من الزبير بشير طه إلى الشيخ سليمان طه من أرض المحنه من قلب «الجزيرة» برسل ليك سلامي وأشواقي الكتيرة قول لي يا حبيب شن بعمل وراكا انا احلم وآمل في سرعة لقاك ولا اسيبا «مدني» واجي اسكن حداكا قول لي يا حبيب انا حيران معاكا يا حليل الليالي الحلوات بي جهادك ايام بالإشارة كنت ترد سلامك ياما عيوني كانت تسهر من كلامك من الشيخ سليمان طه للزبير بشير طه: زمن الصبا الماضي حليل حليل زهر الحياة الزاهر حليل زمن «القلب» راضي حليل زمن الهوى الطاهر آه لو آه تفيد مجروح والمثل القديم ساير رهاب ما حصلوا الجاري وسماك ما بحصلوا الطاير تجدني على الفراش مضنى تجدنى على الأسى صابر حليل الماضى وأيامو حليل الرونق العامر زمنا الكنا لا ندرى بما كان الزمن ضامر ثلاثيات ليست للبوح ثلاثة لا توجد إلا في سودان العجائب: رئيس حزب عمرو تمانين. الاستمرار في سياسة التمكين. وتصعيد «الإخوة» الفاشلين. ثلاثة يسافر فيها المسؤولون الصادقون فقط: الإنتنوف. والرِّفوف. والتالتة ماح تلحق تشوف. ثلاثة تطيل بقاء الأنظمة الشمولية: الأحزاب الفطيسة الترلات الراقدة هريسة