عارف ريدي ليكا .. وواثق كم بحبك وما معنى الليالي .. لو ما كانوا قربك وإيه فايدة مشينا .. لو ما دربي دربك وكل الكون معانا .. ما دام نحن جنبك ننعم بي ودادك .. وما احلاهو حبك ٭ ٭ ٭٭ وتسلم يا حبيبي .. ويسلم نور عيونك وما ممكن نفكر .. في يوم بس نخونك إنت علينا غالي .. وريدنا الغالي كونك لا بنحمل دموعك .. لا بنقبل شجونك لا في يوم عرفنا .. فرحة تكون بدونك ٭ ٭ ٭ وتسلم يا حبيبي .. ويسلم لي ريدك بكرة يعود صفانا .. وعيدنا بيبقى عيدك تفرح لي فرحنا .. ونسعد بي جديدك نتحدي المصاعب .. وإيدنا عليها إيدك نكتب فيك اغاني .. فينا تقول قصيدك ٭ ٭ ٭ ٭ وتسلم يا حبيبي .. ويسلم لي شبابك إنت تقول (عوافي) .. ونحن نقول (حبابك) وأي جميل وغالي .. لي حضرة جنابك لا (تتغل) إيدك .. لا ينسد بابك لا تفارق عيونا .. لا يطول غيابك ونفضل نحن ناسك .. وفي الحوبات صحابك تلويح: محاولة بسيطة وعلى عجل .. البعض يرى فيها مشروع اغنية شبابية خفيفة .. وفي انتظار صاحب النصيب