قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء)    شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة    اختبار نسخة مدفوعة جديدة من "إنستغرام"    "آبل" تستعد لإطلاق أول آيفون قابل للطي    النفط ينخفض 1% بعد تقرير ترامب إنهاء حرب إيران    "يغفر الله للجميع إلا باجيو!".. مأساة اللاعب الذي مات واقفا – فيديو    عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية    قرار لحكومة السودان بشأن معبر أدري    قيادي بحزب المؤتمر الوطني يحسم جدل مثير    صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم*    عثمان ميرغني يكتب: فساد.. الفساد..    والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي    جهاز المخابرات العامة يدشن مبادرة العودة الطوعية للاجئين السودانيين من مصر    إكتمال فتح الطرق والشوارع الداخلية بمنطقة وسط الخرطوم    ارتفاع جديد في أسعار الوقود بالخرطوم    شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة    شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية    الهلال يواجه أُماجوجو لتوسيع فارق الصدارة    شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء)    الأهلي يخسر من ساردية بدوري شندي    (أماجوجو والنقطة 54)    برشلونة يتلقى دفعة معنوية قبل مواجهة أتلتيكو مدريد    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    كريم عبد العزيز وفريق مطلوب عائليا يبحثون عن دولة أوروبية للتصوير الخارجى    أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف"    أيهما أكثر فائدة القهوة أم عصير البرتقال صباحًا.. والكميات المناسبة    آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا    فصيلة الدم تكشف احتمالية الإصابة بالسكري    السيسي للرئيس ترامب: لا أحد يمكنه وقف الحرب في المنطقة إلا أنت    "فيفا" يتّخذ موقفًا حازمًا بشأن مشاركة إيران في كأس العالم    مصر.. الدولار يقترب من 54 جنيها لأول مرة    سارة بركة: أحمد العوضى مجتهد بشكل كبير وبيحب شغله جدا    اختيار غير متوقع لمستقبل "الملك المصري"    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    بسبب ضعف الراتب.. وزير الثروة الحيوانية بالسودان يبحث عن عمل إضافي    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    السكوت على هذا الأمر لا يرضي الله ولا رسوله!!    ارتفاع أسعار الذهب في السودان    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



اكرم عندو (رباط صليبي) في ركبة ضفر
كورة سودانية نشر في كورة سودانية يوم 09 - 05 - 2014


وان طال السفر
محمد عبد الماجد
اكرم الهادي سليم قال ليهم عندي (رباط صليبي).

. قعدنا نفكر.
. سفروه الامارات على وجه السرعة.
. الدكتور في الامارات قال ليه بتشكي من شنو؟.
. قال ليه بشكي من (بشه).
. و…
. (بشه خلاهم يدخلوا في شارع غلط).
. يا دكتور بشه دا اي حاجة عملها ..جاب فينا قون على شمالي ..وجاب فيني على يميني.
. بالرأس والقدم.
. دا كلام اكرم.
. يا دكتور حرام عليكم ..البعمل فيه (بشه) دا ما عمل انساني.
. ما في منظمات هنا.

. ما في انسانية ساكت كدا.
. الدكتور كتب ليه (5) كيلو باسطة قبل الاكل …و(5) كيلو باسطة بعد الاكل.
. اكرم فتح ليك في الباسطة.
. و…
. (نسيت).
. بلة جابر الموضوع ما عجبو …قال يعني الواحد إلّا يكون عندو (رباط صليبي) عشان يجيبوا ليه (باسطة).
. انت قايل نفسك الحضري يا بلة.
. اكرم الهادي رجع من الامارات زي الطلقة من الباسطة.
. ساقوه عطبرة عشان يلعب مع المريخ امام الامل عطبرة.
. في عطبرة الطاهر حماد (دغل) كان بيلعب في الهلال – الطاهر حماد انتظر حتى الدقيقة (98).
. دغالتو ظاهرة في كدارتو.
. و…
. (لحظة).
. الطاهر حماد انتظر لمن ناس التذاكر قالوا بلغ دخل المباراة كدا.
. ومعلق المباراة في الاذاعة بقى يشكر في مهندس الصوت.
. وناس الاتحاد المحلي بتاعين عطبرة طفوا الكشافة الشمال ناس (زكريا) ..(عشان الكهربة ما تكمل ليهم).
. وانا هنا في الخرطوم قفلت التلفزيون.
. ووضعت التلفون في الشاحن.
. بس في اللحظة دي وفي الدقيقة (98) الطاهر حماد عمل ليه عملية..(تحتمس التالت ما عملها).
. الطاهر حماد قال جيبوا لي ملفات الاقطان.
. قلنا ليه يا الطاهر حماد كمان ملفات الاقطان عاوز بيها شنو؟.
. انت المدعي العام.
. قال انتوا مالكم بس؟.
. جبنا ليه ملفات الاقطان.
. شوية كدا قال جيبوا لي ملفات خط هيثرو.
. قلنا ليه انت كمان جنيت يا الطاهر حماد ..انت قايل نفسك (الفاتح جبرا).
. يا زول ملفات خط هيثرو عاوز بياه شنو في السخانة دي؟.
. عليك الله ما تجيب لينا مشاكل ساكت ..مع ناس المجلس.
. الطاهر حماد كلمتو واحدة ..ملفات خط هيثرو ..يعني ملفات خط هيثرو الحاجات دي ما بلعب فيها.
. و…
. (قعدنا نفكر).
. جبنا ليه ملفات خيط هيثرو.
. قال جيبوا لي ملفات موية بورتسودان.
. قلنا ليه يا الطاهر …الملفات دي ما في ايدنا…انت لاعب كورة وإلا محقق؟.
. يا زول شوف كورتك بس.
. الطاهر حماد قال ما بلعب ..إلا يجيبوا ليه ملفات موية بورتسودان.
. جنبا ليه ملفات موية بورتسودان.
. الكلام دا كلو طبعا حصل في الدقيقة 98.
. بس نحن قاعدين كدا ..زي الناس البيأكلو ليهم في (شعيرية) …الطاهر حماد قلب ليك الكورة في شبكة المريخ.
. واكرم الهادي سليم واقف يعاين ..تقول (رجل مرور).
. الامل جاب ليه قون في الدقيقة (98)…خلى ليك ناس المريخ زي الناس الفايتهم القطر.
. اتوفيستر بعد الهدف دا ..طوالي قال شيلوا لي اكرم الهادي سليم من المعسكر.
. معقولة دا حارس دا.
. وكمان كابتن الفريق.
. شالوه ليك برة.
. اكرم الهادي سليم قال انا ذاتي عندي (رباط صليبي).
. قلنا ليه يا اكرم الهادي سليم رباط صليبي بعد (الباسطة) دي.
. تاني عملنا ليه موجات صوتية ..عاوزين نشوف (الرباط الصليبي) دا وين؟.
. تتخيلوا الرباط الصليبي طلع وين؟.
. الرباط الصليبي عند اكرم الهادي سليم طلع في (ركبة) احمد عبدالله ضفر.
. من الله خلقكم شفتوا ليكم زول عندو رباط صليبي في ركبة زميلو.
. غايتو الواحد وقت يكون (خايف) ..بحصل ليه اكتر من كدا.
. ضفر الكلام دا ما عجبو.
. زعل زعل شديد.
. والزعل في ضفر بخليه زي (ميسي) بعد 120 سنة.
. ما كعبة معاك يا ضفر تكون زي ميسي بعد 120 سنة..دي لو لقاها بلة جابر بموت من الفرح.
. الرباط الصليبي دا طبعا كلو (خوف) من ملاقاة الهلال.
. جماعتكم ديل خايفين بس.
. شغل (الخوف) نحن بنعرفو.
. و…
. (احكي ليكم).
. عندنا جيرانا كل خميس كان بجيهم حرامي يشيل ليه منهم (غويشة) ويفوت.
. من الخوف ما قدروا يقولوا ليه اي شيء.
. الحرامي دا مرة جاهم يوم الاربعاء ..لقاهم صاحيين ..قاعدين يتونسوا في الحوش. قال ليهم معليش الليلة جيتكم يوم الاربعاء عشان يوم الخميس عندنا عرس.
. صاحب البيت قال ليه (الغويشة) في الدولاب في الضلفة التانية ..بس عليك الله تاني لمن يكون عندك مناسبة يوم الخميس كلمنا من بدري ..عشان تجي تلقانا نايمين.
. الحرامي دخل شال (الغويشة) وطلع.
. قدر ما حلفوا عشان يقعد يشرب معاهم الشاي …الحرامي رفض..قال ليهم انتوا عاوزين (تصاحبوني).
. الحرامي وهو طالع كدا ..قال ليهم معليش ما بلقى عندكم شاحن (جلاكسي).
. جابوا ليه شاحن الجلاكسي …قال ليهم : ايوا يعني عندكم (جلاكسيات)…خلاص الخميس القادم مع (الغويشة) بسرق لي (جلاكسي).
. عليكم الله في خوف اكتر من دا.
. وفي الاساس في حرامي واضح بالشكل دا.
. يا ريت لو الحرامية كلهم واضحين بالشكل دا ..ما كان ح يكون في فساد في الاقطان او في خط هيثرو او وفي موية بورتسودان او وفي التقاوي الفاسدة.
. و…
. انتوا تعالوا هنا ..عاوز اسألكم سؤال ..لكن خايف اطلع من الموضوع.
. في محل غاز قريب من هنا.
. يا زول غاز شنو؟.
. انت بتكتب ليك في عمود رياضي.
. مالكم عاوزين تلخبطوني.
. خلاص معليش.
. برجع ليكم.
. اعتبروني ما قلت حاجة.
. و…
. وانتهى.

انقر هنا لقراءة الخبر من مصدره.