شخصيا لا اري عجبا كونو يمتلك قصر وزيرا لينا *ووزير شنو يا والينا *وزير خزانة اموالنا اللينا *يمكن يا ولينا *الوزير ماطلب من السمسار يجيب ليهو قصر بي خزينه *يمكن سيد البيت هو الطلب من السمسار البيعه السمينه *وفي الحاله دي تبقي العموله علي سيد البيت يا والينا *اقول ليك يا والينا *من قصة منو الاشتري البيت خلينا *السؤال البفرض نفسو علينا *منو سيد البيت البايع يا والينا *زول ساي ولا برضك وزيرا لينا ؟؟؟ سلك كهربا ننساك كيف ولما الوزير يبيع للوزير السمسار يطير والي لقاء