كانت هناك محاضرة تخص النساء عن العلاقة الأسرية، والمحاضرة سألت الحضور «متين آخر مرة قلتي لراجلك كلمة حبيبي» واحدة قالت الليلة، والتانية قالت امبارح، والتالتة قالت ما بذكر، وطلبت المحاضرة من كل واحدة أن تكتب رسالة لزوجها وتقول له أنا أحبك بالواتساب.. وكانت الردود كالتالي: 1. ما تحاولي ما حطلعك 2. خير الليلة برضو ماشة السوق 3. خير الحاصل شنو ما بسامحك 4. قصدك شنو 5. عامل ليها علامة استفهام ؟؟؟؟؟؟؟؟ 6. انا في حلم ولا علم 7. سلامات شاربة حاجة 8. اعترفي مرسلة الرسالة دي لمنو 9. آخر واحد كان ردو عفواً منو معاي. دايرين نفتح نقاش عن الموضوع دا ويا ريت كل القراء الكرام يمدونا بآرائهم على الإيميل دا لأنه دا موضوع تعاني منه كل الزوجات والأزواج في السودان المشكلة شنو والمشكلة وين. مع التمنيات بحياة زوجية سعيدة للعرسان.