بسم الله الرحمن الرحيم في السلك *محمد عبدالماجد خلي عثمان حسين *قبل علي اغاني ترباس *قلنا ليك يا حماده *المريخ بخلي العاقل يطقع والمجنون يهبش *اسي هابش ترباس مالك ؟ *ترباس ده من مشي (يشرب) تاني جاب سيرتكم !!! *ويواصل حمودي الحديث عن ترباس *ويستعرض اشعار الكاردينال *قال ماعاجباهو *كلمات فارغه *ترباس لملمها ساي وغناها *ترباس ياحمودي اصلوا بلملم الحاجات *قبل كده موش لملمها وقال مشيت اشرب !!!! *وبعدين ترباس قال يا محمد عبدالماجد *جني وجن الزول البقلب السمكه ومادافع فيها *كردنه داير يقلب العقرب بالعقد وما دافع فيها !! *اها العقرب اتقلبت عليهو يا حماده *لكن محد عبدالماجد قصد انو كلمات كردنه شعرا زي كلماتو عقدا *كلماتو الغنيائيه زي كلماتو التعاقديه *ربربه ساي *بدليل العقرب قرصتو *يا حماد *نحنا عارفن المريخ بخليك تكتب عن عثمان حسين زي ماعودتنا *لكن ان تصل الحكاية لدرجة الطتابه عن ترباس وكلمات الكاردينال *تبقي حكايتك بقت (كرونك) *محتاج علاج بره *قلنا ليكم يا ابو حميد *الجنتلمان ولا موت الضان *اسي فات العقرب *وكردنه هضرب *مادايرين عمر بخيت ومادايرين المعز ومهند وجمعه وسيسيه وسيدي بيه ونلسون وفوزي زاتو *ده ما موت الضان زاتو ؟؟؟ *الجنتلمان كان ساترة الاخوان *ابيتوا تسمعوا الكلام *قلتوا الحشاش يملي شبكتو *شفتوا الحشاش كيف ملي شبكتو؟؟؟ *ملاها غربال وغزال *والسنه الجايه نزار *والسنه البعدها شعار الهلال *قالوا عصمت عارضو للبيع *المهم *نطالب المجلس باعادةالنظر في موضوع باسكال *باسكال ما شويه يا نااااااس *لاعب مكروه لدي اخوتنا الاهله *امسكوا فيهو قوي *ايها الناس *سيدفع بكري الثمن *حايبقي العنكبوته بعد كان العقرب *في المنتخب حايحارب *طبعا ده اذا ما تخطاهو الاختيار *وسيواجه بحرب *البحلك من الحرب دي يا عقرب *تقرصهم في اول مواجهة قرصة شديده *قرصة في حته ر يعرفوا يحكوها ولا يعرفوا يخلوها *مع الحديده *تاني ما بجيبوا سيرتك *زي طمبل وكليتشي *المهم *لانبخس الناس حاجاتهم *لكن فيصل موسي لو بنفع كان نفع *تلاته سنين وفي مريخاب لي اسي مابعرفوا اسمو *تلاته سنين وقع فيهم تلاته الف مره *لاعب ما ثابت *ما بشبه المريخ *يمكن يكون بشبه الهلال *لكن طموحاتنا الجويه تجعلنا نستغني عنه ونشكرة علي الفتره التي قضاها بيننا *خت في راسك يا فيصل *اللعب في الهلال ساهل *الشغيل كان عندنا ببوظ الكورة *في الهلال بقي صانع لعب *الطشاش في بلد العمي شوف *يا لطيف *ايها الناس *ان تنصروا الله ينصركم *اها *نجي لي شمارات والي الخرتوم *انت يا والينا *شنو حكاية المكياج والرواج والبدكير والتاتو الانتشرت فينا *تلقانا قاعدين زروووووووق يا والينا *واختنا في وسطنا بيضا زي الرتينه *لا نظرية وراثه ولا جينات ولا العروق الدفينه *مقتنعين يا والينا *بانو الكندشه بتخلي الموز الاخضر اصفر يلالي فينا *قول اللون جابتو الكندشه يا والينا *الشعر ده ما بياكل فينا *قول يوم القيامه واحده دخلت النار منينا *الحواجبين ماحقاتنا ما من عندينا *والشعر هندي مازي العندينا *والروج الكان بقدل ويروج لينا *حتي الشحم واللحمه السمينه *والعيون البتتلون كلو يوم يا والينا *والرموش دسبوسبل يا والينا *والحواجبين وشم تاتو قالوا لينا *والرجول ما زي حقات سكينه *والكلام عطش الجيم الفينا *يبقي النار حاتاكل شنو يا والينا *كلو مامن عندينا سلك كهربا ننساك كيف والبت تقول طيف كلو يوم تتغير لينا والي لقاء سلك [email protected]
