دا كان رد واحد لمرتو الخلقت ليها مشكلة كبيرة لأنو سمعت بيه داير يتزوج عليها. كتب لي أمس وهو يقول كدي خليكم من كلام الرومانسيات والواتساب شوفو مشكلتي دي، أنا زي أزواج سودانيين نسبتهم كبيرة جداً ينتهي الحب والرومانسيات بانتهاء اسبوع العسل وليس كما كان سابقاً شهر العسل وأبلغ الآن من العمر أربعين عاماً وعندي ثلاثة أطفال وحياتي عبارة عن جدول أعمال ثابت ليس فيها جديد شغل.. نوم.. بكاء.. عرس.. والحمد لله رزقي واسع زوجتي عملت بنية زواجي من اخرى قلبت الدنيا وذهبت لأبيها واخوتها وامي واخوتي واصبحت حياتي جحيم.. وفي جلسة من الجلسات سألوها اتريد لزوجك ان يتزوج من اخرى بالحلال أم يرتكب اثماً كبيراً بالحرام؟ فأجابت بسرعة ما يطير بس انا ما عارفة زواج شنو كمان للراجل الما بختشي دا.. يقول الزوج ما رأيك في هذا الرود وانا بدوري أسأل النساء رأيهم وايضاً الرجال لماذا يذهب الزوج للزواج بثانية وثالثة ورابعة كما نزلت في القران بتصريح من رب العالمين؟!