كلما استمعت لقصيدة الشاعر الفذ سيد عبد العزيز بت ملوك النيل أحس أنني أحب أن أهديها لكل بنات النيل وها أنا اليوم أفعل. شعر: سيد عبد العزيز يا بت ملوك النيل يا أخت البدور مين لي علاك ينيل في البدو والحضور الجبرة فيك بتخيل محمية الحما الما حام حداه دخيل ما كان أبوكي بخيل بت عز الرجال أهل الدروع والخيل الهنا.. والسرور يا السامية ست الجيل طرفك من حياء في عصر السفور خجيل حسنك وضع تسجيل في صحف الدهور يتلوه جيل عن جيل لي يوم النشور الهيفا يا الخنتيل حروف آيات محاسنك أرتلن ترتيل يعجبني فيك تمثيل أخلاق الملاك في سطوة القتيل الفارس الجسور غصنك رطيب وعديل شعرك ليل جبينك يخجل القنديل النور عليكي سديل يا معنى الجمال الما أتوجد له عديل في ناس ولا حور فقتي الكانوا قبيل ما خدات في الجمال جائزة نوبيل حيرتي كل نبيل عيناك سحرهن يسحر سحر أبابيل يخترق الصدور يا صاحبة الأكليل ما أظن النهار العين تدور له دليل محياك نوره جليل كنت أقول شمس لو ما الزمان كان ليل أن عليك نور لا زلت ليك أميل يا رمز السعادة الما أتوجد له زميل يا آية التكميل يا مراية الجمال الفيكي كل جميل ريحانة العصور