سودارس : "تناتيف"

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

"تناتيف"

شبكة الشروق نشر في شبكة الشروق يوم 05 - 09 - 2012

خلط المسرح الحديث، التكنولجيا والكمبيوتر والسينما بالمسرح، وأعطى للجمهور دوراً في المسرحية بدل ما هو قاعد وفاتح خشمو يتفرج. يعني نشغل الجمهور معانا.. يدفعو قروش ويشتغلو.. يعني كماسرة الحافلات يطلعو تفتيحة أكتر مننا؟ ما نحن قاعدين نلقِّط ليهم القروش.. وهي فكرة المسرح الجامع (الله يجمعنا في الحجاز). الأبطال مافي ولا زول يفتح خشمو بكلمة.
(1)
الفيسبوك... زواج الأسافير
(مسرحية من فصل واحد)
يرفع الستار:
** تظهر شاشتا كمبيوتر أكبر حجم ممكن على المسرح (شاشة 1) و(شاشة2).. مواجهات الجمهور، كل شاشة في غرفة منفصلة ويظهر الحوار الآتي بصورة كبيرة وواضحة للجمهور:- موسيقى رومانسية... مع أصوات الكي بوردات: (تطق تتطقطق.. تتطقتتق.. طق).
- هاي.. سوسو.
* هاي.
-يا سوسو أدخلي صفحتي ودوسي (أعجبني).
* صفحتك اسمها شنو؟
- اسمي عندك يا سوسو.
* طيب كويس (تفتح رندا صفحة سوسو وتظهر على الشاشة الكبيرة صورة تنتصف الشاشة لفتاة في غاية الجمال).
* انتي طالبة في الجامعة في السنة النهائية؟
- أيوا.. وإنتي؟
* أنا اتخرَّجت قبل سنتين وكايسة لي شغل؟
- بس صورتك حلوة يا سوسو.
* شكراً، أي زول بيقول لي إني أحلى من الصورة بكتير.
- صحيح، يا سلااااااام،. عايني جاي.. إنتي مخطوبة يا سوسو؟ "
حكاية الفيس بوك و(الأولاد العاملين بنات): "شكيناكم عليّ الله يا الخواجات كان لخبتونا ولخبتو علينا وليداتنا"
"
* لأ، لسه صاحب النصيب ما جا؟
- طيب والبتجيب ليك عريس؟
* لوووووووول، عندك لي عريس يا إنتي؟
- أيوا، أخوي في أميركا وحسي هو هنا وقال عاوز عروس يا سوسو.
*يااااي، اليو إس؟ لكن العرس كدا ما بيجي يا إنتي، رأيك شنو نتقابل أنا وإنتي في الأول عشان تعرفيني وأعرفك.
- مافي مشكلة وين؟
*حدائق السلام.. الساعة سبعة مساء.. أحسن بدري عشان أنا أخواني لو اتأخرتا بيقتلوني عديل كدي.
- طيب نعرف بعض كيف؟
* أنا بجي لابسة إسكرت بني وبلوزة بيجية وبقيف لك في الركن الشمالي الغربي حتى لو اتأخرتّ انتظريني هناك.. وإنتي ح تكوني لابسة شنو؟؟
- ما خلاص أنا عرفتك بجيكي طوالي.
(بسرعة يتم تغيير ديكور المسرح ليحاكي حدائق السلام، وفي اليوم والموعد المضروب.. ينتقي الشابان الضكران.. والمسجلان في الفيسبوك بأنهما بنات والكان بينهم الحوار الفوق دا.. ويلبسوا أحسن ما عندهم.. ويمشو حدائق السلام قبل الموعد بربع ساعة.. وكل واحد يعاين ومركّز على الركن الشمالي الغربي منتظر البنت الفي الفيسبوك تجي.. لكن يظهر ح يطولو)....ثم موسيقى أغنية:
"قبل ميعادنا بساعتين أبيتو أنا وأباني البيت..
أغالط نفسي في إصرار وأقول يمكن أنا الما جيت"
النهاية
ينزل الستار، يقف الجمهور رجال ونساء، النسوان الشايلات شُفَّع كل واحدة ترزع شافعها في الكرسي ويستقبلو القبلة وهم يداعو: "شكيناكم عليّ الله يا الخواجات كان لخبتونا ولخبتو علينا وليداتنا). بوليص الشغب يحيط بالمسرح يتم القبض على كاتب ومخرج المسرحية.. بحجة إثارة الشغب.. وغِش الجمهور لأنهم طلعو البنتيّن ولديّن.. ودا غش تجاري وتجارة مواسير راسا عديل كدي.
(2)
آلو... مرحباً
* ناخد اتصال آلو مرحباً.
-مرحباً، إزيكم.. إن شاء الله كويسين؟ إن شاء الله ما عندكم عوجة... مبروك الوظيفة.
* الله يبارك فيك، لكن وظيفة شنو؟
- إنتي دحين مو جديدة؟
* أه، الله يبارك فيك... أيوا... وأنا والله سعيدة إني أطل عليكم من شاشة القناة دي. "
"ألو مرحب": "عاوز تسلِّم على منو في السودان؟ يا زولة ناس السودان طايرين في القبل الأربعة.. مادام شفناكي إنتي دي، حسي كنت بنضم معاهم، معليش الظاهر الاتصال قطع.. ناخد تلفون تاني آلو آلو"
"
- هوي يا زولة ها... من تالا سعادة... وحات الله ما بتلحقينا نحن... والله سعيدين سعادتن الواطا دي شفتيها؟ ما شايلانا.
*الله يخليكم يا أخي.
- يخليكي إنتي دي، براااااكي كدي... نحن خليهو يقرضنا جت... ويعدِّمنا نفاخ النار.. أها نعل ما بي ينقلوكي من هنا؟
* إن شاء الله ح أكون معاكم كل أسبوع... في نفس المواعيد.
- لا حولتن... أسبوع بي حالو؟.. مو كتير؟ رفيقتك، الكانت بتقدِّم البرنامج دا، مشت وين؟ إنت عارفة يكونو عرسوها وراجلها مرقها من الشغل، غايتو جنس قطع نصيب.. أها نعلَّهم ناس التلفزيون دا ما متلومين معاكي؟ يعني من تالا ماهية وكدي؟
*الحمد لله... الحمد لله.
- مالك قلتيها ميتاااااااانة كدي؟ بي يدوكي كم حسعتيه؟
*الحمد لله... الحمدلله.
- إنتي قايلة يعني أنا بسحرك؟ واللاّ عيني حارة؟ واللا بحسدك وكدي... لا، والله!!! بس بدور أطمَّن عليكي، والنقول لك قولة: ماهيتك ما تمحقيها ساكت... تباري بنوت التلفزيون ديل وتسويها كلها دهانات... وجلبيط وشي.. شيلي منها قدر ما يكفيكي والباقي أحفضيهو... ناسكم ديل ما عندهم صناديق؟ يعني كان عندهم أدخلي في واحد... والله الصناديق بي ينفعنك... وبعدين تقولي خير السيد دا... فهمو كبير... وبارك الله فيهو... شفتي النسوان القاعدات يتبوبرن بالدهب دا... ديل، جَتْ داخلات صناديق... ههههههههه. أها، شن قولِك فيّ؟ ما دمي خفيف؟
* عاوز تسلِّم على منو في السودان؟
- يا زولة ناس السودان طايرين في القبل الأربعة.. مادام شفناكي إنتي دي، يا زولة أنا حسي في نعمة كبيرة.. حسي كنت بنضم معاهم... وسلمت عليهم.
* معليش الظاهر الاتصال قطع.. ناخد تلفون تاني آلو آلو!!!
(3)
ماسورة
كان يرفض بشدة وجود خادمة بالمنزل
خوفاً على أطفاله.
وتلح هي وتترجاه.
هو وهي موظفان.
أقنعته بعد جهد.
"
الخادمة أخذت موقعها في المنزل بأمرها هي، وتعوّد الأطفال عليها، وأحبوها فأخذت موقعها من قلب زوجها، وتزوجته
"
جاءت الخادمة.
وأخذت موقعها في المنزل.
تعوّد الأطفال عليها.. وأحبوها.
ذهبت لقضاء بعض الأيام في بيت ذويها.
اشتاقت إليه، فعادت.
وجدت رجلاً معمماً وآخرين.
وعقد زواج.. وارتضاها زوجة.
لقد أخذت الخادمة موقعها من قلب زوجها.
(4)
عريس لقطة
على القناة الفضائية.. وبرنامج مباشر ومع الجمهور
(ألو... ألو...)
ألو... مرحباً... منو معانا؟
(معاكي أبو يوسف... من السعودية... شركة الجعيران للنقليات... سواق قندران من السودان... بسوق العربيات... أها، جيت هنا وأخدوني ناس العليان ديل سواق... عِلا كفالتي مو على الشركة كفيلي... راجل طيب... اسمو يوسف... بحب السودانيين... كل شهر بديهو خمسمية ريال... والله أصلو ما قال لي زيدن... واللا شوية... يشيلن حامد شاكر... يا زولة ما أطوِّل عليكي... نحن فينا خمسة وعشرين سوداني كفيلنا الزول دا... طالقنا ساااااااااكت والله... جزاهو الله خير... نديهو الخمسمية دي كل شهر ونشتغل في أي بكان دايرنو... غايتو يا زولة ما داير أطول عليكي... أنا اسمي عباس... عِلا أبو يوسف دي لقب... قلت إن عرست وجبت لي ولد أسميهو يوسف علي اسم كفيلي... إنتي قايلة شنو؟ حسي كايس لي لي مرا وقلت إن باريت الفضائيات دي... قطعن بلم فيها... وما بمرق ساكت.
"
"أمي قالت لي البنوت راقدااااااات بس إنت تعال وأعزل، أها قلت آخد إجازة تلاتة شهور، أقسمها على اتنين، شهر ونص أقعد أحب فيهن الداير أعرسا، والشهر ونص الباقيات أعرس فيهن"
"
عايني جاي.. أصلي زمان كنت داير بت خالن لي... وهي دايراني يعني بيناتنا حب وكدا... ههههههههه. أها قام جا ود أعمن ليها وعرسها... إنتي متل ماكي عارفة ود اللعم أولى من غيرو... أها غيرو دا بقيت أنا... ههههههههه. أها من ديك حلفت ما أعرّس... يا زولة ما أطوّل عليكي... حردت العرس سنين... سنينا ما جاتن شي... حسي قلت يا ولد يا عوض الله... حردان السوق منو البي يرضيهو... هههههههه. أخير تكابس تعرّس وتجيب لك جنا ينفعك في كبرك... أها يا زولة ما أطوِّل عليكي.... مشيت لتجهزتا طَبْ... من تالا أغراد عرس... جهزت الشنطة... وجهزت الريحة اليابسة والريحة الموية... كُح كُح كُح هيييييغ.
معليش أصلي الليامات دي لامي فيني استلهاب... استلهاب راسو عديل كدي... لي حسي تراني قاعد أقح... وزي ما قال الشاعر القُحة ولا صمة الخشم ههههههههه كُح كُح كُح هيييغ... قلت لك... جهزت الريحة والهدوم.. يا زولة ما أطوّل عليكي... ونازل السنة دي زول عرس.. السنة دي قطعاً ما ناطيها.. يا غرق يا جيت حازما يا قول وردي... ههههههه.
أمي قالت لي البنوت راقدااااااات بس إنت تعال وأعزل... لكن يا المذيعة باقي لك العرس البلا حب بي يبقى؟ أها قلت آخد إجازة تلاتة شهور... أقسمها على اتنين... شهر ونص أقعد أحب فيهن الداير أعرسا... والشهر ونص الباقيات أعرس فيهن... وأقعد معاها شوية... أها نضمي دا، شنو ليكي؟ غايتو يا زولة ما أطوِّل عليكي... عندي قطعة واطا في عيد حسين... بنيت فيها عوطين وبرندة العووّض فيهن عوضة مقبلة لا غرب، والتانية مقبلة لا شرق... وحوشين والمنافع وتُكُل... يعني جاهز للعرس تَبْ... لكن عندي شرط للمرا الدايرا... تخلي شغلها إن بقت شغالة... وتقعد في بطن بيتا... غايتو يا زولة ما أطوِّل عليكي... زي ما قلت لك أنا عريس جاهز تَبْ... شنطة العرس زاهبة تَبْ... من هدوم وكل شي حتى النعلات اشتريتن وطبقتهن ودفستهن في الشنطة... نعلات مقاس سبعة وتلاتين.
إنتي يا المذيعة، سوعال يعني كدي لو فيهو استحراج شوية، مقاس نعلاتك كم؟ ترمِّشي في عويناتك كدي.. تلقيهو حسي مقاسن سبعة وتلاتين).

انقر هنا لقراءة الخبر من مصدره.