طبعاً الجن البتعرفو بتعرف كيف تتعامل معاهو معرفتك بشفرة وأسرار الجن الأول يجعلك في مأمن منه. والجن في الزمن ده كثير الزول النصيح أحياناً يقول ليك: «أنا كان جني قام حأعمل وأعمل...» أو يقول: «والله الحاجة دي تجنن.. بمعنى أنها تدهش أو تبالغ». والفنانون أكثر من يتغنى بالجن.. منهم من يقول «ده الجنني» وآخر يدعو لنفسه بقوله «إن شاء الله أجن وأزيد في الجن» وقد يقول لك شخص: «الحاجة دي ما بديك ليها لو جنيت»!! وهنالك عبارة: «يا زول ما تتجنن علينا».. ده غير الجن الكلكي اللابس ملكي، والجنون فنون كل تلك الجنون تحتاج لمعرفة.. وأفضلها جناً تعرفو ولا جنناً ما بتعرفو».